1 Ịsamụwẹrị 11:13 - IWE ỌNỊNỊ

¹³ Dị Ịsọọrụ ka asị a nyị ọza ana a wụ̀ ajịnị, agụvị ka ajịnị Ẹnẹyịmavara dọ Anisirẹrị tụ́ nị.

1 Ịsamụwẹrị 11:13 ပူးပေါင်းရင်းမြစ်များ

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

2 Ịsamụwẹrị 19:23

Di Idevidi kà a yi Isimeyi dị ọ ka ọza ọ yị vaa wụ̀ ọ. Dị ọ hị́ eku yọ nị.

2 Ịsamụwẹrị 23:10

Ama di Eriyaza nyayịnẹ wụ̀ Anihwirisiti nịnị ha nị. Ộ wụ̀ wa pooro, dị ụvọ anị kata, dị ọ kụkụ aa za ọza ìrèrè vaka ụhwọ anị nị. Ịhị ọnọọ Ẹnẹyịmavara ộ dọ Anisirẹrị ha ẹnẹmẹhị. Di Anisirẹrị nịnị vavẹ ve tù Eriyaza, dị ahịka ẹnya ịrẹkụ kẹnẹ ẹ kụkụ ngwa hụụnị ẹngụ oku ẹnẹẹ nị.

Ọyịkụra 14:13

Di Imosiisi tụ́ aza ẹnẹẹ ohi dị ọ ka, “Asị u hí angwa nịnị. Ọzọza ò tenyi ẹngụ anị jẹẹ ka u vee re Ẹnẹyịmavara mẹ̀ vaa dọ yịị tụ́ ajịnị. Anijipiti ọnị ụ maanị ee re nịnị aanị, we mē vene re wa nịnị.

Ọyịkụra 14:30

Ịhị ọnọọ Ẹnẹyịmavara ộ dọ Anisirẹrị tụ́ hụụnị ụvọ Anijipiti nịnị. Di Anisirẹrị re ka Anijipiti ê sú va hi ụtọ oku nị.

Ayịsaya 59:16

Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 19:5

Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”