1 Ịsamụwẹrị 14:45 - IWE ỌNỊNỊ

⁴⁵ Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 14:45 ပူးပေါင်းရင်းမြစ်များ

2 Ịsamụwẹrị 14:11

Dị ọnẹẹ ọnọọ rẹ ka Taarụ Ohinọyị, ọ̀ navọ ọ̀ hụ agụvị Ẹnẹyịmavara ana vị Ohomorihi anị dị ọ̀ mẹ ọgụvọ yị ọnị dị asị ọ zẹẹ ka aza anaā họ̀ oponu ẹ̀ wụ ozi anị. Ọ kà ọnọọ vị ana vaa mẹ ka ịrẹyị ò divi hu avọọ. Di ohinọyị ka ọnị ộ sị Ẹnẹyịmavara tẹ ivenu ka ẹ yị nyị ịsị ẹ vaa mẹ ozi anị vụrụ-vụrụ.

1 Ohinọyị 1:52

Di Isoromọnị tụ́ ohi dị ọ ka àa vị ọza ana nyị ebira obooro ọ vị nị, ẹyị ịrẹsụ anị ọ yị yaa hụrẹ tịtẹ. Ama aa nyị ebira odivi ene e re ịnị ụvọ anị, vi ee sú nị.

2 Ịtọpa 19:11

Amarịya ana vị ohirẹsụ Irehi Ohomorihi ọbanyị ọ vaa nyị ọda tụra ịrẹyị ana kanyị ọda Ẹnẹyịmavara nị. Avọọ Izebadiya ozi Isimẹrị ana vị Ịgọvọnọ Ijuda ọ vaa nyị ọda ọkarẹyị aza ana zyaazị nị. Anireevi nịnị ẹ vaa mẹ ịsị ọda kà a mẹ̀ ọza ana aa rị ịvị nị ọ ka asị e hí angwa ka Ẹnẹyịmavara vaa ya pè aza ana mẹ ẹtẹẹtẹrẹ.

Inehemaya 9:27

Agụvị avọ ụ navọ wa ka ọnịvị ẹnịnị ẹ̀ nyị ẹbẹẹba ẹnịnị dị ẹẹ mẹ ọda tụra wa ịrẹsụ nị. Ịnị ụmẹ ẹngụkata ẹnịnị, ệ nowu va za wụ, dị ụ hụrẹ ẹbẹẹba vẹ ịnị owoba ẹnịnị nị. Wâ tụ ọnọgụmvọ hi wa ana dọ wa ha hụrẹ ụvọ ọnịvị ẹnịnị agụvị ayamva ọbanyị ọnị ụ nyị yị wa.

Ayịsaya 13:3

Ẹnẹyịmavara ọ raà hị́ isoja anị ka ẹ̀ na sị ụya rị aza ọnị ịrẹyị anị aa kụ́ ọnị ayị. Ezirẹkụ ẹnẹẹ vị ana vaa jẹ ka Ananyị yị ọ sị ọnịvị anị huna.

Imatiwu 10:30

Avaba ẹyị ị́rẹsụ awụ nịnị vị oni Ohomorihi za ịrịka.

Iruuku 21:18

Ama ẹyị ịrẹsụ awụ nịnị ikonya o yi vee vú.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Odeyi 15:12

Ịbanabasị ọnịrị Ịpọọrụ ệ kwẹẹtẹ, dị ẹyaa kà a ụkọrọ ohyozirenu ọnịrị apọtẹrẹwa oni Ohomorihi zị oze ịnị ụvọ ẹnịnị mẹ ịnị akakana Anigiriki nị. Ẹ màa kà a, dị avaba ẹnịnị kú irenu nị.

Odeyi 21:19

Dị Ịpọọrụ kụ́ wa, dị ọ kà enube yị wa ahụ-ahụ ịsị Ohomorihi zị oze ịnị ụvọ anị mẹ ịnị akakana Anigiriki nịnị nị.

Odeyi 27:34

Aarịhịnị, rị ịsa chee nịnị! Â nyị ka wa rị ịsa, dụ wa zụ há nịnị. Ẹyị awụ nịnị ikonya oyi vee vu tụ́ ịzẹnị.”

Aniroomi 15:18

Mẹ yị vaa nyayịnẹ ẹ kà ịsa oni Ikirisiti ọ̀ yị zị oze ịnị ụvọ amị mẹ. Ộ mẹ ka ma kụ́ Anigiriki ka ẹ̀ va dọ ịrẹyị Ohomorihi wụ́ ini oze ịrẹyị amị ọnịrị ịsa ọnị mị mẹ

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:14

Di isoja nịnị ẹbẹẹba aa saasa a nị. Ẹnịnị ệ tụra umaata ọvwọọvụ, di e chire awuru ọvụ ana nị sẹnẹ-sẹnẹ nị.

1 Ịsamụwẹrị 11:13

Dị Ịsọọrụ ka asị a nyị ọza ana a wụ̀ ajịnị, agụvị ka ajịnị Ẹnẹyịmavara dọ Anisirẹrị tụ́ nị.

1 Ịsamụwẹrị 14:23

Ẹnẹyịmavara ộ dọ Anisirẹrị nịnị tụ́ ịhị ọnọọ, dị ẹ kụ̀ ịrẹkụ ọnọọ na pooro na ngụ ịzị aā hị́ Ịbẹtị Aveni nị.

1 Ịsamụwẹrị 14:46

Dị Ịsọọrụ ọ̀ yị kụkụ dụ Anihwirisiti nịnị, dị ẹ varẹma aa nọ ịda ẹnịnị nị.

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”