1 Ịsamụwẹrị 12:17 - IWE ỌNỊNỊ

¹⁷ Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:17 ပူးပေါင်းရင်းမြစ်များ

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ọyịkụra 32:30

Eyinẹhẹ anị di Imosiisi va hị́ aza ẹnẹẹ dị ọ kà a yị wa dị ọ ka, “Wéē re ka ebira odivi ọbanyị ụ mẹ nịnị aanị nị. Ama maa hịrẹẹ nọ ịnị ataba nee tụ̀ Ẹnẹyịmavara. Aà ka ọnịị mẹ mị zụ mẹ ka ọ̀ vagu wu nịnị ịnị ebira odivi ọnị ụ mẹ̀ nịnị aanị.”

Ụhịrẹyị 26:1

Ọza anaa ga ọnụra vị ene nyeeyi anka orihi anaa zụ ịnị ọhahị avọọ.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijosuwa 10:12

Ịhị ọnọọ ọnị Ẹnẹyịmavara sị Anisirẹrị nyị ẹbẹẹba Anamọrị nịnị, Ijosuwa ọ̀ mẹ̀ aduwa eyi aza anị. Dị ọ ka Ẹnẹyịmavara ọ mẹ ka ọyị ọ jẹẹ ịrẹsụ ẹkụra Igibiyọnị dị ụhwẹ ọ jẹẹ ịnị osuusu Ayijaroni.

1 Ịsamụwẹrị 12:13

“Re, Ohinọyị ọnị ụ nyị nịnị yị. Ẹwụnị o họ̀ use, dị Ẹnẹyịmavara vaa sị ọ yị wụ nịnị.

1 Ịsamụwẹrị 12:19

Dị avaba ẹnịnị kà yị Ịsamụwẹrị ka aarịhịnị ọ̀ dá ịpẹ yị Ẹnẹyịmavara ana vị Ohomorihi anị agụvị asị ẹnị sú. Ệ kà ẹnị ẹ sị yẹ ka ohinọyị ọnị ẹnị ka ẹnị ee sì avọọ vị ọnị ẹnị sị dà ẹnya tụ́ ịnị ịvị ọnị ẹnị vịdị mẹ.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

1 Ịsamụwẹrị 7:5

Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara.

1 Ịsamụwẹrị 8:6

Ịjị ẹ vavọọ kà ka Ịsamụwẹrị ọ̀ nyị ọza ịnya dị ọza ọnọọ ọ̀ vị ohinọyị ana kụkụ vaa vị ọdọvịdị ẹnịnị, ịrẹyị ọnọọ ô du Ịsamụwẹrị ayị. Dị Ịsamụwẹrị ne tù Ẹnẹyịmavara dị aa mẹ̀ aduwa nị.

1 Ịsamụwẹrị 8:7

Dị Ẹnẹyịmavara va kà a yị Ịsamụwẹrị ka avaba ịsị aza ẹnẹẹ ẹ̀ẹ ka ọ̀ mẹ, asị o pè wa nyị ahankata. Ọ kà ẹ yị vị Ịsamụwẹrị ẹ ka asị ọ kụkụ vị ọdọvịdị ẹnịnị, Ohomorihi ka ọnị ụvọta aza ẹnẹẹ ka asị ọnị kụkụ vị ohinọyị ẹnịnị nị.