1 Ịsamụwẹrị 12:19 - IWE ỌNỊNỊ

¹⁹ Dị avaba ẹnịnị kà yị Ịsamụwẹrị ka aarịhịnị ọ̀ dá ịpẹ yị Ẹnẹyịmavara ana vị Ohomorihi anị agụvị asị ẹnị sú. Ệ kà ẹnị ẹ sị yẹ ka ohinọyị ọnị ẹnị ka ẹnị ee sì avọọ vị ọnị ẹnị sị dà ẹnya tụ́ ịnị ịvị ọnị ẹnị vịdị mẹ.

1 Ịsamụwẹrị 12:19 ပူးပေါင်းရင်းမြစ်များ

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Ijoovu 37:13

Ohomorihiī zụ̀ orihi agụvị eteesu ò re enyi hú. Ọ́ rẹ zụ zụ̀ ọ ọ̀yịsị sị ụya rị yị, à vị ọ̀yịsị zụ yị ka oni ô sì ịrẹyị ayị.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ọyịkụra 10:17

Dị ọ ka aarịhịnị kwogwo, ẹ̀ vagu ọnị ịnị ịvị ọnị mẹ̀ ụpẹ ọnya kẹnẹ tụ́ ọ, dị ọ̀ da ịpẹ yị Ẹnẹyịmavara ana vi Ohomorihi ẹnịnị ka ọ̀ kụ́ ẹngụkata ọnọnị kwooze yị ọnị. Ọ kà ẹngụkata ọnọnị ọ zụ wụ̀ ọza.

Ọyịkụra 32:30

Eyinẹhẹ anị di Imosiisi va hị́ aza ẹnẹẹ dị ọ kà a yị wa dị ọ ka, “Wéē re ka ebira odivi ọbanyị ụ mẹ nịnị aanị nị. Ama maa hịrẹẹ nọ ịnị ataba nee tụ̀ Ẹnẹyịmavara. Aà ka ọnịị mẹ mị zụ mẹ ka ọ̀ vagu wu nịnị ịnị ebira odivi ọnị ụ mẹ̀ nịnị aanị.”

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ayịsaya 26:16

Ẹnẹyịmavara, wâ sị ụya rị aza awụ. Ayị ẹnịnị ô du, dị ẹ vẹ ịda awụ dị ẹ vụrị aa mẹ̀ aduwa nị.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 27:18

Ẹnẹyịmavara kà àa vị ọnịsẹ ẹ vị nị, dị ẹ ka ọnị ộ tụ ẹnị ụtụ nị, ẹnịnị ẹ̀ dà ịpẹ yị ọnị ka, asị ọnị Ẹnẹyịmavara Ochẹtẹẹngụ kụkụ zẹẹ ka à kụ ẹnya ana vọ tụ ịnị irehi anị ọnịrị ịnị irehi Ohomorihi ana yà Ijerusarẹmị aanị na tụ Ịbabịrọnị kẹ.

Ijeremaya 37:3

Ijeremaya ka, ohinọyị Ịzẹdẹkaya ộ tụ ọnọrụ ọnya aanị ana aā hị́ Ijehukari, ozi Iseremaya beri Ịzẹhwanaya ozi Imaseya ve tu ọnị. Ịzẹhwanịya ọnị vị ohirẹsụ irehi Ohomorihi. Ọ kà, aarịhịnị, ọnị ò pe ẹnị mẹ̀ aduwa hi Ẹnẹyịmavara, Ohomorihi ẹnịnị de.

Ijeremaya 42:2

dị ẹ ka, aarịhịnị, ọnị ò pè ẹnị mẹ̀ aduwa hi Ẹnẹyịmavara Ohomorihi ẹnịnịị de. Ẹ ka, ọnị ee ré ka ẹnị ệ vịdị rụrụ, ama ẹnị chee ọ vị booro aanị nị. Ọnị ọ̀ mẹ̀ aduwa yị ẹnị ana vẹtẹ anị de.

Ịmarakayị 1:9

Ama Ẹnẹyịmavara Ochẹtẹẹngụ ka, ịrẹma ẹnị ẹnịnị ohirẹsụ irehi Ohomorihi maanị aa mẹ, dị ẹyaa yị da ịpẹ baaba ka ọnị ọ vayị ẹnịnị, éé ro ka ọnị ve tu wa ohi?

Ịrịka 21:7

Dị aza ve tu Imosiisi dị ẹ kà ẹnị sị mẹ divi hi ọnịrị Ẹnẹyịmavara. Ẹnị ẹ raà kà chire wa. Aarịhịnị, Imosiisi ò beri ẹnịnị da ịpẹ yị Ẹnẹyịmavara dị ọ kụ ẹ́wụ́ ẹnẹnị hụrị ẹtẹ kwooze yị ẹnị; ẹnịnị dị Imosiisi mẹ̀ aduwa nị.

Odeyi 8:24

Di Ịsayịmọnị kà a yị Ipita ọnịrị Ịjọọnụ dị ọ ka, “Aarịhịnị, mẹ̀ aduwa hi Ananyị yị yị mị, agụvị asị a nyị ene tù mi ịnị avaba ịsị ụ kà aanị!”

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịsamụwẹrị 12:13

“Re, Ohinọyị ọnị ụ nyị nịnị yị. Ẹwụnị o họ̀ use, dị Ẹnẹyịmavara vaa sị ọ yị wụ nịnị.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:20

Dị Ịsamụwẹrị va ohi yị wa ka asị e hí angwa. Ịzẹyịza ẹ raà mẹ̀ ebira odivi, ama asị ẹ kụkụ ha hụrẹ oze Ẹnẹyịmavara. Ẹnịnị ẹẹ sị ayị ọnyaa hẹkẹ ẹ.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 7:5

Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara.

1 Ịsamụwẹrị 7:8

Dị ẹ ka, “Ịsamụwẹrị, aarịhịnị wee nowuu hị́ Ẹnẹyịmavara ana vị Ohomorihi ayị, asị ụ jẹẹ. Wee nowu hị́ ọ ịsavọọ ọ̀ dọ yị tụ́ hụụnị ụvọ Anihwirisiti nịnị.”

1 Ịsamụwẹrị 8:6

Ịjị ẹ vavọọ kà ka Ịsamụwẹrị ọ̀ nyị ọza ịnya dị ọza ọnọọ ọ̀ vị ohinọyị ana kụkụ vaa vị ọdọvịdị ẹnịnị, ịrẹyị ọnọọ ô du Ịsamụwẹrị ayị. Dị Ịsamụwẹrị ne tù Ẹnẹyịmavara dị aa mẹ̀ aduwa nị.