1 Ịsamụwẹrị 14:37 - IWE ỌNỊNỊ

³⁷ Dị Ịsọọrụ va họ̀ Ohomorihi dị ọ ka, “Méé ne tù Anihwirisiti nịnị? Wáá vaa mẹ ka Anisirẹrị e huna wa?” Ama Ohomorihi o yi tụ́ o ohi ịhị ọnọọ.

1 Ịsamụwẹrị 14:37 ပူးပေါင်းရင်းမြစ်များ

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

2 Ịsamụwẹrị 5:23

Di Idevidi rẹ họ̀ Ẹnẹyịmavara kà ọnị ọ́ọ́ kụ́ ịrẹkụ ne tù wa nị. Dị Ẹnẹyịmavara kà asị ọ vavọọ ne tù wa ọvịdị-ọvịdị ama ọ̀ kụ́ aza anị di è jesi kara wa, dị ahịka oze ọvịdị ọchị ịbarịsamị ẹ zị nyima ịrẹkụ nị.

1 Ohinọyị 22:15

Ịzẹyịza dị Imika ve si tù ohinọyị nị. Di ohinọyị kà, “Imikaya, ahẹ, yáá nọ Ịramọtị-Igiriyadi di ye ne pe wa kụ̀ ịrẹkụ, à vị asị ị nọ?” Di Imikaya ka, “Wa na, ka ẹ yị vaa nyị ịrẹyị. Ẹnẹyịmavara vaa sị waa chire wụ ụvọ.”

1 Ohinọyị 22:5

Di Ijehosahwati va kà a yị ohinọyị Anisirẹrị dị ọ kà, “Aarịhịnị we rè vịdị họ̀ use da, dị à yẹ Ẹnẹyịmavara mẹ̀ kà.”

Ezikẹẹrị 20:3

Ozi-ọza, ọnị kà a yị aza ẹnẹnị, ịsị ọnị Ẹnẹyịmavara Ananyị ụkata hu aa kà ka: Vị́ wáá vẹ ka wa va họ̀ ọnị use ịrẹyị nịnị nị? Aa vị ọnị ọ yị vị Ohomorihi ana yara nị, ọnị ẹyaa zẹẹ ka wa họ̀ ọnị use ịsọnyị-ịsọnyị nịnị.

Ọdọvịdị 1:1

 nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị?

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:28

Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị.

1 Ịsamụwẹrị 10:22

Di e ve họ̀ use ịnị ụvọ Ẹnẹyịmavara kà ọza ana vọrọ ka à sị rị ohinọyị aanị ọ́ọ́ vẹ ịzọọ. Dị Ẹnẹyịmavara kà ộ vẹ ịzọọ, ama ọ na sị tẹ ịzị a kụ́ ẹnya hi avọọ.

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.