1 Ịsamụwẹrị 14:47 - IWE ỌNỊNỊ

⁴⁷ Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.

1 Ịsamụwẹrị 14:47 ပူးပေါင်းရင်းမြစ်များ

Oyinyima 19:37

Ana vị ọzọkụ ọ ma ozi ọnọrụ ọnya, dị ọ yị ọ Imowabi nị. Ọnị ọ vị ohiku Animowabi ve tụ́ ajịnị nị.

Oyinyima 19:38

Ana vị ozweyi ọnị ọ rẹ ma ozi ọnọrụ dị ọnị rẹ yị ọ Ịbẹnamị nị. Ọnị ọ rẹ vi ohiku Anamọnị ve tù ajịnị nị.

Oyinyima 36:1

Ịrẹha ọnị maa vaa hị́ aanị vị ịrẹha ezi Iisọ, ana a rẹẹ̄ hị́ Edomi.

Oyinyima 36:19

Avaba aza ọnị mị hị́ aanị ọnịrị ohinọyị ẹnịnị vị ana chị hụrẹ ịpa Iisọ vẹ. Avaba ẹnịnị aā hi Anedomi nị.

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

2 Ịsamụwẹrị 1:22

Ijonatani, wàa sị ọkịta awụ, ọnịvị ệ yẹ ka isu ộ vẹ Ịsọọrụ wàa sị ụhwọ awụ, wẹ ma vayị ọza Ọnịvị ana kata vị ọnị ụ maanịị wụụ vaa ha.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

2 Ịsamụwẹrị 8:15

Idevidi ộ vị ohinọyị avaba Anisirẹrị dị ọ mẹ ịzẹyịza ọnịrị ịsa ana vọrọ ka aā mẹẹ yị avaba aza anị nị.

2 Ịsamụwẹrị 8:3

A rẹ nyị ụmẹ ọnya di ohinọyị Izoba ana aā hị́ Ihadadeza ana vi ozi Ịrẹhọbị sì ka ọnị ọ̀ varẹma na dọ ẹtẹ ana yà ụtọ Okuha Iyuhwireti nị. Di Idevidi na, dị ọnịrị ọ kụ̀ ịrẹkụ, di Idevidi hu ọ ẹtẹ nị.

1 Ohinọyị 11:23

Ọbarọza ọsa oni Ohomorihi hị́ ka ọ̀ kwẹẹtẹ tù Isoromọnị a rẹẹ̄ hi Irezoni nị. Irezoni vi ozi Eriyada ene zwe hụụ ịda ọga anị ana vị ohinọyị Anizoba. Ịrẹha ọga anị ọnọọ ọ rị Ihadadeza nị.

2 Ohinọyị 14:27

Ama Ẹnẹyịmavara ẹ yị kà a ka oni ee vu Anisirẹrị nịnị saka-saka; agụvị avọọ, dị o zi oze ịnị ụvọ Ijerobowami ọhụva dọ wa ha nị.

1 Ịsamụwẹrị 12:2

Wa sị ohinọyị nyị nịnị booro aanị ana vaa vị ọdọvịdị awụ nịnị. Wâ yẹ ka eme si bo, ịrẹsụ amị kụkụ vị ẹwa-ẹwa. Ezi emi u wee re nịnị aanị nị. Ozweyi mị vị dị mị hụrẹ vị ọdọvịdị awụ nịnị pooro ve tù ajịnị nị.

1 Ịsamụwẹrị 13:1

Ịsọọrụ vị ịrayị (ohurẹẹwụ) dị a va sị ọ rị ohinọyị. Ộ mẹ ohinọyị Anisirẹrị mẹ ịrayị (ẹbẹẹva) tụra ẹẹva.

1 Ịsamụwẹrị 14:46

Dị Ịsọọrụ ọ̀ yị kụkụ dụ Anihwirisiti nịnị, dị ẹ varẹma aa nọ ịda ẹnịnị nị.

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 21:7

Ịhị ọnọọ â nyị ozi ahụ Ịsọọrụ ọnya aanị ana a za tụ́ ịzọọ. Ịrẹha anị ori Idowegi nị. Anedomi ọ vị nị, dị ahịka ọnị ọ vị ọga aza ana sị eyi pè ịsụpa Ịsọọrụ nị.