1 Ịsamụwẹrị 13:12 - IWE ỌNỊNỊ

¹² Di mi ve ro o ka Anihwirisiti nịnị ẹ nyayịnẹ kụ ịrẹkụ vẹ tù mi Igirigari ịzẹnị. Ệ yị nyị ịsị mị mẹ ka ma sị mẹ ka Ẹnẹyịmavara ọ̀ daba kana eyi amị. Ịsị ẹ vị angwahi ana sị mị na mẹ̀ ịsọvọ anaā rịịra ọ vị ọnọọ nị.”

1 Ịsamụwẹrị 13:12 ပူးပေါင်းရင်းမြစ်များ

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Emọsị 8:5

Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị.

2 Anịkọrịntị 9:7

Ịsa ọzọza òo ro tụ́ ịnị ayị, ọ̀ vavọọ sị ọọ vẹ! Agụvị ka ọza ana sị ayohine sị ịsa vẹ Óhomorihiī sì ịrẹyị anị nị.

1 Ịsamụwẹrị 13:11

Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 15:12

Ẹnẹnẹ viri-viri eyinẹhẹ anị, dị Ịsamụwẹrị kwẹẹtẹ ka oni ò ne tù Ịsọọrụ nị. Dị a va kà a yọ ka Ịsọọrụ ọ zị nọ Ịkamẹrị nị. A ka ộ mẹ̀ ịsa ọnya tịtẹ ịzọọ ka a sịị tamayị anị, dị ọ va hụụ ịzọọ dị aa nọ Igirigari.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

1 Ịsamụwẹrị 21:7

Ịhị ọnọọ â nyị ozi ahụ Ịsọọrụ ọnya aanị ana a za tụ́ ịzọọ. Ịrẹha anị ori Idowegi nị. Anedomi ọ vị nị, dị ahịka ọnị ọ vị ọga aza ana sị eyi pè ịsụpa Ịsọọrụ nị.