1 Ịsamụwẹrị 13:5 - IWE ỌNỊNỊ

⁵ Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

1 Ịsamụwẹrị 13:5 ပူးပေါင်းရင်းမြစ်များ

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

2 Ịsamụwẹrị 17:11

Di Ihusayi rẹ ka ịsa ọnị ro ka ộ mẹ̀ hu ọ vị ka ọ̀ kụ́ avaba Anisirẹrị gụ hụrẹ Ịdaanị na ngụ Ịbẹẹsẹba. Ọ kà ẹ̀ rụrụ ẹtẹẹtẹrẹ anka ààrẹ ụtọ ókụ̄. Ọ kà di Abịsarọmị ọnị ụvọta ọ kụ́ wa dị ẹ̀ẹ nọ ịrẹkụ.

1 Ohinọyị 20:27

Di a rẹ kụ́ Anisirẹrị gụ nị. Ịjị a sị wa kụ́ gụ, dị ẹ sì ịsọyịrị yị wa di e si hu ka ẹnịrị Anasiriya ẹ̀ na gẹ nị. Anisirẹrị vi ene gù ịrẹkụ ẹnịnị dị ẹ và eyi ka Anasiriya. Dị ahịka vị Anisirẹrị sị mẹẹ anka ozi ẹvụ eweyi ẹẹva avọọ nị. Ama Anasiriya ẹnị vị ana gụ ẹtẹ rụ̀ụ́ kẹnẹ.

2 Ịtọpa 1:9

Ọ kà a Ẹnẹyịmavara Ohomorihi ọ navọ kwoogwo ọ mẹ̀ ịsa ọnị ọ ka yị ada anị booro aanị agụvị ka ộ raà sị ọnị mẹ̀ ohinọyị tụra aza otomiroku ọnị ọza ẹ yị yẹ za ịrịka.

Ayịsaya 10:28

Anasiriya ẹ sị ngụ Ayị, ozi Imigironi ẹ, zị para hu nị. Ẹnya ẹnịnị vị ẹnẹ ẹ kụ́ tẹ Ímikimasi. Ệ zị oze ini òsusùụ́, dị ẹ ka ẹnị vaa sụ Ígeba nị.

Ayịsaya 48:19

Ezi ẹnịnị vaa rụrụ anka aarẹ avọọ. Ọnị vaa mẹ̀ ka asị a nyị ịsị mẹ̀ wa.

Ijeremaya 15:8

Osoku awụ nịnị vana gụ duu kẹnẹ. Ọnị ộ wụ ezwọọmụha awụ nịnị ha, dị ọnị mẹ ka ọnyị ẹnịnị ẹẹ rị ụya nị. Ụyọrị ọnịrị ayịhụrịnẹ ọnị sị wụ̀ wa ịnị ụmẹ ọnị ẹnịnị ẹ̀ yị tụra eyi nị.

Ihoseya 10:5

Aza ana ra hi Isamariya vee hí angwa agụvị ịrẹyị ene tụ́ ori ẹnịnị, dị ẹ yaa zị ẹngụ anị agụvị ka a raà mẹ̀ ụhị nyị ori ẹnẹẹ.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 5:8

Ẹnẹyịmavara kà e hu ọpanyị Igibeya. E hu ọpanyị ịrẹkụ Ịrama. E na owu ịrẹkụ Ịbẹtị-aveni. Anịbẹnjamịnị nịnị e si eyi pe ẹtẹ ka ịrẹyị aa vẹ.

Aniroomi 9:27

Ayịsaya o re vịdị nowu kà ịrẹyị ini oze Anisirẹrị ka, “Anisirẹrị ẹ̀ẹ daka rụrụ pooro anka ààrẹ ụtọ ókụ̄, chee ịnị ẹnịnị kẹnẹ Óhomorihi vaa dọ ọ há nị.

Ijosuwa 11:4

Ịjị avaba ohinọyị ẹnẹẹ wụ́ enube ọnọọ, dị ẹ ku isoja hị́ ẹhẹ. Ẹnyị vị ana sị ahụ dị ọrụrụ-ọrụrụ ẹnịnị sị umaata ọnịrị ịkẹkẹ ịrẹkụ nị. Ọkọnị isoja vị ana gụ pọmị anka ààrẹ ụtọ ókụ̄.

Ijosuwa 18:12

Ẹhwị ẹtẹ ẹnịnị eyi ẹbẹẹba ô nyima hụrẹ irehu Ijuda vavọọ va hịrẹ akaha ataba na ngụ Ijeriko, jịnẹ va ịrẹsụ ka ẹkụra ịnị otutu va jịnẹ ịnị inozi ụnọmị Ịbẹtị-Aveni.

Ijosuwa 7:2

Ịrẹma ọnị Anisirẹrị ra rị Ijeriko, Â nyị ẹkụra ọnya aanị ana hị́ Eyayị ana gụrị Ịbẹtẹrị Aveni, ana ya eyi ịzị ọyị zị hụrẹ vẹ. Ijosuwa ô tu anọrụ ẹnyị ka ẹ were-were re ẹkụra ọnọọ va ka yị ọnị nị, ịzẹyịza, dị aza ẹnẹẹ na ịzọọ nị.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

1 Ịsamụwẹrị 13:11

Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 14:23

Ẹnẹyịmavara ộ dọ Anisirẹrị nịnị tụ́ ịhị ọnọọ, dị ẹ kụ̀ ịrẹkụ ọnọọ na pooro na ngụ ịzị aā hị́ Ịbẹtị Aveni nị.

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 17:1

Ụmẹ ọnya yà ịzọọ dị Anihwirisiti nịnị kụ́ isoja ẹnịnị gụ ka ẹnị ẹ̀ na kụ̀ ịrẹkụ nị. Ẹnịnị vị ana kụ́ gụ ịzị aā hị́ Isukutu ịnị ẹtẹ Ijuda. Dị ahịka ịnị akakana Isukutu ọnịrị Azeeka ịnị ẹtẹ Apesidamimi ẹ́nịnị kụ́ udi tụ́ nị.

1 Ịsamụwẹrị 7:13

Avọọ a mẹ̀ huna Anihwirisiti nịnị, dị ẹ̀ yị kụkụ kụ́ ịrẹkụ nọ ịnị ẹtẹ Anisirẹrị nịnị nị pooro dị Ịsamụwẹrị ve sú nị. Ẹnẹyịmavara vị ana nyayịnẹ tana ụvọ za Anihwirisiti nịnị.