1 Ịsamụwẹrị 13:6 - IWE ỌNỊNỊ

⁶ Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.

1 Ịsamụwẹrị 13:6 ပူးပေါင်းရင်းမြစ်များ

2 Ịsamụwẹrị 24:14

Di Idevidi tụ́ Igadi ohi dị ọ ka ịrẹyị ẹnẹnị vị ana kata ọnị ẹngụ ẹnẹmẹhị. Ọ kà ọọ sị chọmọ, Ẹnẹyịmavara ọnị ụvọta ọ̀ kụkụ vana tana ụvọ za ọnị. Ọ kà ọnị ộ yẹ ka ọọ̄ vayị ọza ẹtẹẹtẹrẹ ọ ka oni o yi sì ka ahịka ọza ọ tana ụvọ za ọnị nị.

Ayịsaya 42:22

Ama booro aanị aza anị vị ana a kụ́ ẹnya, di gu oze hi wa tụ ịnị ụsị, dị a kụ́ wa tẹ hi ịnị ẹngwa nị. Â mẹ̀ àko yị wa, dị a kụ wa ẹnya, dị ẹ̀ yị nyị ọza ana gụ wa ụvọ nị.

Ijeremaya 41:9

 nyị ịkangga ọbanyị ọnya ọnị Asa, ohinọyị Ijuda chị́ ọnị ọ sị sere ẹngụ anị ụmẹ ọnị Ibaasa ohinọyị Isirẹrị sị kwẹẹtẹ tu ọ. Ịkangga ọnọọ Isimẹrị kụ́ oku aza ọnị ọ wụ aanị và hi di o si hi ọ nị.

Ezikẹẹrị 33:27

Kà ẹ yị wa ka, ọnị Ẹnẹyịmavara Ananyị ụkata hu ka, àa vị ọnị ọ yị vị Ohomorihi ana yara nị, avaba aza ana ra hi ẹkụra ẹnẹẹ ana a jị eburu aanị, vị ana a vaa wụụ ha. Ẹnị a na vọ hi ẹkụra ana vọ vị ọnị uye edivi vaa zaa rị. Ụkụ ọ vaa wụ̀ ẹnị ana na tẹ̀ hị́ ịnị ataba ọnịrị ene hi ịnị ụtẹha nị.

Anihwiripi 1:23

Ịrẹyị ẹyịva vị ene ee tura mị ị zị oze eyi ẹnyị eyi ọsa. Ama ịsị mee sì ọ vị ka ma hụụnị ẹhẹ ọnọnị, dị ị ma na yà ịdị Ikirisiti nị; ọnọọ ọ vị ene zoza hu nị.

Anihiburu 11:38

Ẹngụ aza ẹnẹẹ, ẹhẹ ọnọnị o yi rere wa. Ẹnịnị ệ ngụ ịnị ẹtẹ ọpaapara ọnịrị ịnị ataba zịịzị, ệ ngụ ịnị ụtẹha ọnịrị ụsị zị.

Ijosuwa 8:20

Ịjị anọrụ Eyayị kana eyi varẹma, dị e re areyi kungu ẹbẹẹba ẹkụra ẹnịnị maa rị ịra nị.

Ọdọvịdị 10:9

 nyị ụmẹ ọnya, dị Anamọnị nịnị jịnẹ irehu Ijodani na kụ ịrẹkụ ne tu Anijuda ọnịrị Anịbẹnjamịnị beri Anehwireemi nịnị nị. Anisirẹrị nịnị ẹ rị ụya ana ngụ ajẹ ịnị ụmẹ ọnọọ.

Ọdọvịdị 20:41

Ịjọnọọ dị Anisirẹrị vara eyi dị ẹ yaa dụ wa nị. Dị angwahi ka Anịbẹnjamịnị vẹ agụvị ka ê re ka ụvọ ọ sị kara ẹnị.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

1 Ịsamụwẹrị 13:15

Dị Ịsamụwẹrị hụrẹ Igirigari dị ọ va hịrẹ aa nọ Igibiya ịnị ẹtẹ Ịbẹnjamịnị nị. Dị Ịsọọrụ za aza ana vọ ana yà pè e ịrịka nị. Ẹnịnị vị ẹhụụ akata avọọ.

1 Ịsamụwẹrị 14:11

Ịzẹyịza dị ẹnị ẹyịva sị ẹngụ ẹnịnị na ka isoja ene hi udi Anihwirisiti è re ẹnị nị. Dị Anihwirisiti nịnị ka, “wéē re, Anihiburu nịnị aa tụ̀ụ jịnẹ vẹ hụụnị ụsị ẹnị ẹ na tẹ̀ tụ́.”

1 Ịsamụwẹrị 14:22

A rẹ nyị Anisirẹrị ene vịdị zwe na tẹ̀ ịnị ataba Ehwireemi. Ẹ mẹ̀ wụ́ ka Anihwirisiti ee zwe, dị ẹnị rẹ vẹ va vaka isoja Anisirẹrị di e dudu aa dụ Anihwirisiti nịnị baaba nị.

1 Ịsamụwẹrị 23:19

Ẹkụhị ọnya di Anizihwi nịnị ne tù Ịsọọrụ Igibiya dị ẹ ka, “Wáá yẹ ka Idevidi tẹ tụ́ ịda ayị?” Ẹ ka ọ yà aha ọyịtẹ̀ ana yà Ihoresi ịnị ataba Ihakira, éyi ụvọrị ịzị aa hị́ Ijesimoni.

1 Ịsamụwẹrị 24:3

Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ.

1 Ịsamụwẹrị 31:7

 nyị Anisirẹrị ene hi ini ozi ịzọọ, dị ẹnyị hi akẹnẹ Okuha Ịjọdanị nị. Ê re ka isoja Anisirẹrị ẹ kụ́ zwe, di Ịsọọrụ ọnịrị ezi anị ẹnị re wusu nị. Ẹ mẹ̀ vavọọ re e, dị ẹ hụụnị ẹkụra ẹnịnị di e si zwe nị. Di Anihwirisiti kụkụ ne hi ịzọọ nị.

1 Ịsamụwẹrị 7:7

Anihwirisiti nịnị ệ wụ́ ka Anisirẹrị ẹ sị kụ́ gụ tụ́ Imizipa. Dị ẹ na kụ́ ẹnya ịrẹkụ ẹnịnị, dị ẹ kụ̀ ịrẹkụ ne tù Anisirẹrị nị. Ịjị Anisirẹrị vavọọ wụ́ ka Anihwirisiti ệ kụ́ ịrẹkụ aa vẹ, dị angwa ee hi wa nị.