1 Ịsamụwẹrị 16:12 - IWE ỌNỊNỊ

¹² Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị.

1 Ịsamụwẹrị 16:12 ပူးပေါင်းရင်းမြစ်များ

Oyinyima 39:6

Di Ipotihwa kụkụ hụrẹ avaba ogu anị ụvọ yị. Ijosẹẹhụ ka ò sị eyi pè e nị. Ọ yị kụkụ hụrẹ ayị ịnẹ ogu anị ọnyọọnyị à yị vị ịsọyịrị anị kẹnẹ. Ijosẹẹhụ ô zoza ẹtẹẹtẹrẹ. Ọza òo re e, vị aa va a nị.

2 Ịsamụwẹrị 23:1

Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

1 Ohinọyị 1:34

Weè tù ịzọọ nịnị, dị ẹwụ Ịzadọkị ana vị ohirẹsụ irehi Ohomorihi beri Inatanị ana vị ọnịsẹ ọ̀ sị angwẹ nyị Isoromọnị dị ọ̀ rị ohinọyị tụra ịrẹsụ Anisirẹrị. Wàa vavọọ sị ọ mẹ, di u hú ọpanyị nịnị dị ụ ka, ‘Taarụ, Isoromọnị ohinọyị, orubo ọcha, orubo ẹya.’

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 78:70

Ộ hị́ Idevidi ozi ahụ anị hụrẹ ịzị ọ yà aa tẹsị ịsụpa,

Ọyịkụra 2:2

Ọnẹẹ ọnọọ ộ ma ozi ọnọrụ ọnya aanị yọ. Ọnẹẹ ọnọọ mè re ka ozi ọnọọ ô zoza ẹtẹẹtẹrẹ, dị ọ tangwa sị ọ tẹ pooro dị ọ mẹ ụhwẹ ẹẹta nị.

Ahẹ Isoromọnị 5:10

Ọza ọnị mị maanị sì ịrẹyị anị aanị oo zoza ẹtẹẹtẹrẹ, dị ọ́ nyị ụkata nị. Ọza irenyi ọ́ vị ịnị akakana ọnọrụ otomiroku nị.

Arụwẹ 4:7

Ezi anọrụ ayị e yi du ha, ệ nị yakị-yakị. Dị ẹ yaa yamị-yamị zị ẹnịrị ẹngụ ọnịya, ọchẹngụ ẹnịnị aa tototo anka uweyi ọkatarihi ana aā hị́ ịsahwaya avọọ nị.

Ịzakaraya 4:14

Dị anggẹẹrị kà, aza ẹnị ẹ ẹẹva ọnị Ohomorihi nyị ka ẹẹ hẹkẹ ọnị ana nyị avaba ẹhẹ nị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 7:20

Ụmẹ ọnọnị a sị ma Imosiisi nị. A mẹ̀ ma Imosiisi, ô zé Ohomorihi eyi. Â pá a mẹ ụhwẹ ẹẹta ini eehi ịdị ada anị.

Anihiburu 11:23

Aza ana ma Imosiisi ệ sị ayị tụra Ohomorihi. Ọnị ọ mẹ ka ẹ mẹ̀ sị Imosiisi ma, ẹ̀ sị ọ na tẹ̀ mẹ ụhwẹ ẹẹta nị, agụvị ka ê ree ka ozi ọnọọ ô zoza. Ẹnịnị e yi hí angwa ọda oni ohinọyị mẹ.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 17:42

Dị Anihwirisiti ọnọọ kana eyi, di o re Idevidi dị ọ maanị si eyi ịyẹyẹ re e nị. Ô re ka ozweyi ọ vị nị, di o re vi, di o zoza nị.

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 9:17

Ịsamụwẹrị mè re Ịsọọrụ dị Ẹnẹyịmavara kà ọza ọnị ọnị aa kà ọ vị ọnọọ nị. Ọ kà ọnị ọ vaa vị ohinọyị aza ọnị Ohomorihi nị.