1 Ịsamụwẹrị 14:36 - IWE ỌNỊNỊ

³⁶ Ụmẹ ọnọọ Ịsọọrụ kà a yị aza ka ẹ vẹ ẹnị è chi ne tù Anihwirisiti nịnị ịrahụ, dị ẹnị ẹ̀ na gara wa ha pooro di eyi ọ̀ va nị̄. Ẹ wụ̀ avaba ẹnịnị, asị a nyị ọza ana vọ ẹtẹ. Dị aza va ohi yị ọ ka ịsị ee ze eyi kẹnẹ, ọ̀ mẹ̀ ẹ. Di ohirẹsụ irehi Ohomorihi ka à jẹẹ ẹnị ẹ̀ họ̀ Ohomorihi use ịzẹnị da nị.

1 Ịsamụwẹrị 14:36 ပူးပေါင်းရင်းမြစ်များ

Ahẹ Ụgama 73:28

Yị ẹmị, ò ze ka ma gụrị Ohomorihi. Ẹnẹyịmavara Ochẹtẹẹngụ ọ sị mị tẹ nị, Avaba ịsa oni Ohomorihi aa mẹ vị ọnị mị vaa kà a zụ̀ aza.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

Ijeremaya 6:5

Avọọ, à kwẹẹtẹ ịrahụ dị ẹnị ẹ̀ kụ ịrẹkụ na, dị ẹnị è ne vu avaba irehi ọnị isoja Anijerusarẹmị nịnị hi ee sere ẹtẹ.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

Ijosuwa 10:19

Dị ọ ka aza ana vọ ẹ kụ chire isoja ọnịvị ẹnịnị dị asị e re oze ngụ ẹkụra ẹnịnị ana jị ọvọ kara. Asị a nyị ọza ẹnịnị ene zwe agụvị ka Ẹnẹyịmavara Ohomorihi vaa gu Anisirẹrị nịnị ụvọ dị ẹ wụ̀ wa saka-saka.

Ijosuwa 11:14

Anisirẹrị nịnị vị ana wụ̀ avaba aza ene hi ịnị ẹkụra ẹnẹẹ bemi-bemi va ha, dị ẹ kụ avaba ogu ẹnịnị ọnịrị ịsụpa ẹnịnị mẹ ẹnịnị nị.

1 Ịsamụwẹrị 1:23

Di Erikana ka ooho, ẹ yị nyị ọ mẹ̀ kà. Ọ kà ọ̀ yà ini eehi pooro di ozi anị ọ̀ jị ịrẹva. Dị ọ rẹ ka Ẹnẹyịmavara ọ̀ navọ ọ̀ mẹ̀ ịsa ọnị ọ ka ọnị vaa mẹ. Ịzẹyịza dị Ịhaana yà ini eehi dị aa pa ozi anị pooro dị ọ jị ịrẹva nị.

1 Ịsamụwẹrị 11:11

Ẹnẹnẹ viri-viri eyinẹhẹ anị, dị Ịsọọrụ kụ́ aza anị dị ọ ga wa hi oze ẹẹta nị. Dị ẹnịnị zwe na ngụ ịzị Anamọrị hi, dị ẹ wụ Anamọrị pooro dị ụmẹ ọọdụ tù nị. Anamọrị ana vọ vị ana a gara zizi; kụkụ nyị aza ẹnịnị ana vọ gụ ẹẹva tụ́ aha ọnya.

1 Ịsamụwẹrị 14:3

Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.