1 Ịsamụwẹrị 14:5 - IWE ỌNỊNỊ

⁵ Ọnya ịnị ịrẹta gọọgọrọ ẹnẹẹ vị ana yà oze ẹbẹẹba, dị ọ và eyi kà Imikimasi, dị ọsa ọnị yà oze ụvẹtẹ di ọnị rẹ vaa kà Ịgẹba nị.

1 Ịsamụwẹrị 14:5 ပူးပေါင်းရင်းမြစ်များ

1 Ịtọpa 3:6

Idevidi ộ vana ma ezi ịhịịna ọsa ana aā hị́: Ibiha, Erisuwa, Eripereti,

Ayịsaya 10:28

Anasiriya ẹ sị ngụ Ayị, ozi Imigironi ẹ, zị para hu nị. Ẹnya ẹnịnị vị ẹnẹ ẹ kụ́ tẹ Ímikimasi. Ệ zị oze ini òsusùụ́, dị ẹ ka ẹnị vaa sụ Ígeba nị.

Ayịsaya 10:29

Anirama aa dá ẹgahị ángwa m èe hí wa. Anigibiya ana vị ẹkụra Ịsọọrụ ene kú zwe.

1 Ịsamụwẹrị 13:11

Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 13:23

Á nyị isoja Anihwirisiti ẹnyị ana zi oze ịnị ataba Imikimasi na para hu.

1 Ịsamụwẹrị 13:3

Ijonatani ộ kụ́ ịrẹkụ na dụ Isoja Anihwirisiti ene hi Ịgẹba dị Anihwirisiti nịnị sị wụ́ nị. Dị Ịsọọrụ ka è hú ọpanyị che avaba ẹtẹ Anisirẹrị na para hu, dị a kà a avaba Anihiburu ẹ̀ wụ́.

1 Ịsamụwẹrị 14:31

Ịhị ọnọọ Anisirẹrị nịnị vị ana wụ̀ Anihwirisiti nịnị hụrẹ Imikimasi huu na ngụ Ayijaroni; dị ọ ta ngụ wa ẹngụ nị.

1 Ịsamụwẹrị 14:4

 nyị oze ịnị akakana ataba oni Ijonatani sì ka ọnị ọ̀ zị ne tù Anihwirisiti nịnị. Dị a nyị ịrẹta ẹnyị aanị ana maanị dà jịnẹ tụ́ ẹhẹ gọrị eyi ẹnyị eyi ọsa ini oze ịnị ataba ọnọọ nị. Ọnya ịnị ịrẹta ẹnẹẹ aā hị́ Ibozezi, dị aā hị́ ọsa Isene nị.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”