1 Ịsamụwẹrị 15:9 - IWE ỌNỊNỊ

⁹ Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 15:9 ပူးပေါင်းရင်းမြစ်များ

2 Ịsamụwẹrị 6:13

Aza ana na sị apoti ọnọọ aa vẹ mè ree hu ahụ ịhịnọnyị, dị ọ ka ẹ̀ jẹẹ, dị ọ sị akụ imaaru ọnịrị imaaru ana a pá ka ọ̀ banyị, dị ọ wụ̀ wa dị ọ sị mẹ̀ ịsọvọ yị Ẹnẹyịmavara nị.

1 Ohinọyị 20:34

Di Ịbẹnịhadadị ka, “Ẹkụra ana ada amị dọ hụụnị ụvọ ada awụ maa và wa ịrẹma wụ. Wa zụ nyị aha ohu tụ́ Ịdamasịkọsị anka ada amị ọnị mẹ̀ rẹ vịdị nyị tụ́ Ịsamarịya.” Di ohinọyị Anisirẹrị ka, “Maa jẹẹ tụ́ ịrẹsụ ịrẹyị ọnị ụ kà aanị, dị ma hụrẹ wụ ụvọ dị waa na.” Ịzẹyịza dị ọnịrị ọ hị́ eku yị ẹngụ, dị ọ hụrẹ ẹ ụvọ ka ọ̀ọ na nị.

Imatiwu 26:9

A yaanị nyẹngụ ná eturare ọnọọ ẹtẹẹtẹrẹ, dị a sị ẹkẹhị anị yị onosiye nịnị.”

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.

Ijosuwa 7:21

Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

1 Ịsamụwẹrị 15:10

Dị Ẹnẹyịmavara va hị́ Ịsamụwẹrị dị ọ ka,

1 Ịsamụwẹrị 15:15

Dị Ịsọọrụ ka, “Isoja nịnị ẹ navọ Imaaru ọnịrị atẹmẹ ene zoza hu ịnị ịsụpa Anamarẹkị nịnị, dị ẹ kụ́ wa vẹ ka à sị va mẹ̀ ịsọvọ yị Ẹnẹyịmavara ana vị Ohomorihi awụ nọ! Ama avaba ịsa ana vọ vị ọnị ị wụ̀ va ha.”

1 Ịsamụwẹrị 15:19

Sị ẹ vavẹ dị ụ mẹ̀ akamawụ hi Ẹnẹyịmavara? Sị ẹ vẹ dị ụ maanị mẹ̀ ebira odivi ini eyi Ẹnẹyịmavara dị ụ na kụ́ ogu oni u re éyi ịrẹkụ?”

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 28:18

Wụ ka wẹ mā wụ́ ịrẹyị Ẹnẹyịmavara. Ayị ộ kụ́ ọ tù Anamarẹkị, ọ ka wa aa mẹ ọyịkụ ọnọọ yị wa, ama wê yi. Agụvị avọọ Ẹnẹyịmavara maanị kụ́ ọ tù wu aanị nị.