1 Ịsamụwẹrị 15:3 - IWE ỌNỊNỊ

³ Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 15:3 ပူးပေါင်းရင်းမြစ်များ

Oyinyima 36:12

Eripazi ozi Iisọ ộ rẹ nyị ọnẹẹ ọsa ana aā hị́ Itimina. Itimina ọnọọ ọ ma Amarẹkị yi Iisọ nị. Ezi ana hụụnị ịpa Ada ose Iisọ vẹ ẹ vị ẹnẹẹ nị.

2 Ịsamụwẹrị 1:8

Di ozi ọnọrụ ọnọọ ka dị Ịsọọrụ va họ̀ ọnị use ka ẹnị ọnị vị nị? Dị ọnị ve tù ohi dị ọnị ka Anamarẹkị ọnị vị nị.

Ọyịkụra 17:14

Dị Ẹnẹyịmavara kà a yi Imosiisi dị ọ ka, “Chẹrẹ ịrẹyị ọnọnị tụ́ ini iwe dị àa tamayị anị. Kà a zụ̀ Ijosuwa dị ọ̀ wụ́. Anamarẹkị vi oni mee vú ẹtẹ dị ọza ọ mā vana wụ́ ịrẹha ẹnịnị ịnị ẹhẹ.”

Ọyịkụra 20:5

Wẹ yị nyayịnẹ hẹkẹ wa. Ẹma vị Ẹnẹyịmavara ana vị Ohomorihi awụ nị. Me mē sì ka ọza ò sì ịrẹyị amị di ò re kuku ne sì ịrẹyị ori. Ọza ọ̀ọ nyị ịhyẹrẹ amị ịvị ọ mẹ avọọ nị. Maa sị ụya anịị rị ọ ne beri ozi anị ọnịrị aazị anị ne chire ẹmaazị anị.

Ịrịka 24:20

Ịbaraamị o re re ịsị e vee tu Anamarẹkị. Ọ kà, ẹnịnị ẹ́ nyị ụkata hu anẹkụra ana vọ nị, ama ịrẹma anị vị ọnị e vee vú ẹtẹ saka-saka hụrẹ ẹtẹ.

Ịrịka 31:17

Dị ọ mẹ ọda ka ẹnịnị wụ́ avaba ezi anọrụ Animidiya ọnịrị anẹẹ ẹnịnị ana sị ọnọrụ yẹ.

Ijosuwa 10:39

Dị ẹ rị ẹkụra ọnọọ vaka avaba ẹkụra eweyi-eweyi ana kara a nị. Di e vu wa ẹtẹ bemi-bemi anka Iribina ọnịrị Ihebirọnị.

1 Ịsamụwẹrị 14:48

Ịsọọrụ ộ kụ̀ ịrẹkụ anka ọmụha, di o huna Anamarẹkị nịnị nị. Dị ọ dọ Anisirẹrị hụụnị ụvọ aza ana vịdị aa gara waa ha nị.

1 Ịsamụwẹrị 15:18

Dị ọ va tụ́ wụ ụtụ dị ọ ka wa na wụ̀ avaba Anamarẹkị va ha nị, agụvị ka ebira ẹnịnị ẹ sị divi. Ọ kà wa kụ́ ịrẹkụ ne tù wa, dị wa wụ̀ wa va ha saka-saka.

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 22:19

Dị ọ rẹ za avaba anẹkụra Inobi, dị ọ sị ụ̀hwọ̀ wụ̀ wa nị. Anẹẹ, anọrụ, ezweyi ọnịrị ezinụvọ vị ọnị ọ wụ. Avọọ ọ mẹ̀ rẹ wụ imaaru, ịkẹrịkẹtẹ ọnịrị atẹmẹ ẹnịnị nị.

1 Ịsamụwẹrị 27:9

Ịzị Idevidi ọ̀ọ kụ́ ịrẹkụ nọ, ẹ yị nyị ọza ikonya ana aa navọọ tụ́ ịzọọ ọnị ọ̀ yị yàa wụ. Ọ̀ọ sị wa wụ, dị ọ kụ́ atẹmẹ ọnịrị imaaru ne beri ịkẹrịkẹtẹ ọnịrị ịnyaakụmị ẹnịnị. Ịta ẹnịnị vị ọnị ọ rẹẹ̄ kụ́, dị ọ raa vẹ Akisi.

1 Ịsamụwẹrị 30:17

Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe.