1 Ịsamụwẹrị 15:32 - IWE ỌNỊNỊ

³² Dị Ịsamụwẹrị ka ọ̀ sị Agagị ohinọyị Anamarẹkị ve tù ọnị nị. Agagị ọnị màa vẹ, dị aa jẹ nị, di ee ro o ka ọnị ộ yẹ ka ẹ yị kụkụ nyị ịrẹyị isu ana vịdị maanị ee hí ọnị angwa ẹnẹmẹhị.

1 Ịsamụwẹrị 15:32 ပူးပေါင်းရင်းမြစ်များ

Ijeremaya 48:44

Ọza enee zwè yị ịsị ee chire ọza angwa aanị, vee horo ngụ ụsị, ọza anaa jịnẹ hụụnị ụsị ọnọọ tụ ẹhẹ dị ịrẹpa za a, agụvị ka ụmẹ ọnị ọnị Ẹnẹyịmavara jị ka ọnị ee sii vu Animowabi nịnị ẹtẹ ọ vị ọnọọ nị.

Ihoseya 6:5

Ẹnẹyịmavara kà ọnị ộ tụ́ ọnịsẹ anị ka ẹ sẹ wa rugurugu. Avọọ ọnị mẹ rẹẹ̀ sị ịrẹyị anị wụ́ wa nị. Dị ọnị sị usu chire wa angwa nị. Ọkarẹyị ọnị ọnị vaa mẹ̀ yị wa vaa vẹ anka ịnyanya mẹẹ rị vee avọọ nị.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

Ijosuwa 10:22

Ịjọnọọ Ijosuwa kà yị isoja ka e na oze ụtẹha ọnọọ dị ẹ kụ́ ohinọyị ẹyịhị ẹnẹẹ va yị ọnị nị.

Ẹtore 18:7

Vị́ ọ vịdịị wo ka â nyị ịsị ọnị vị nị, dị aa rị ẹhẹ o mè ze eyi nị, agụvị avọọ, sị́ ụya rị ọọ ẹtẹẹtẹrẹ nịnị Vị́ ọọ̄ kà a yị ẹngụ anị ka ohinọyị anẹẹ ọnị vị nị. Ọnị ọ yị vị osoku, ọnị ọ yị rẹ vaa rị ụya vụrụ-vụrụ.

Ọdọvịdị 8:11

Aa nyị oze ọnya aanị ana naa ngụ udi aza ẹnẹẹ anaa ra hị́ ịnị ajẹngụ. Oze ọnọọ va na ya eyi ọnị ọyị zị hụrẹ ẹ vẹ. Ịzọọ aa hị́ Inoba ọnịrị Ijabeha nị. Igidiyọnị ọ zị oze ọnọọ na ngụ udi Animidiya nịnị. Ịjị o tu ịzọọ, dị ọ ne tu ka isoja ene hị́ ịzọọ ẹ yị sị eyi pe ẹtẹ nị. Dị Igidiyọnị kwẹẹtẹ dị aa wụ̀ wa ha nị.

1 Ịsamụwẹrị 15:31

Ịzẹyịza dị Ịsamụwẹrị saasa Ịsọọrụ varẹma dị ọ na hẹkẹ Ẹnẹyịmavara nị.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.