1 Ịsamụwẹrị 12:2 - IWE ỌNỊNỊ

² Wa sị ohinọyị nyị nịnị booro aanị ana vaa vị ọdọvịdị awụ nịnị. Wâ yẹ ka eme si bo, ịrẹsụ amị kụkụ vị ẹwa-ẹwa. Ezi emi u wee re nịnị aanị nị. Ozweyi mị vị dị mị hụrẹ vị ọdọvịdị awụ nịnị pooro ve tù ajịnị nị.

1 Ịsamụwẹrị 12:2 ပူးပေါင်းရင်းမြစ်များ

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

Ịrịka 27:17

Ọza ọnọọ ọ vaa kụ́ aza nọ ịrẹkụ agụvị asị aza anị sị mẹẹ anka atẹmẹ nịnị ẹnẹ ẹ yị nyị ọza ene sere e avọọ.

2 Itimoti 4:6

Àa vị ẹmịị yọ, ma sị ẹngụ tenyi ka à wụ̀ mị anka ịsa ịsọvọ avọọ. Ụmẹ o si tù ka ma hụụnị ẹhẹ ọnọnị.

Ijosuwa 23:1

Ẹnẹyịmavara ọ̀ navọ Anisirẹrị nịnị ka ẹ ra ịnị ẹngwọọrọ ịnị ụmẹ ọgọdọ. Ịjọnọọ, Ijosuwa o si bo ẹtẹẹtẹrẹ.

Ijosuwa 23:2

Dị Ijosuwa hị́ avaba Anisirẹrị gụ beri azọkụ ọnịrị ohirẹsụ nịnị ne beri ọdọvịdị nịnị ọnịrị ọgọọga nịnị ana vọ. Dị ọ kà yị wa ka, ọnị o si bo.

2Ipita 1:14

Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị.

1 Ịsamụwẹrị 2:22

Eri ana aa kà aanị o si bo ẹtẹẹtẹrẹ. Ộ wụ́ avaba ebira ẹnị ezi anị aa mẹẹ hi Anisirẹrị. Ọ rẹ wụ́ ka ezi anị vị ana aa za anyẹnẹẹ ana aa mẹ̀ ụkọrọ enoze ajẹngụ ịzị a yaà gụ, di e yee pè wa sụ.

1 Ịsamụwẹrị 2:29

Sị ẹ vavẹ dị ụ maanị aa sị eyi ịyẹyẹẹ re ịsọvọ ọnị ọnị kà a ka aza ẹ̀ẹ sị vẹ di ahịka ezi ewu ụ sị ụbanyị yị hu ọnị Ohomorihi nị, dị ụ navọ ka ezi ewu ẹ̀ẹ kụ́ ene zoza hu ịnị ịsa ana Anisirẹrị sị va yị ọnị dị waa chakaa rị nịnị?

1 Ịsamụwẹrị 3:10

Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.

1 Ịsamụwẹrị 3:16

Di Eri va hị́ ọ nị, dị ọ ka, “Ịsamụwẹrị.” Di Ịsamụwẹrị zẹẹ dị ọ ka, “Hèé” nị.

1 Ịsamụwẹrị 8:1

Ô tù ụmẹ ọnya, Ịsamụwẹrị o si bo. Dị ọ nyị ezi anị ka ẹ̀ẹ mẹ̀ ọkarẹyị yị Anisirẹrị nịnị nị.

1 Ịsamụwẹrị 8:20

Ẹ ka ẹnị ẹ̀ẹ nyị ohinọyị, dị ẹnị rẹ kụkụ yà anka anẹkụra ana vọ. Ẹ ka di ohinọyị ẹnịnị ẹnị raa kụ́ ẹnịị nọ ịrẹkụ, dị aa gụ ẹnị ụvọ anka anẹkụra ana vọ.

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.

1 Ịsamụwẹrị 8:5

dị ẹ ka, “Ịsamụwẹrị, we si bo, ezi ewu ẹ yị zẹẹ ka ẹnị ẹ̀ sị ebira awụ; avọọ yee sì ka wa nyị ọza dị ọ vị ohinọyị ayị, dị ọza ọnọọ ọnị ọ̀ rẹ kụkụ vị ọdọvịdị ayị anka avaba anẹkụra ana vọ ẹnẹ ẹ̀ yị vị Anisirẹrị mẹ̀ nyị ohinọyị.”