1 Ịsamụwẹrị 13:11 - IWE ỌNỊNỊ

¹¹ Dị Ịsamụwẹrị kà, “Sị ụ mẹ aanị?” Dị Ịsọọrụ kà, “Mê re ka aza e si nyima aa vaa hụrẹ mị ẹngụ, wệ yị vẹ ịnị ụmẹ ọnị ụ jị. Anihwirisiti ẹnị aa waraa gụ Imikimasi.

1 Ịsamụwẹrị 13:11 ပူးပေါင်းရင်းမြစ်များ

Oyinyima 3:13

Di Ẹnẹyịmavara Ohomorihi va họ̀ ọnẹẹ ọnọọ use ka: Sị ọ mẹ aanị? Dị ọnẹẹ ọnọọ ọnị rẹ ka, Ẹ́wụ́ o vene ọnị dị ọnị va na rị ọ nị.

Oyinyima 4:10

Di Ẹnẹyịmavara kà: “Sị ọ mẹ aanị? Ọ kà ọ sị ọyịnyara anị wụ. Ọ rẹ ka anya anị ana và hi eteesu ee nowu, ọnị maa wụ́;

2 Ịsamụwẹrị 3:24

Di Ijowabi ve ne tù ohinọyị dị ọ ka, “Taarụ, sị ụ mẹ aanị? A ka Abịna ộ vẹ ịda awụ. Sị ẹ vẹ dị ụ naavọ ka ọ̀ọ na kẹnẹ? Wéē re ka vi o si hu aanị nị?

2 Ohinọyị 5:25

Ộ ngụ ini eehi, dị ọ na jẹẹ ọvịdị ọga anị nị. Erisa ộ họ̀ ọ use ka, Igehazi, ịzị ụ nọ? Dị Igehazi ka, ẹ yị nyị ozi ahụ awụ nọ vụrụ-vụrụ ọ.

Ayịsaya 10:28

Anasiriya ẹ sị ngụ Ayị, ozi Imigironi ẹ, zị para hu nị. Ẹnya ẹnịnị vị ẹnẹ ẹ kụ́ tẹ Ímikimasi. Ệ zị oze ini òsusùụ́, dị ẹ ka ẹnị vaa sụ Ígeba nị.

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

1 Ịsamụwẹrị 13:12

Di mi ve ro o ka Anihwirisiti nịnị ẹ nyayịnẹ kụ ịrẹkụ vẹ tù mi Igirigari ịzẹnị. Ệ yị nyị ịsị mị mẹ ka ma sị mẹ ka Ẹnẹyịmavara ọ̀ daba kana eyi amị. Ịsị ẹ vị angwahi ana sị mị na mẹ̀ ịsọvọ anaā rịịra ọ vị ọnọọ nị.”

1 Ịsamụwẹrị 13:16

Ịsọọrụ ọnịrị Ijonatani ozi anị ne beri aza ana yà pè e vi ene hi Igibiya ịnị ẹtẹ Ịbẹnjamịnị. Dị Anihwirisiti nịnị ẹnị kụ́ udi tụ́ Imikimasi nị, Di isoja Anihwirisiti gà hi oze ẹẹta, dị ẹ yaa ngụ ọ zị dị ẹ yaa dọ aza ẹnya nị. Oze ọnya vị ana zị oze Opira ọgụrị Isuwari,

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 13:23

Á nyị isoja Anihwirisiti ẹnyị ana zi oze ịnị ataba Imikimasi na para hu.

1 Ịsamụwẹrị 13:5

Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

1 Ịsamụwẹrị 14:5

Ọnya ịnị ịrẹta gọọgọrọ ẹnẹẹ vị ana yà oze ẹbẹẹba, dị ọ và eyi kà Imikimasi, dị ọsa ọnị yà oze ụvẹtẹ di ọnị rẹ vaa kà Ịgẹba nị.