1 Ịsamụwẹrị 14:18 - IWE ỌNỊNỊ

¹⁸ Dị Ịsọọrụ kà a yị Ahija dị ọ ka ọ̀ sị apoti oto Ohomorihi vẹ nị. (Apoti ọnọọ vị ana yà ịda Anisirẹrị nịnị ịnị ụmẹ ọnọọ.)

1 Ịsamụwẹrị 14:18 ပူးပေါင်းရင်းမြစ်များ

2 Ịsamụwẹrị 11:11

Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

1 Ịsamụwẹrị 14:17

Dị Ịsọọrụ ka aza ana yà pè ọnị ẹ̀ za isoja ịrịka dị ẹ̀ yẹ àa nyị ọza ana si huu ịzọọ nị. Ịzẹyịza dị a za isoja ịrịka, di e re ka Ijonatani ọnịrị ọza anaā za ẹnya ịrẹkụ gụ ọ e yi hi ịzọọ nị.

1 Ịsamụwẹrị 14:36

Ụmẹ ọnọọ Ịsọọrụ kà a yị aza ka ẹ vẹ ẹnị è chi ne tù Anihwirisiti nịnị ịrahụ, dị ẹnị ẹ̀ na gara wa ha pooro di eyi ọ̀ va nị̄. Ẹ wụ̀ avaba ẹnịnị, asị a nyị ọza ana vọ ẹtẹ. Dị aza va ohi yị ọ ka ịsị ee ze eyi kẹnẹ, ọ̀ mẹ̀ ẹ. Di ohirẹsụ irehi Ohomorihi ka à jẹẹ ẹnị ẹ̀ họ̀ Ohomorihi use ịzẹnị da nị.

1 Ịsamụwẹrị 23:9

Idevidi ọ sị wụ́ ka Ịsọọrụ ee be ọnị, dị ọ va hị́ Abiyata ka ọ̀ sị ịharamịra ọnọọ vẹ nị.

1 Ịsamụwẹrị 5:2

É mè tù Asidodi, dị ẹ sị apoti ọnọọ na ini irehi ori ẹnịnị ana aā hị́ Ịdagọnị, dị ẹ si pè ori ẹnịnị ọnọọ nị.

1 Ịsamụwẹrị 7:1

Ịzẹyịza dị Anikiriyati-Ijerimi na, dị ẹ na sị apoti oto Ohomorihi nị. Ẹ́ mẹ̀ sị ọ, dị ẹ sị ọ nọ ini eehi ọza ana aā hị́ Abinadabi nị. Ịda Abinadabi vị ana yà ịnị ataba. Dị a nyị ozi Abinadabi ana aā hị́ Eriyaza. Ọ sị eyi pè apoti ọnọọ nị.