1 Ịsamụwẹrị 12:15 - IWE ỌNỊNỊ

¹⁵ Ama wẹ̀ yị na wụ́ chire Ẹnẹyịmavara nịnị, dị wẹ̀ yị zẹẹ ka wa dọ ọda anị nịnị nị, vị ọ vaa tana ụvọọ za wụ nịnị anka ọ mẹ̀ ohiku awụ nịnị nị.

1 Ịsamụwẹrị 12:15 ပူးပေါင်းရင်းမြစ်များ

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

Ayịsaya 1:20

Ama wàa si eyi wụ̀ mị, ịrẹkụ ọ vaa wụ̀ wụ nị.

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.

Arụwẹ 1:18

Ịsị Ẹnẹyịmavara mẹ̀ vana vọrọ, agụvị ka ẹnị ẹ rẹẹ yị saasa ịrẹyị Anị nị. Ama re ụya ọnị ẹ yaa rị aanị. A raà kụ ezi ọnọrụ ẹnịnị ọnịrị ezi anẹẹ ẹnịnị za ọrịhị ne hi ẹkụra ọsa.

Iwe Ọhụhị Imosiisi ana aa hị́ Ọyịvatụrọda 31:27

Imosiisi kà ọnị ọ̀ yẹ ayị ọkatẹngụ ẹnịnị. Ẹnịnị ệ mẹ̀ akamawụ hi Ẹnẹyịmavara eyi anị. Ọnị ọ yẹ ka ịrẹma ọnị ọnị wusu o ve divi huu nị.

Ijosuwa 24:20

Ẹnịnị èe yi Ẹnẹyịmavara, dị ẹ naa hẹkẹ ori ọzọga nịnị nị, ọnị vaa vara eyi ịrazị tu wa, dị ọnị sị ụya rị wa, dị ọnị wụ̀ wa, ịrẹma ọyịza ọnị ọnị vịdị mẹ̀ yị wa.

Ọdọvịdị 2:15

Ụmẹ tụra ụmẹ ọnị ẹnịnị ẹ nọ ịrẹkụ dị Ẹnẹyịmavara va eyi ka wa agụvị e huna wa anka ọ mẹ kà a. Dị ẹnịnị ya ịnị ẹngụkata nị.

1 Ịsamụwẹrị 12:9

Ama ohiku awụ nịnị ê hi ayị Ẹnẹyịmavara ana vi Ohomorihi ẹnịnị. Di Ohomorihi va sị oze yị ọga isoja Anihazọ anaā hị́ Isisera ọnịrị Anihwirisiti ne beri ohinọyị Animowabi, dị ẹ kụ́ ịrẹkụ ne tù ohiku awụ nịnị nị.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.