1 Ịsamụwẹrị 15:33 - IWE ỌNỊNỊ

³³ Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.

1 Ịsamụwẹrị 15:33 ပူးပေါင်းရင်းမြစ်များ

Oyinyima 9:6

Ọ rẹ ka Inowa ọ yẹ ka ọnị Ohomorihi vị ana mẹ ọza vene ẹngụ anị. Agụvị avọọ ọza ọ̀ọ wụ̀ ọza, vị a raa wụ ọnị ẹkẹhị anị nị.

1 Ohinọyị 18:40

Di Erija ka ẹ̀ za ọnịsẹ Ịbaarị ẹnẹẹ, asị a nyị ana zẹẹ ka ò zwe. Ịzẹyịza dị a za wa di Erija kụ́ wa chi nọ ini orosi Ikisoni dị ọ na wụ̀ wa ịzọọ nị.

Ọyịkụra 17:11

Imosiisi ọ̀ọ sị ụvọ amị tụ́ ẹba, di Anisirẹrị ee huna Anamarẹkị. Ama ọ̀ọ rọ̀ ụvọ anị chi, di Anamarẹkị ee huna Anisirẹrị.

Ọyịkụra 21:24

Ọza ọ̀ọ tụ̀ ọza eyi, à rẹ tù ọnị eyi. Ọza ò hu ọza anyị, à rẹ hu ọnị anyị. Ọza ọ̀ọ dà ọza ụvọ, à rẹ dà ọnị ụvọ. Ọza ọ̀ọ dà ọza ahụ, a rẹ dà ọnị ahụ.

Ayịsaya 34:6

Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị.

Ijeremaya 18:21

Ama booro aanị Ẹnẹyịmavara ọ̀ navọ ụngwẹ ọ̀ wụ ezi ẹnịnị và ha; ọ̀ navọ à wụ̀ wa và ha eyi ịrẹkụ. Ẹnẹyịmavara ọ̀ navọ ọ̀ jị anyẹnẹẹ ẹnịnị osoku, dị ezi ẹnịnị ẹ̀ jị wa ụvọ. Ọ̀ navọ ụkụ ọ̀ wụ ọnọrụ ẹnịnị, dị à wụ ezwọọmụha ẹnịnị và ha eyi ịrẹkụ.

Ijeremaya 48:10

Ọza ọnị ẹ̀ yị kụ ẹngụ hi ụkọrọ Ẹnẹyịmavara mẹ, o du ọọ ku. Ọza enee yi ka ọnị tọ̀ ọza ụnava dị ọnị ọ̀ wụ̀ aza, o du waa ku huuu.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

Ịrịka 14:45

Dị Anamarẹkị ọnịrị Anikenaani nịnị ene hi ịrẹsụ ataba chi vẹ vaa rị wa dị dụ wa huu va ngụ ẹkụra ana aa hị́ Ịhọma nị.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ẹtore 16:6

Ệ wụ̀ aza awụ beri ọnịsẹ awụ nịnị, dị e che anya ẹnịnị sẹ́ ẹtẹ nị. Ẹwa rẹ raà sị anya yị wa ka èe hụ́ ọọ. Ịsị ẹ vọrọ tụra wa gẹdẹ-gẹdẹ ọ vị ọnọọ nị.

Ẹtore 18:6

Ọ kà, À mẹ Ịbabịrọnị anka ọ́nị mẹ̀ rẹ mẹ aza gẹdẹ-gẹdẹ; è sí ọ ụta ịsị ọ mẹ tụra-tụra. Ako ọnị ọ sị ká ẹchịpa anịị wụ nịnị, à vavọọ sị ká ẹchịpaa yọ oze ẹẹva.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.

1 Ịsamụwẹrị 10:8

Dị Ịsamụwẹrị ka Ịsọọrụ ọ̀ dọ ọvịdị dị ọ̀ọ nọ Igirigarii zi ọnị, ka ọnị ee nee tù ọ ịzọọ. Ọ kà ọnị òo tù ịzọọ ọnị vaa mẹ̀ ịsọvọ ana aā rị ịraa yị Ohomorihi, ọnịrị ịsọvọ ana aā mẹ ka aza ẹ̀ nyị ẹngwọọrọ. Ọ kà Ịsọọrụ ọ̀ jẹẹ zi ọnị mẹ ẹkụhị ịhịmba dị ọnị ọ̀ va kà a yọ ịsị a vọrọ ka ọ̀ mẹ.

1 Ịsamụwẹrị 15:32

Dị Ịsamụwẹrị ka ọ̀ sị Agagị ohinọyị Anamarẹkị ve tù ọnị nị. Agagị ọnị màa vẹ, dị aa jẹ nị, di ee ro o ka ọnị ộ yẹ ka ẹ yị kụkụ nyị ịrẹyị isu ana vịdị maanị ee hí ọnị angwa ẹnẹmẹhị.