1 Ịsamụwẹrị 16:13 - IWE ỌNỊNỊ

¹³ Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 16:13 ပူးပေါင်းရင်းမြစ်များ

2 Ịsamụwẹrị 12:7

Di Inatanị va kà a yi Idevidi dị ọ ka, “Ẹwụ gẹdẹ-gẹdẹ ọ vị opisa ọnọọ nọ! Wụ́ ịrẹyị ẹnẹ Ẹnẹyịmavara ana vị Ohomorihi ana Anisirẹrị aa hẹkẹ kà oo! Ọ kà ọnị ộ nyị wụ ka wa rị ohinọyị Anisirẹrị. Dị ọnị dọ wụ tụ́ hụụnị ụvọ Ịsọọrụ nị.

2 Ịsamụwẹrị 2:4

É mè hi ịzọọ, ẹkụhị ọnya dị Anijuda vẹ Ihebirọnị dị ẹ yà ịzọọ nyị Idevidi dị ẹ sị ọ rị ohinọyị Anijuda nị. Ẹkụhị ọnya dị a va kà a yi Idevidi ka Anijabesi Anigiriyadi e nē Ịsọọrụ nọ!

2 Ịsamụwẹrị 23:1

Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

2 Ịsamụwẹrị 5:3

Dị ọdọvịdị Anisirẹrị ne tù Idevidi ohinọyị Íhebirọnị ịzọọ, dị ẹnịrị Idevidi hị́ eku yị ẹngụ éyi Ẹnẹyịmavara ịzọọ nị. Dị ẹnịnị sị Idevidi dị ẹ sị ọ rị ohinọyị avaba Anisirẹrị nị.

2 Ohinọyị 9:6

Ịzẹyịza Ijehu ộ kwẹẹtẹ, dị ẹ ngụ ịnị aku nị. Ọnịsẹ ọnọnị ộ va angwẹ ọnọọ hi ọ ịrẹsụ, dị ọ kà a yọ ka, “Ẹnẹyịmavara, Ohomorihi Anisirẹrị nịnị ka, ọnị ộ nyị wụ ka wa vị ohinọyị aza anị, Anisirẹrị nịnị o.

1 Ịtọpa 11:3

Ẹ ka agụvị avọọ ẹnị azọkụ-azọkụ Anisirẹrị ve tu ohinọyị Idevidi Ihebirọnị nị. Idevidi ọnịrị wa ệ hị́ eku yị ẹngụ Ihebirọnị ọvịdị Ẹnẹyịmavara, dị ẹnịnị vị angwẹ orivi hi Idevidi ịrẹsụ, dị ẹ sị ọ rị ohinọyị Isirẹrị, anka Ẹnẹyịmavara mẹ vịdị kà a ka Ịsamụwẹrị ọ̀ kà a nị.

Ahẹ Ụgama 89:20

Ụ ka wê re Idevidi ozi ahụ awụ, dị ụ sị angwẹ awụ nyị ọ ka ọ̀vị ohinọyị nị.

Ahẹ Ụgama 89:21

Ụ rẹ ka ụ vaa gụ ọ ụvọ dị ụ sị ụkata yọ.

Ịrịka 11:17

Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara.

Ịrịka 27:18

Dị Ẹnẹyịmavara kà Imosiisi ka ọ sị Ijosuwa ozi Inuni ọnị Ụhwẹ Ohomorihi yà pe, dị ọ sị ụvọ tụra a ịrẹsụ.

Ịjọọnụ 3:34

Ọza oni Ohomorihi tụ́ vẹ ẹhẹ, vị ana aa kà ịrẹyị Ohomorihi, agụvị ka Ohomorihi ọ́ sị Ụhwẹ Ọnịnịị yọ ẹtẹẹtẹrẹ.

Odeyi 13:22

Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

Anihiburu 1:9

Ịzẹyịza óo zé wu eyi, ama wáa nyị ịhyẹrẹ ịsa edivi; agụvị avọọ Óhomorihi ana vị Ohomorihi awụ nyị wụ, ka ẹwà nyị ụbanyị ọnịrị ịrajẹ huna anda awụ nịnị ana vọ nị.”

Anihiburu 11:32

Sị màa kụkụ kà? Mẹ yị nyị ụmẹ kà ịrẹyị Igidiyọnị, ọnịrị Ịbarakị beri Ịsamịsịnị ọnịrị Ịjẹhwịta ne beri Idevidi ọnịrị Ịsamụwẹrị ọnịrị ọnịsẹ nịnị.

Ọdọvịdị 11:29

Ịjọnọọ Ẹnẹyịmavara ọ sị ụkata anị yị Ịjẹhwịta. Dị ọ ngụ ẹtẹ Igiriyadi ọnịrị Ịmanasẹ zịịzị nị. Ọọ rẹ zị oze ẹkụra Imizipe ịnị ẹtẹ Anigiriyadi parahu. Ịzọọ ọ hụrẹ dị ọ na gẹrị Anaamọnị nịnị nị.

Ọdọvịdị 13:25

Ịjị Ịsamịsịnị ya udi Ịdaanị, ini akakana ịzị a hị́ Izora ọnịrị Ẹchịtaarị, dị Ẹnẹyịmavara sị ụkata yị ọ ana mẹ ka ọ hụra sị a nyị ịsa ọnị mẹ nị.

Ọdọvịdị 14:6

Dị Ẹnẹyịmavara sị ụkata yị Ịsamịsịnị dị ọ za idu ọnọọ dị ọ gara ha anka ọza o rere a wụ̀ ozi ẹvụ avọọ nị. Ẹ yị nyị ịsa ọ sị rị ụvọ dị ọ vavọọ mẹ, Ịsamịsịnị ẹ yị kà a yị ada anị ọnịrị ọnyị anị ọ mẹ vavọọ mẹ.

Ọdọvịdị 3:10

Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

1 Ịsamụwẹrị 10:1

Ịsọọrụ mẹ̀ jẹẹ ee zi Ịsamụwẹrị, dị Ịsamụwẹrị na sị angwẹ tụ́ ịnị ịsa vẹ nị. Ọ mẹ̀ vẹ, dị ọ và angwẹ ọnọọ hi Ịsọọrụ ịrẹsụ nị. Ịjị ọ vavọọ sị angwẹ và hị́ ọ ịrẹsụ, dị Ịsamụwẹrị kụ́ ọ anka a mẹ̀ẹ kụ́ ohinọyị nị, dị ọ ka Ẹnẹyịmavara ọ sị ọ nyị ka ọ̀ vị ohinọyị Anisirẹrị ana vị aza ọnị Ohomorihi.

1 Ịsamụwẹrị 10:6

Di Ịsamụwẹrị rẹ ka ịjọnọọ Ẹnẹyịmavara vaa tụ́ Ụhwẹ anị dị ọ na ngụ ịnị Ịsọọrụ, dị ọ mẹ ka Ịsọọrụ ọ̀ nyị ụkata, dị ọnịrị ọnịsẹ ẹnẹẹ kụkụ aa kà ịsẹ. Ịsamụwẹrị ka Ohomorihi vaa mẹ ka Ịsọọrụ ọ̀ vara, dị ọ vị ọza irenyi.

1 Ịsamụwẹrị 11:6

Ịjị Ịsọọrụ maanị wụ́ ịrẹyị ẹnẹẹ, dị Ụhwẹ Ohomorihi sị ụkata yọ, dị ayị nyayịnẹ kụ́ ọ ẹtẹẹtẹrẹ nị.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 18:12

Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.