1 Ịsamụwẹrị 13:13 - IWE ỌNỊNỊ

¹³ Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 13:13 ပူးပေါင်းရင်းမြစ်များ

Oyinyima 31:28

Ọ kà ọ máá daba zẹẹ ka ọnị ò hara ezi anị kụ́ ayị, dị ọnị ọ kụ́ wa nyaatụ. Ọ kà ebira ụra ọ mẹ aanị nị.

2 Ịsamụwẹrị 24:10

A mẹ̀ vavọọ sị aza ẹnẹẹ za ịrịka kẹnẹ, dị ayị Idevidi mẹ kì nị. Dị Idevidi kà a yị Ẹnẹyịmavara dị ọ ka, “Ogwoo, Ma sị akụvị ọbanyị mẹ ịnị ịrẹyị ọnị mị mẹ aanị. Aarịhịnị Ẹnẹyịmavara navọ wa vagu mị ka ma sị ụra odivi mẹ ịnị ịrẹyị ọnị mị mẹ aanị.”

1 Ohinọyị 18:18

Di Erija ka, “Eyiye de, mẹ yị kụ́ ẹngụkata tù Anisirẹrị, ẹwụrị aneehi ada awụ ẹ vị ana aa kụ́ ẹngụkata tù Anisirẹrị nị. Ẹwụ nịnị o yi ọda Ẹnẹyịmavara tịtẹ, dị ụ kụkụ aa hẹkẹ Ịbaarị nịnị nị.

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

2 Ịtọpa 19:2

dị ọnịsẹ Ijehu ozi Ihanani jịnẹ ne tu ọ nị. Dị ọ họ̀ ọ ka sị ẹ vẹ dị ọ na gụ ọza odivi ụvọ, di o sì ịrẹyị aza anaā nyị ịhyẹrẹ Ẹnẹyịmavara? Ịsị ọnị ọ mẹ aanị ọ raà mẹ ka Ẹnẹyịmavara ọọ kụ́ ayị hi ọ.

Ijoovu 34:18

Ohomorihi oō jị ịvị yị ohinọyị ọnịrị ọdọvịdị nịnị ana a mẹ̀ ebira odivi nị.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.

Ụhịrẹyị 19:3

Ọza ẹnyị ọọ raa sị ụra wụ ẹngụ anị dị a su ọ za Ẹnẹyịmavara.

Ayịsaya 39:5

Ayịsaya kà yị ohinọyị Ihezekaya ka Ẹnẹyịmavara Ochẹtẹẹngụ ka,

Ijeremaya 18:10

dị Aza ẹnẹẹ ẹ̀ẹ sị ahụ jịnẹ ọda anị dị ẹ kụkụ aa mẹ̀ ebira odivi nị, ọnị vaa vàa hụụnị ịsị ọnị ka ọnị aa mẹ̀ ẹ yị wa.

1 Ịsamụwẹrị 1:22

Ịhaana ọnị ọ yị nọ ịnị ịrayị ọnọọ. Dị ọ kà a yị ọva anị ka ozi anị ọ̀ọ sị jị irenu ịrẹva ọnị vaa sị ọ naa yị Ẹnẹyịmavara, dị ọ kụkụ yà ịzọọ pooro.

1 Ịsamụwẹrị 13:12

Di mi ve ro o ka Anihwirisiti nịnị ẹ nyayịnẹ kụ ịrẹkụ vẹ tù mi Igirigari ịzẹnị. Ệ yị nyị ịsị mị mẹ ka ma sị mẹ ka Ẹnẹyịmavara ọ̀ daba kana eyi amị. Ịsị ẹ vị angwahi ana sị mị na mẹ̀ ịsọvọ anaā rịịra ọ vị ọnọọ nị.”

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 26:21

Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”