1 Ịsamụwẹrị 12:9 - IWE ỌNỊNỊ

⁹ Ama ohiku awụ nịnị ê hi ayị Ẹnẹyịmavara ana vi Ohomorihi ẹnịnị. Di Ohomorihi va sị oze yị ọga isoja Anihazọ anaā hị́ Isisera ọnịrị Anihwirisiti ne beri ohinọyị Animowabi, dị ẹ kụ́ ịrẹkụ ne tù ohiku awụ nịnị nị.

1 Ịsamụwẹrị 12:9 ပူးပေါင်းရင်းမြစ်များ

2 Ịsamụwẹrị 7:11

Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị.

Ahẹ Ụgama 106:21

Ẹnịnị ê hi ayị Ohomorihi ana dọ wa tụ́, dị ọ vavọọ mẹ ịvọpa ịnị ẹtẹ Ijipiti,

Ayịsaya 63:10

Ama ẹnịnị ệ mẹ akamawụ hi ọ ene du Ụhwẹ Ọnịnị ayị. Agụvị avọọ Ẹnẹyịmavara vara ọnịvị ẹnịnị, dị ọ vara eyi ịraazị ka wa nị.

Ijeremaya 2:32

Ozwoorihi óó zụ hi ayị ẹnya ọvị anị kẹ? Ọnẹẹ anaa va ọnọrụ oo zụ hi ayị ịta anaa kụ hi ẹngụ ịhị anaa va ọnọrụ? Ama o si kù ọnị aza anị hụrẹ hi ayị anị.

Iwe Ọhụhị Imosiisi ana aa hị́ Ọyịvatụrọda 32:18

Ê hi ayị Ohomorihi ẹnịnị, ọdọzaha ọbanyị ẹnịnị ana sị ụhwẹ yị wa.

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Ọdọvịdị 10:7

Ọsọnị ọ vị ọyịkụ ọbanyị yị Ẹnẹyịmavara kà Anisirẹrị nịnị na, dị ọ hụrẹ wa ụvọ yị Anihwirisiti ọnịrị Anamọnị nịnị ni.

Ọdọvịdị 13:1

 nyị ụmẹ ọnya aanị ọnị Anisirẹrị nịnị re nyima aa mẹ̀ ịsa edivi ọvịdị Ẹnẹyịmavara; avọọ dị Ẹnẹyịmavara hụrẹ wa ụvọ yị Anihwirisiti nịnị ka ẹ sị ụya rị wa ịrayị ẹbẹẹva nị.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ọdọvịdị 3:12

Ịrẹma anị, Anisirẹrị rẹ mẹ̀ ebira odivi hi Ẹnẹyịmavara nị. Agụvị avọọ, ọ sị ụkata yị Egirọnị ohinọyị Imowabi ô huna Anisirẹrị nị.

Ọdọvịdị 3:31

Ọdọvịdị ọsa ọnị Isirẹrị vị ana nyị ọ vị Ịsamịga ozi Anati nị, ọnị ọ sị akokoro ịrẹsụ ụnọ wụ̀ Anihwirisiti akata, dị ọ dọ Anisirẹrị nịnị tụ nị.

Ọdọvịdị 4:2

Agụvị avọọ dị Ẹnẹyịmavara navọ Ijabini ohinọyị Ihazori ọ dọ Isirẹrị, Ọga isoja Ijabini vị ana ra Iharọsẹtị-Ịhagọyimi.

1 Ịsamụwẹrị 12:15

Ama wẹ̀ yị na wụ́ chire Ẹnẹyịmavara nịnị, dị wẹ̀ yị zẹẹ ka wa dọ ọda anị nịnị nị, vị ọ vaa tana ụvọọ za wụ nịnị anka ọ mẹ̀ ohiku awụ nịnị nị.