1 Ịsamụwẹrị 14:6 - IWE ỌNỊNỊ

⁶ Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 14:6 ပူးပေါင်းရင်းမြစ်များ

2 Ịsamụwẹrị 1:20

Asị a zẹẹ ka à wụ ọ Igati Asị eyi ha ọza na kà a ịnị ubooro Asikeroni oo! Wàa kà a di ezi anẹẹ Anihwirisiti wụ́ nị vị ẹ vaa jẹ nị. Mị ka ezi anẹẹ anị ẹẹ mẹ kẹnẹ-kẹnẹ nị, ẹ̀ẹ wụ vị ẹ yaa jẹ nọ!

2 Ịsamụwẹrị 16:12

Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

2 Ịtọpa 14:10

Asa mẹ jịnẹ ne tu ọ, dị eyi ẹnyị eyi ọsa tenyi jẹẹ aha anị Ịzẹhwata ana gụrị Imaresa nị.

2 Ịtọpa 14:11

Ịjị eyi sị gẹrị eyi, dị asa hị́ Ẹnẹyịmavara Ohomorihi anị, dị ọ kà, kwoogwo Ẹnẹyịmavara, ọnị ọ zụ sị ụkata yị ọkụmị tu ọnụkata nị. Booro aanị ọ gụ ẹnị ụvọ agụvị ka ọnị ẹnị sị ayị tụra nị. Ịrẹha anị ẹnị sị aa nọ ịrẹkụ otomiroku isoja ẹnịnị nị. Ọnị ọ vị Ohomorihi ẹnịnị nị. Ẹ yị nyị ọza ene zụ hú ọ ẹtẹ.

Ahẹ Ụgama 135:6

Ịsị èe zee Ẹnẹyịmavara eyi kẹnẹ ọọ̄ mẹ ịnị ẹhẹ ọnịrị ini ihinẹba nị. Avọọ ọ mẹ̀ rẹẹ mẹ avaba aha ini òkū nị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ijeremaya 9:25

Ẹnẹyịmavara kà, ụmẹ aa vẹ ọnị ọnị vaa sị ụyaa rị aza ana a jị ụvẹvẹnẹ ama dị ẹnịnị ẹ yị mẹ̀ ebira aza ana jị ụvẹvẹnẹ.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Ịrịka 10:32

Dị Imosiisi ka ọ vaa zụ ẹnị oze, dị ẹnị ga avaba ịsa ozoza ọnị Ẹnẹyịmavara vaa sị yị ẹnị.

Ịrịka 31:4

Ịrẹsụ ọnyọọnya ẹ tụ́ anọrụ akahị nọ ịrẹkụ.

Imatiwu 19:26

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Ijosuwa 14:12

Dị ọ ka Ijosuwa ọ sị ẹtẹ ịrẹsụ ataba ọnị Ẹnẹyịmavara kà ọ vị anị yị ọnị, Ẹnẹyịmavara vaa gụ ọnị ụvọ dị ọ dọ aza ene hi ịzọọ ẹtẹ anka o me wo oto yị ọnị. Dị ọ ka aa vị eyi Ijosuwa aza ana vọ e juwe ajịmasị ana ra hi ịnị ẹkụra ẹbanyị-ẹbanyị ana jị ọvọ kara.

Ọdọvịdị 15:18

Ịjọnọọ enyi vị ana nyayịnẹ a ku Ịsamịsịnị ẹtẹẹtẹrẹ, Ô sị ọngwẹ tụ ẹba hị́ Ẹnẹyịmavara, dị ọ ka, “Ẹwụ waa sị ozi ahụ nyị ẹbẹẹba ọbanyị ọnọnị. Ụ wáá va navọ ka onyi ọ wụ̀ mị, dị ma ngụ aza ẹnẹ ẹ yị yẹ ẹwụ Ohomorihi ụvọ nị?”

1 Ịsamụwẹrị 14:5

Ọnya ịnị ịrẹta gọọgọrọ ẹnẹẹ vị ana yà oze ẹbẹẹba, dị ọ và eyi kà Imikimasi, dị ọsa ọnị yà oze ụvẹtẹ di ọnị rẹ vaa kà Ịgẹba nị.

1 Ịsamụwẹrị 14:7

Di ozi anaā za ẹnya ịrẹkụ gụ ọ ka ịsa èe zee e eyi kẹnẹ ọ̀ọ mẹ̀ ẹ, ka ayị ọnya ọnị sị jẹẹ pè e nị.

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:46

Ẹnẹyịmavara aa sị wụụ chire mị ụvọ ịzẹnị ka ma wụ̀ wụ ajịnị. Maa wụ̀ wụ, dị mị jị wụ ịrẹsụ kwooze. Ajịnị mi maa sị oku isoja Anihwirisiti yi inomi ene hi ẹbẹẹba ọnịrị uye ịnị avị nị. Avaba anẹhẹ vaa yẹ ka Anisirẹrị ệ nyị Ohomorihi.

1 Ịsamụwẹrị 17:47

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.