1 Ịsamụwẹrị 14:3 - IWE ỌNỊNỊ

³ Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.

1 Ịsamụwẹrị 14:3 ပူးပေါင်းရင်းမြစ်များ

1 Ịsamụwẹrị 1:3

Erikana vị ana aā hụrẹ ẹkụra anịị nọ Isiro ịrayị-ịrayị naa hẹkẹ Ẹnẹyịmavara Ochẹtẹẹngụ dị ọ rẹ mẹ̀ ịsọvọ. Eri ọnịrị ezi anị ẹyịva ana aā hị́ Ihohwini ọnịrị Ihwinehasi vị ohirẹsụ irehi Ohomorihi.

1 Ịsamụwẹrị 14:36

Ụmẹ ọnọọ Ịsọọrụ kà a yị aza ka ẹ vẹ ẹnị è chi ne tù Anihwirisiti nịnị ịrahụ, dị ẹnị ẹ̀ na gara wa ha pooro di eyi ọ̀ va nị̄. Ẹ wụ̀ avaba ẹnịnị, asị a nyị ọza ana vọ ẹtẹ. Dị aza va ohi yị ọ ka ịsị ee ze eyi kẹnẹ, ọ̀ mẹ̀ ẹ. Di ohirẹsụ irehi Ohomorihi ka à jẹẹ ẹnị ẹ̀ họ̀ Ohomorihi use ịzẹnị da nị.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 2:28

Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.

1 Ịsamụwẹrị 22:20

Ama Abiyata ana vi ozi Ahimẹrẹkị ana ada anị vị Ahitubi ọnị o si zwe, dị o ne tù Idevidi nị.

1 Ịsamụwẹrị 4:21

Dị ọ ka ozi anị ọnọọ ọ rị Ịkabọdị nị. Iruvo ịrẹha ọnọọ ọ vị ka Ẹnẹyịmavara ọ sị hụụ ịda Anisirẹrị agụvị ka a raà dọ Anisirẹrị apoti oto Ohomorihi, di ohova anị ọnịrị ọva anị re wusu nị.

1 Ịsamụwẹrị 4:4

Ịzẹyịza dị ẹ tụ́ nọ Isiro dị ẹ na sị apoti oto Ohomorihi vẹ nị. Apoti ọnọọ vị ana jẹẹ yị ịzị Ẹnẹyịmavara Ochẹtẹẹngụ yà; icherubi ẹẹva vị ana maanị yà eyi ẹyịva apoti ọnọọ di e và eyi kà ẹngụ. Ezi Eri ẹyịva ana aā hí Ihohwini ọnịrị Ihwinehasi ẹ sị eyi pè apoti ọnọọ tụ́ Isiro nị. Ẹnị ẹyịva ẹnẹẹ vị ana saasa apoti ọnọọ vẹ.