1 Ịsamụwẹrị 15:28 - IWE ỌNỊNỊ

²⁸ Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 15:28 ပူးပေါင်းရင်းမြစ်များ

2 Ịsamụwẹrị 3:18

O si tù ka wa sị ọ mẹ ohinọyị nịnị booro aanị. Wâ yẹ ka Ẹnẹyịmavara ộ vịdị sị ọ kà yi Idevidi ka ọnị Idevidi ọnị vaa mẹ ka ọ̀ dọ Anisirẹrị aza anị tụ́ hụụnị ụvọ Anihwirisiti ọnịrị avaba ọnịvị ẹnịnị nị.”

2 Ịsamụwẹrị 3:9

Di Abịna rẹ ka, “Ẹnẹyịmavara ọ raà hị́ eku ka Idevidi ọ vaa vị ohinọyị nị. Maa hụrẹ ụvọ ohinọyị yị Idevidi. Maa sị ọ rị ohinọyị dị ọ nyị ahụ jẹẹ ịrẹsụ Isirẹrị ọnịrị Ijuda. Ọnị ọ vaa rị ohinọyị huu hụrẹ Ịdaanị na ngụ Ịbẹẹsẹba nị. Mẹ̀ yị rẹ vavọọ vaa mẹ Idevidi, asị Ohomorihi zẹẹ ka ò zoza yi emi Abịna.”

2 Ịsamụwẹrị 6:21

Di Idevidi tụ́ o ohi dị ọ ka, “Ẹnẹyịmavara ộ jị ada awụ tịtẹ dị ọ sị mị rị ohinọyị nị. Ẹ yị nyị ọza ọnị ọ sị ịnị aneehi awụ nịnị, dị ahịka ẹmị ọ si ka ma vị ohinọyị Anisirẹrị ana vị aza anị nị. Ẹnẹyịmavara ọnọọ m maa si ụbanyịị yị nị. Ẹzẹ vị ọnị maa nyị dị maa sịị sị ụbanyịị yọ.

1 Ohinọyị 11:11

Dị Ẹnẹyịmavara va kà a yi Isoromọnị dị ọ ka, “Wéé re ẹngụ ebira ọnị ụ vaa mẹ aanị, wẹ̀ yị jẹẹ pè ịrẹyị ọnị ị kà, wẹ yị rẹ saasa ịrẹyị ọnị mị mẹ ọda anị wụ. Agụvị avọọ, yẹ o, ka ohinọyị ọnị ụ rị aanị vị ọnị maa dọ hụrẹ wụ ụvọ. Ozi ahụ awụ mị kụkụ aa sịị yị nị.

1 Ịtọpa 10:14

Ẹnẹyịmavara a vọrọ ka ọ̀ vavọọ naa họ̀ ka ọ̀ zụ̀ nị oze nị. Agụvị avọọ Ẹnẹyịmavara sị wụ ọ, dị ọ sị Idevidi ozi Ijeese ka ọ̀ kụkụ rị ohinọyị tụ ẹkụra anị nị.

Ijoovu 34:24

Ẹ yị nyị ka Ohomorihi o si iruvo, dị ọ jị ọdọvịdị nịnị, dị ọ kụ́ aza hi udi ẹnịnị.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Ịdanịyẹrị 4:32

Ọ kà, a vaa dụ ọ hụụnị ẹkụra dị ọnịrị uye ịnị avị nịnị kụkụ na rá. Ọ vaa rị avị anka ụnọ avọọ mẹ ịrayị ịhịmba. Ịjị ọnọọ ọ vaa yẹ́ ka Ohomorihi ene hu kere-kere ọ nyị ọda avaba anẹhẹ nị ọnịrị ka ọza enee ze e eyi ọ́ nyẹngụ sị rị ohinọyị nị.

Ịjọọnụ 19:11

Dị Ijeesu ka, “Wẹ yị yaanị nyị ụkata ọyịmẹ̀ mị ịsọnyị-ịsọnyị, ẹ̀ yị vị oni Ohomorihi sị ụkata ọnọọ yị wụ. Ọza ana sị mị chire wu ụvọ, ịvị anị banyị hu nị.”

Odeyi 13:22

Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

Aniroomi 13:1

Ọzọza ọ̀ ká ịrẹsụ hi yị aza ana aa mẹ ịjọva, agụvị ka Ohomorihi ọ sị wa tụ́ ịzọọ nị. Avaba aza ana sị ụvọ za ọda booro aanị, Ohomorihi ọ sị ọda ọnọọ yị wa nị.

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”

1 Ịsamụwẹrị 16:12

Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị.

1 Ịsamụwẹrị 18:8

Ahẹ ọnọọ ộ kụ́ Ịsọọrụ ayị ẹtẹẹtẹrẹ, dị ọ ka, “A ka Idevidi ộ wụ̀ aza otomiroku, dị ahịka aza ẹnị akahị kẹnẹ a ka ẹmaa wụ nị. Ịsị ẹ vọ kẹnẹ ọ vị ka ọza ọ yị hị́ ọ ohinọyị nị.”

1 Ịsamụwẹrị 25:30

Di Abigẹrị aa kịị kà ịrẹyị dị ọ ka, “Nda, Ẹnẹyịmavara vaa mẹ avaba ịsa ozoza ọnị ọ ka ọnị vaa mẹẹ wụ. Ọ vaa sị wụ vị ohirẹsụ Anisirẹrị.