1 Ịsamụwẹrị 15:13 - IWE ỌNỊNỊ

¹³ Ịjị Ịsamụwẹrị ne si tù Ịsọọrụ, dị Ịsọọrụ kụ́ ọ nị, dị ọ ka ụtụ ẹnị Ẹnẹyịmavara tụ́ ọnị, ọnị ọ sị ọ zị.

1 Ịsamụwẹrị 15:13 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 3:12

Dị ọnọrụ ọnọọ ka: Aaa vị ọnẹẹ ọnị ọ sị ve pe ọnị tụ́ ịzẹnị ọ sị ẹtụtụ ọchị ọnọọ yị ọnị dị ọnị va rị ọ.

2 Ịsamụwẹrị 2:5

Di Idevidi va tụ́ ka à na kà a yi Anijabesi Anigiriyadi ka Ẹnẹ ẹ yị mā vara vee sere wa. Ọ kà ệ mẹ̀ ẹ dị ẹ vavọọ vayị Ịsọọrụ ọga anị di e ne nē e.

Ụhịrẹyị 27:2

Navọ ọzẹnẹsa ọ ga wụ, asị ẹwụ ụvọta ga ẹngụ awụ. Anusoze ọ yẹ akụ ọ̀ọ hụ và nị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ụhịrẹyị 30:13

Aza ẹnyị vị anaā sịị ẹngụ ẹnịnị tụ ẹba, dị ẹ yaa sị eyii wụ̀ aza ana vọ.

Ụhịrẹyị 31:31

Sị ụbanyị yị ẹngụ ọnẹẹ ọnọọ dị ọzọza ọ̀ọ ga a, ịzị aa kụ gụ ịnị ẹkụra.

Iruuku 17:10

Avọọ gẹdẹ-gẹdẹ ẹwụ nịnị mẹ̀ rẹ yà nị. Wàa sị ịsa a mẹ ọda anị yị wụ nịnị mẹ, kà a nịnị ka: ‘Ezi ahụ kẹnẹ ị vị nị. Ẹ yị nyị ka yee sì avọ. Ụkọrọ ana a vọrọ ka ya mẹ kẹnẹ, ị mẹ nị.’ ”

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Ọdọvịdị 17:2

Ẹkụhị ọnya Imika ọ kà a yị ọnyị anị ka ẹkẹhị ọnyị anị ọnị ọ ka ọza ộ sị ịhị ọnọọ ana vị achuchu ẹẹhị rẹjịjị, ọnị ọnyị anị hu agụvị anị ee chi hi ọza ana sị ọ ịhị ọnọọ, ẹkẹhị ọnọọ ọ ya rị ọ nị. Ọ kà ọnị ọ sị ọ nị. Dị ọnyị anị ka Ẹnẹyịmavara ọ navọ o zee yị wụ.

Iruutu 3:10

Di Ibowazị ka, “Ẹnẹyịmavara ọ̀ navọ ò zee wụ, ozi emi. Ịsị ụ mẹ̀ aanị ô huna ọnị ụ vịdị mẹ̀ ana sị zụ ka wâ sị ayị yị ovwoovu ọva awụ. Wẹ yị kà a ka wee si ezwọọmụha, ọ̀ọ nyị ịsa, ọ̀ọ yị nyị.

1 Ịsamụwẹrị 13:10

Ọ mẹ̀ maanị mị mẹ̀ ịsọvọ ọnọọ kẹnẹ dị Ịsamụwẹrị vana vẹ nị. Dị Ịsọọrụ jịnẹ ka ọnị ọ̀ na kụ́ ọ nị.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:20

Dị Ịsọọrụ ka, “mâ zị ụtụ ọnị Ẹnẹyịmavara tụ́ mị de! Mâ nọ ịzị ọ ka ma nọ dị mị na wụ̀ avaba Anamarẹkị nịnị, dị mị za Agagị ohinọyị ẹnịnị vẹ nị.

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 23:21

Dị Ịsọọrụ ka, “Ẹwụ nịnị ọ daba vị vayị ẹmị, Ẹnẹyịmavara ọ̀ navọ ò zee wụ nịnị.

1 Ịsamụwẹrị 25:14

 nyị ozida Ịnabarị ọnya aanị, dị ọ va na hị́ Abigẹrị ose Ịnabarị dị ọ ka, “Wáá yẹ ka Idevidi ộ tụ́ aza hụụ ịnị ụnọmị ve tù ọga ayị ka ẹ̀ va kụ́ ọ yị ọnị. Dị ahịka vị Ịnabarị aa kụ́ aza ẹnẹẹ ụhụ nị.