1 Ịsamụwẹrị 11:2 - IWE ỌNỊNỊ

² Di Inahasi Anamọrị ọnọọ tụ́ ohi dị ọ ka, “Ịsa ọnya kẹnẹ ụ zụ mẹ̀ nịnị dị asị mi pè wu nịnị kụ̀ ịrẹkụ nị. Jẹẹ ma tụ̀ eyi ụvọrị awụ nịnị, dị ma sị mẹ̀ ụhị nyị Anisirẹrị.”

1 Ịsamụwẹrị 11:2 ပူးပေါင်းရင်းမြစ်များ

Oyinyima 34:14

Dị ẹ ka, “Ọ̀ọ yẹ ka ẹnị ẹ yị zụ sị ọyịnyara ẹnịnị gà aza ẹnẹ ẹ̀ yị jị ụvẹvẹnẹ. Ịrẹyị ụhị ọ vị yị ẹnị nị, ẹnị ẹ yị zụ vavọọ mẹ.

2 Ohinọyị 18:31

Àsị u wụ́ ịrẹyị Ihezekaya nịnị; ohinọyị Ásiriya ka wa jịnẹ tụ ẹhẹ vẹ, dị wa hụrẹ ẹngụ awụ nịnị ụvọ yị ọnị. Ọ vaa navọ wụ nịnị ka waa rị ẹtụtụ ọchị ịvayịnị ọnịrị ihwigi awụ nịnị; di u wee hú enyi ini iruku awụ nịnị.

Ahẹ Ụgama 44:13

Anokokooro ayị vi ene kuku ee nyị yi unyi dị ẹyaa mẹ yị isiya.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ụhịrẹyị 12:10

Ọza obooro vị ana a tẹsị ịsụpa anị ama ọza ọhịmị vị ana chamayị yị wa.

Ijeremaya 39:7

Ịrẹma ọnọọ, dị ọ ka à tụ Ịzẹdẹkaya eyi, dị à sị ẹba sụ́ ọ, dị à sị ọ aa nọ Ịbabịrọnị nị.

Ịrịka 16:14

Ệ kà ụkụ eyi ọ vị nị ka Imosiisi ọ yị vaa zụ kụ ẹnị na ngụ ẹtẹ aha, a vị dị ọ sị ẹtẹ ụbazị ịvayịnị yị ẹnị. Ẹnị ẹ yị nee tu Imosiisi agụvị ka Imosiisi è vene ẹnị nị.

Ọdọvịdị 16:21

Ịjọnọọ, dị Anihwirisiti nịnị za a dị ẹ tụ eyi anị ẹyịịva, dị ẹ sị ọ nọ Igaza nị. Ịjị e tu ịzọọ, dị ẹ sị ẹba tụ ọ ahụ, dị ẹ sị ọ tụ ịnị ẹngwa nị, dị Ịsamịsịnị aa kwọ ịsa yị wa ịnị ẹngwa ịzọọ nị.

1 Ịsamụwẹrị 11:10

Ịzẹyịza dị ọnụtụ ẹnẹẹ na, dị ẹ na kà a yị Anamọrị dị ẹ ka, “Ị vaa sị ẹngụ ayịị va wụ nịnị ụhwọ, dị wa mẹ yị ọ̀ọ mẹ̀ zee wu eyi nịnị.”

1 Ịsamụwẹrị 12:12

Ama u me re ka Inahasi ohinọyị Anamọrị e si ka ọnị ọ kụ́ ịrẹkụ ve tù wu nịnị, dị u yi ka asị Ẹnẹyịmavara vị ohinọyị awụ nịnị. Dị ụ ka we sì ohinọyị ana vaa vị ọdọvịdị awụ nịnị nị.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?