1 Ịsamụwẹrị 15:23 - IWE ỌNỊNỊ

²³ Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 15:23 ပူးပေါင်းရင်းမြစ်များ

Oyinyima 31:19

Ịrabanị oni o si hu aa naa yẹrẹ ẹyị atẹmẹ anị, di Irechẹrị reè yi ori ene hi ini eehi ada anị nị.

Oyinyima 31:34

Irechẹrị mẹ̀ sị ori ini eehi ẹnẹẹ dị ọ sị wa tẹ̀ ịnị ampo ana a jị tụ́ ịnị ịsa ana a sịị̄ yàyịtẹ tụra ịnyaakụmị, dị ọ yaayịtẹ tụra wa nị. Ịrabanị ộ gara avaba ajẹngụ anị o yi re e.

2 Ịsamụwẹrị 12:9

Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.

2 Ịsamụwẹrị 7:15

Mi vee sì ịrẹyị anị pooro nị. Ẹ yị nyị ụmẹ ọnị mị va sịị̄ sị ịrẹyị anịị hụụnị ayị amị. Ịsọọrụ mị sị kwooze dị mị si Idevidi rị ohinọyị nị.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ijoovu 34:37

Akamawụ vị ọnị ọ sị beri ịvị anị. Eyi ayị ọ yaa du Ohomorihi.

Ahẹ Ụgama 107:11

Ịsị ẹ kụ́ ọ tụ́ wa ọ vị ka ẹ yaa kụ́ụ hịrẹ ịrẹyị Ohomorihi, ẹ yị rẹ dọ iwọjị anị.

Ọyịkụra 22:18

Ọnẹẹ ana aa mẹ ẹbẹ vị ana a vaa wụ̀.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ijeremaya 16:12

Ẹnẹyịmavara kà ebira odivi Anijuda nịnị o divi huna oohiku ẹnịnị nị. Ayị ẹnịnị vana katẹngụ dị ahịka ịsị odivi ene sì kẹnẹ ẹyaa mẹ nị. Ẹnịnị ẹ́ yị saasa ịrẹyị anị.

Ijeremaya 28:16

Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ihoseya 13:11

Ọ kà ọnị ọ sị ọyịkụ-ọyịkụ sị ohinọyị yị wa, avọọ ọnị mẹ raà sị ayodu dọ wa nị.

Ihoseya 3:4

Avọọ o me vee kù dị Isirẹrị ọ vaa nyị ohinọyị, a vị dị ọ vaa zụ mẹ̀ ịsọvọ ịnị irehi Ohomorihi, a vị di o ve re oze họ̀ use ịrẹyị hụụnị ụvọ Ohomorihi nị.

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ịrịka 14:9

Avọọ asị ẹnịnị hí angwa aza ene hị́ ịzọọ, dị asị ẹ mẹ̀ akamawụ hi Ẹnẹyịmavara. Ịsa ịnị ịhị ẹnịnị aza ẹnẹẹ vị nị. Ẹ yị nyị ọza ana vaa dọ wa ha. Asị ẹnị re hí angwa ẹnịnị ka Ẹnẹyịmavara ya pe ẹnị.

Odeyi 13:22

Ịjị Ohomorihi raà sị Ịsọọrụ kwooze, dị ọ sị Idevidi rị ohinọyị ẹnịnị nị. Ohomorihi ộ dọ ivenu tụ́ ọọ ka ọnị ộ yẹ Idevidi ozi Ijeese ka ộ nyị ebira oni oni sì. Ọ kà ọ vaa mẹ avaba ịsị oni òo sì.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

Iwe Ọhụhị Imosiisi ana aa hị́ Ọyịvatụrọda 9:24

Imosiisi kà hụrị ụmẹ ọnị sị yẹ wa ẹ hụrẹ aa mẹ akamawụ hi Ẹnẹyịmavara nị.

Iwe Ọhụhị Imosiisi ana aa hị́ Ọyịvatụrọda 9:7

“Imosiisi ka asị ayị hi wa ẹ mẹmẹ dụ Ẹnẹyịmavara Ohomorihi awụ nịnị ayị ịnị ụnọmị. Hụrị ẹkụhị ọnị ẹ kwẹẹtẹ hụrẹ Ijipiti ẹ mẹ̀ akamawụ hi Ẹnẹyịmavara pooro va ngụ ịzị ẹ ya booro aanị nị.

Ijosuwa 22:15

Ẹnịnị ệ vẹ Igiriyadi ve tu Ezi Irubẹnị nịnị, ọnịrị ezi Igadi ọnịrị achẹva ezi Ịmanasẹ nịnị, dị ẹ kà a yị wa ka:

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.

1 Ịsamụwẹrị 28:3

Ụmẹ ọnị yaa kà aanị, Ịsamụwẹrị ọnị ô wusu. Dị avaba Anisirẹrị jị òrèrè anị, dị ẹ sị ọ di e ne ne e tụ́ Iraama ịda anị nị. Ụmẹ ọnọọ Ịsọọrụ ọ kụ́ avaba ọpọchị ọnịrị ẹnẹbẹ dụ hụụnị ẹtẹ Anisirẹrị.