1 Ịsamụwẹrị 14:50 - IWE ỌNỊNỊ

⁵⁰ Ịrẹha ose Ịsọọrụ ọ rị Ahinowamị nị. Ahinowamị ọnọọ vị ozi Ahimaazị. Ịrẹha Ọga isoja Ịsọọrụ ọ rị Abịna nị. Abịna ọnị vi ozi Ineri, Ineri ọnọọ vị ọyịnyara ada Ịsọọrụ.

1 Ịsamụwẹrị 14:50 ပူးပေါင်းရင်းမြစ်များ

2 Ịsamụwẹrị 2:8

 nyị ọnọrụ ọnya aanị ana aā hị́ Abịna ana vi ozi Ineri. Ọnọrụ ọnọọ ọ vị ọga isoja Ịsọọrụ, dị ọ sị ọ vẹ ịzị aā hị́ Imahanayimi nị.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ịsamụwẹrị 3:38

Di ohinọyị va hị́ aza ene hi ịda anị dị ọ ka, “Aanị ka wẹ yị yẹ nịnị ka ọdọvịdị ọbanyị ọnya o sú ịnị Anisirẹrị nịnị ajịnị aanị nị?

2 Ịsamụwẹrị 3:6

Aneehi Ịsọọrụ ọnịrị aneehi Idevidi màa kịị kụ̀ ịrẹkụ, dị Abịna nyayịnẹ aa gụ aneehi Ịsọọrụ ụvọ nị.

1 Ịtọpa 26:28

Iseremoti ọnịrị ovwoovu anị e si eyi pe avaba ịsa ana a sị yị Ohomorihi ka à sị mẹ̀ ụkọrọ ini irehi anị nị. Ịsa ọnị Ịsamụwẹrị ọnịsẹ sị vẹ, ịsa ọnị ohinọyị Ịsọọrụ ozi Ikisi sị vẹ, ịsa ọnị Abịna ozi Ineeri sị vẹ ọnịrị ịsa ọnị Ijowabi ozi Izeruya sị vẹ.

1 Ịtọpa 27:21

Ido ozi Ịzakaraya ọ vị ohirẹsụ achẹva Anịmanasẹ ana vọ ene hi Anigiriyadi nị, dị Ijaasiyẹrị ozi Abịna vị ohirẹsụ Anịbẹnjamịnị nịnị nị.

1 Ịsamụwẹrị 10:14

 nyị ọyịnyara ada Ịsọọrụ ọnya aanị ene re e ịzọọ. Dị ọ họ̀ Ịsọọrụ ọnịrị ozida ọnị ọnịrị zị ụsẹ, dị ọ ka ịzị ẹ maanị yà hụrẹ ịhyọọ? Dị Ịsọọrụ ka ịkẹrịkẹtẹ ene vu eni ee sì nọ. Dị ọ ka ịjị ọnị è yi re wa, dị ẹnị va nọ ịda Ịsamụwẹrị nị.

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 26:5

Di Idevidi si hu aa nọ ịzị Ịsọọrụ kụ́ udi tụ́ nị. Ọ mẹ̀ na, di o re ịzị Ịsọọrụ ọnịrị Abịna ozi Ineri ana vị ọga isoja hi nị. Ịsọọrụ vị ana hụtụ ịnị ajẹngụ, di isoja anị kara a nị.