1 Ịsamụwẹrị 16:11 - IWE ỌNỊNỊ

¹¹ Dị Ịsamụwẹrị va họ̀ Ijeese dị ọ ka vi ezi anị wáá ta nị. Di Ijeese ka ọ vị vọ oweyi ọnya, ama ọnị vị ana sị eyi pe ịsụpa. Di Ịsamụwẹrị ka Ijeese ọ̀ wụsẹ tụ́ na hị́ ọ vẹ. Ọ kà ẹnị ẹ yị vaa yaayịtẹ pooro dị ọ vẹ.

1 Ịsamụwẹrị 16:11 ပူးပေါင်းရင်းမြစ်များ

2 Ịsamụwẹrị 13:3

Amịnọnị ộ nyị ọta ọnya ana aā hị́ Ijonadabị. Ozi ọnọrụ ana aā hị́ Isama ana vị ọyịnyara Idevidi Ijonadabị vị nị. Ijonadabị vị ọnọbọ ọbanyị ọnya.

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

1 Ịtọpa 17:7

Avọọ ọ ka ọnị ọ̀ kà a yị Idevidi ozi ahụ anị ka ọnị, Ẹnẹyịmavara Ochẹtẹẹngụ ka, vi u wee sere atẹmẹ dị ọnị va sị wụ ka wa va vị ohinọyị aza anị Anisirẹrị nịnị nị.

Ọyịkụra 3:1

 nyị ụmẹ ọnya dị ahịka Imosiisi ọọ̄ kụ́ atẹmẹ ọnịrị ẹvụ Ijetiro ọyẹ anị na rị. Ijetiro a rẹẹ̄ hị́ Iruweri nị. Ọnị ọ vị ohirẹsụ irehi Ohomorihi tụ́ Imidiyani nị. Ẹkụhị ọnya ộ kụ́ Ịsụpa ẹnẹẹ na ngụ ịnị ụnọmị na huu. Ọ na ngụ ịnị ataba Ịhọrẹbị ana aā hị́ ataba Ohomorihi.

1 Ịsamụwẹrị 16:10

Di Ijeese vavọọ kụ́ ezi anị ịhịmba zi oze ọvịdị Ịsamụwẹrị para hu nị. Dị Ịsamụwẹrị ka ẹ yị nyị ẹnị Ẹnẹyịmavara nyị ịnị ẹnị ẹnẹẹ nị.

1 Ịsamụwẹrị 17:28

Aza ẹnẹẹ mẹ̀ maanị aa kà a yị Idevidi, di Eriyabi ẹnẹbẹnị anị sị wụ nị. Dị ayị sị kụ́ Eriyabi tù Idevidi nị, dị ọ ka, “Si u ve sì ịzẹnị? Ẹnị ụ navọ ịsụpa chee ana ada ayị nyị tịtẹ yị ịnị ụnọmị ịzọọ? Mâ yẹ ka vi ụụ̄ wo otoo zị nị, dị mị rẹ yẹ ịsa odivi ana yà ịnị ayị awụ nị. Mâ yẹ ka ụ vẹ ịzẹnị ka we ve re ị mẹmẹ aa kụ̀ ịrẹkụ nị.”