1 Ịsamụwẹrị 16:21 - IWE ỌNỊNỊ

²¹ Ịjị Idevidi tù ịda Ịsọọrụ, dị ọ yà ịda anị nị. Ịsọọrụ ô sì ịrẹyị Idevidi ẹtẹẹtẹrẹ dị ahịka ọnị ọ kụkụ aa za ẹnya ịrẹkụ anịị gụ ọ nị.

1 Ịsamụwẹrị 16:21 ပူးပေါင်းရင်းမြစ်များ

Oyinyima 41:46

Ijosẹẹhụ vị ịrayị ohurẹẹwụ di o nyima ee pè ohinọyị Anijipiti mẹ̀ ụkọrọ. Di Ijosẹẹhụ hụụ ịda Ihwarawo, di o ne chire avaba ẹtẹ Ijipiti ahụ nị.

1 Ohinọyị 10:8

Ese ewu ẹnịrị ezi ahụ awụ ệ dà jẹ kẹnẹ! Dị ẹnịnị maanị hi ịda awụ pooro, dị ẹ maanị aa wụ́ ịrẹyọyẹ awụ.

Ahẹ Ụgama 118:9

Mị ka ọza òo zwe na tẹ̀ ịda Ẹnẹyịmavara ọnị ọ da hi hu ka ọ̀ na sị ayị tụra aza ẹbanyị nị.

Ahẹ Ụgama 146:3

Asị ụ na sị ayị tụra aza ana nyị ụkata. Mị ka asị ụ na sị ayị tụra ọzarẹyịrẹsụ ana ahịka ọ yị zụ dọ ọza há.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ụhịrẹyị 22:29

Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Iwe Ọhụhị Imosiisi ana aa hị́ Ọyịvatụrọda 1:38

Ama Ijosuwa ozi Inuni ana vị ọnọgụvọ anị ọ vaa ngụ ịzọọ nị. Dị ọ ka Imosiisi ọ̀ tụ́ Ijosuwa ọtụtụrụma agụvị ka ọnị ọ vaa kụ Anisirẹrị na dọ ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 10:8

Ịrẹsụ ataba, Ẹnẹyịmavara ya nị Anireevi nịnị ka e si eyi pe apoti oto anị nị. Ẹnịnị ọ̀ nyị ka ẹ vị ohirẹsụ irehi anị nị. Ẹnị ẹ zụ mẹ̀ aduwa ka o zee yị aza dị ọ dọ rị nị ụkọrọ anaa sị yị wa pooro tu ajịnị ọ vị ọnọọ nị.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

1 Ịsamụwẹrị 16:22

Dị Ịsọọrụ va tụ́ na kà yi Ijeese ka ọ̀ navọ di Idevidi ọ̀ kụkụ yà ịda anị, ka ebira anị ô zee ọnị eyi.

1 Ịsamụwẹrị 17:15

Idevidi ọ̀ọ hụụ ịda Ịsọọrụ di o ne hee atẹmẹ ada anị Ịbẹtịrẹhẹmị, dị ọ rẹ vavẹ.

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 19:7

Di Ijonatani va na hí Idevidi dị ọ vavọọ kà avaba ịrẹyị ẹnẹẹ yọ nị. Di Ijonatani sị Idevidi nọ ịda Ịsọọrụ dị ọ rẹ yà ịda anị anka ịyẹẹyẹ nị.