1 Ịsamụwẹrị 15:11 - IWE ỌNỊNỊ

¹¹ “Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:11 ပူးပေါင်းရင်းမြစ်များ

Oyinyima 6:6

Di ọ ka àa yẹ asị ọnị mẹ̀ ọza vẹ ẹhẹ. Ộ zị ọ ẹtẹẹtẹrẹ ka ọnị ộ mẹ̀ ọza.

Oyinyima 6:7

Dị Ẹnẹyịmavara va ka, “Ọza ọnị mị tụ́ vẹ ẹhẹ aanị vị ọnị maa kụ́ụ kwooze hụụnị ẹhẹ saka-saka. Ọza, uye ịnị avị, ịsụpa ini eehi, uye eneē tura ne beri inomi ene hi ẹbẹẹba vị ọnị maa kụụ kwooze piti, ô du mị ayị ka mâ mẹ wa vẹ ẹhẹ.”

2 Ịsamụwẹrị 24:16

Ịjị anggẹẹrị ana aa wụ̀ ọza tù Ijerusarẹmị, dị ọ za ụvọ jẹẹ nị. Dị Ẹnẹyịmavara jesi ayị hụụnị ịrẹyị odivi ọnị ọ kụ́ tù aza ẹnẹẹ nị. Dị Ẹnẹyịmavara kà a yị anggẹẹrị ana aa wụ̀ ọza dị ọ ka ọ̀ za ụvọ jẹẹ asị ọ kụkụ wụ̀ wa nị. Ịjọnọọ anggẹẹrị ọnọọ ọ sị tù aha ọnya aanị ịzị a yàa tụ́ ayị, ọnọrụ ana aā hị́ Arawuna ana vị Anijebusi ọ nyị ịzọọ nị.

1 Ohinọyị 11:9

Dị Ẹnẹyịmavara va kụ́ ayị hi Isoromọnị nị, agụvị ka ọ raà sị ayị hụụ ịda ọnị Ẹnẹyịmavara ana vị Ohomorihi Anisirẹrị ana sị ẹngụ zụ̀ ọ ụpẹ ẹẹva.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

1 Ịtọpa 21:15

Ohomorihi ộ tụ anggẹẹrị ka ò ne vu Ijerusarẹmị ẹtẹ. Ama anggẹẹrị ọnọọ màa mẹẹẹ na, Ẹnẹyịmavara ô re e, dị ọ zị ọ ẹngụ, agụvị ịrẹyị odivi ọnọnị. Ẹnẹyịmavara ộ kà a yị anggẹẹrị anaa wụ̀ azaa ha aanị ka: oo zee! Ọ̀ za a ụvọ jẹẹ. Ụmẹ avọọ, anggẹẹrị Ẹnẹyịmavara vị ana jẹẹ ịzị eē tu ayị ịdị Arawuna Anijebusi ana rẹẹ hị́ Ọnanị.

Ijoovu 34:27

Ẹnịnị é yi ka ẹnị ẹ yị saasa a, dị ẹ si eyi wụ̀ avaba ọda anị nị.

Ahẹ Ụgama 109:4

Mê sì ịrẹyị ẹnịnị dị ẹ yaa kụ́ ayị amị. Maa mẹ̀ aduwaa yị wa, ama dị ẹ yaa kịị kụ́ mị ịrẹkaa zị.

Ahẹ Ụgama 110:4

Ẹnẹyịmavara ọ raà kà ịrẹyị, dị ọ hị́ eku tụ́ ọ nị, oyi kuku vee jesi ayị anị. Ọ kà Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Ahẹ Ụgama 119:136

M mè re ka aza ẹ yị zẹẹ ka ẹnị ẹ̀ẹ saasa ọda awụ, ẹgọ vị anaaa ká mị eyi.

Ahẹ Ụgama 125:5

Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ahẹ Ụgama 78:41

Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.

Ahẹ Ụgama 78:57

Ẹnịnị ọnị ẹ yị rẹ sị ịnẹ yị Ohomorihi, ẹ yaa mẹ̀ ebira ohiku ẹnịnị Ẹnịnị vị ana sị mẹẹ anka ọpa ana rara avọ, ọza ọ yị zụ sị ayị tụra wa.

Ọyịkụra 32:11

Ama di Imosiisi aa dá ịpẹẹ yị Ẹnẹyịmavara ana vị Ohomorihi anị nị. Dị ọ ka, “Te, Ẹnẹyịmavara, Wâ yẹ ka ụkata-ụkata ụ sị kụ́ aza ẹnẹnị hụrẹ Ijipiti nị. Navọ asị ụ kà ka waa kụ́ ayịị hi wa naa ngụ ịzị ayị kụ́ wụ ne tù.

Ọyịkụra 32:14

Ịzẹyịza dị Ẹnẹyịmavara varẹma ro o, dị ọ̀ yị va zẹẹ ka ịrẹyị odivi ò tù aza ẹnẹẹ anka ọ mẹ̀ vịdị yaanị mẹ nị.

Ijeremaya 11:10

Ẹnịnị ẹ sị varẹma naa mẹ̀ ebira odivi ohiku ẹnịnị. Ohiku ẹnịnị ẹ yị saasa ịrẹyị anị. Ẹnịnị ẹ́ naa hẹkẹ ori ọsa. Anisirẹrị ọnịrị Anijuda nịnị ẹ raa sị ahụ jịnẹ eku ọnị ọnịrị ohiku ẹnịnị mẹ.

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 34:16

Ẹnẹyịmavara kà, ama, waa vana rẹ sị ebira awụ nịnị vara, wẹ́ yị sị ụbanyị yị ọnị nịnị. Waa varẹma na za avaba ọrịhị ọnị ụ hụrẹ ụvọ nịnị, waa rẹ sị ụkata-ụkata za wa ọrịhị nịnị.

Ijeremaya 9:1

Ijeremaya ka, aa yẹ, ẹyị anị oo và enyi anka enyi anaa tụ̀ hụụnị eteesu avọọ. Dị ọnị oo jị òrèrè pooro kẹnẹ ọọdụ ọnịrị ịrahụ, agụvị aza anị ana a wụ̀ ha aanị.

Ijeremaya 9:18

Kàa ka ụsẹ ọ̀ hụ wa ịra vẹ, dị ẹnịnị ẹ vaa jị òrèrè yị ẹnị, naa ngụ ịjị eyi ẹnịnị ọọ ta hí yị ẹgọ dị ọ kụkụ è sì ẹnị ẹẹ ma jị òrèrè nị.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Emọsị 7:3

Dị Ẹnẹyịmavara kà ẹ yị vavọọ vaa ya. Dị ọ va ahụ vẹ ịrẹma nị.

Ijona 3:10

Ịjị Ohomorihi re ịsị ẹnẹ ẹ mẹ̀, ẹ mẹmẹ ro ịnẹ hụụnị ebira odivi ẹnịnị, dị ọ vaa hụụnị ụya ọnị ọ vịdị ro ka ọnị aa sị rị wa nị. Dị ọ navọ wa nị.

Ijona 4:2

Dị ọ mẹ̀ aduwa hị́ Ẹnẹyịmavara, dị ọ ka; taarụ Ẹnẹyịmavara! Á vị ịsị ọnị ọnị vịdị kà ka ọ vaa mẹ dị ọnị va hụrị ẹkụra anị yịị? Agụvị avọọ ọnị vịdị zwe nọ Itasisii agụvị ka ọnị ọ yẹ ka ẹwụ Ohomorihi vị ọza anaā vayị ọza. Wẹ yị mā hụra kụ ayị, dị ọọ̄ ngwayị ọza ẹtẹẹtẹrẹ, dị ọọ̄ vaa hụụnị ụya ọnị ọ̀ọ ka ọnị a sịị rị ọza nị.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 5:44

Ama ẹma kà a yị wụ nịnị nị ka, sì ịrẹyị ọnịvị awụ nịnị, waa mẹ̀ aduwaa yị aza ene ee chìi hi wu nịnị, waa mẹ ọyịzaa yị aza anaā kụ́ ayị awụ nịnị! Dị ụ wa rẹẹ mẹ̀ aduwaa yị aza ana aa mẹ wụ nịnị kẹnẹ-kẹnẹ, ọnịrị aza ana aa sị ụyaa rị wụ nịnị!

Iruuku 6:12

Ẹkụhị ọnya, dị Ijeesu hịrẹ nọ ịnị ataba ka ọnị aa na mẹ̀ aduwa nị. Dị ọ yà ịzọọ ịnị avaba ịrahụ, dị aa mẹ̀ aduwa nị.

Anihiburu 10:38

“Aza anị ana àa vị ọnịzẹyịza vaa yàra, agụvị ka ẹ́ẹ sị ayị tụra ọnị. Ama àa nyị ọza ana kà nọ ịrẹma, ayị anị o yi vee hinee tù ọọ.”

Ijosuwa 22:16

Avaba ịragụ aza Ẹnẹyịmavara họ̀ wa kà sị ẹ vẹ dị ẹ mẹ̀ ebira odivi ọnọnị hi Ohomorihi Anisirẹrị nịnị? Ụ mẹmẹ zụ va ịrẹma Ẹnẹyịmavara ne hi ụta yị ẹngụ awụ nịnị aanị ọyị sị kụ hịrẹ Ẹ?

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 15:10

Dị Ẹnẹyịmavara va hị́ Ịsamụwẹrị dị ọ ka,

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 15:35

Pooro dị Ịsamụwẹrị su, ọ yị vana si eyi gẹrị Ịsọọrụ. Ama Ịsamụwẹrị vị ana aa jị òrèrè Ịsọọrụ. Ộ zị Ẹnẹyịmavara ẹngụ ka ọnị ộ sị Ịsọọrụ mẹ ohinọyị Anisirẹrị.

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 8:6

Ịjị ẹ vavọọ kà ka Ịsamụwẹrị ọ̀ nyị ọza ịnya dị ọza ọnọọ ọ̀ vị ohinọyị ana kụkụ vaa vị ọdọvịdị ẹnịnị, ịrẹyị ọnọọ ô du Ịsamụwẹrị ayị. Dị Ịsamụwẹrị ne tù Ẹnẹyịmavara dị aa mẹ̀ aduwa nị.