1 Ịsamụwẹrị 11:11 - IWE ỌNỊNỊ

¹¹ Ẹnẹnẹ viri-viri eyinẹhẹ anị, dị Ịsọọrụ kụ́ aza anị dị ọ ga wa hi oze ẹẹta nị. Dị ẹnịnị zwe na ngụ ịzị Anamọrị hi, dị ẹ wụ Anamọrị pooro dị ụmẹ ọọdụ tù nị. Anamọrị ana vọ vị ana a gara zizi; kụkụ nyị aza ẹnịnị ana vọ gụ ẹẹva tụ́ aha ọnya.

1 Ịsamụwẹrị 11:11 ပူးပေါင်းရင်းမြစ်များ

Oyinyima 22:14

Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.

2 Ịsamụwẹrị 18:2

Idevidi ộ gà isoja anị hí oze ọnya aa na, dị Abisayi ọyịnyara Ijowabi ọnị rẹ kụ́ oze ọnya di Itayi Anigiti ọnị rẹ kụ́ oze ọnya ana vọ nị. Di Idevidi va ka ọnị ụvọta aa saasa waa nọ ịrẹkụ nị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Ọyịkụra 14:24

Éyi màa vaa nị, dị Ẹnẹyịmavara zi oze ịnị ịra ana dà jẹẹ ọnịrị eguhi ọnọọ và eyi chi ve re isoja Anijipiti nị. Dị ọ kụ́ ẹvazi ngụ wa ẹngụ nị.

Imatiwu 7:2

Ẹngụ ọkarẹyị ọnị ụ wàa mẹ yị aza, Ohomorihi rẹ vaa mẹẹ yị ẹwụ nị. Ịsị ụ wàa sị mọ ịsa yị ọza, a rẹ vaa sị mọọ yị wụ nịnị nị.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.

Ọdọvịdị 4:16

Dị Ịbarakị ọnịrị isoja dụ wa ngụ Iharọsẹtị-Ịhagọyimi nị. Avaba isoja Isisera vị ọnị ịrẹkụ rị bemi-bemi.

Ọdọvịdị 7:16

Igidiyọnị ộ ga isoja chee ọnị ọ nyị hi ẹchẹhị-ẹchẹhị oze ẹẹta, dị ọ sị ịkakanchị ọnịrị ịra tụ ụnọkọ ọbanyị yị ọzọza nị.

Ọdọvịdị 7:20

Avọọ isoja Igidiyọnị ana vọ ẹnị mẹ rẹ hu ịkakanchị ẹnẹ ẹ sị ụvọrị za, dị chaka ụnọkọ ene si ku ịra ẹnẹ sị rị ụvọha ẹnịnị nị. Di e nowu tụ ẹbẹẹba, dị ẹ ka, sị ụhwọ kụ ịrẹkụ yị Ẹnẹyịmavara ọnịrị Igidiyọnị!

Ọdọvịdị 9:43

Abimẹrẹkị mẹẹ vavọọ wụ ọ, dị ọ ga ezirẹkụ anị hi oze ẹẹta, dị ẹ tẹ hi ịnị avị, ee zi wa nị. Ịjị Abimẹrẹkị re ka Anẹkụra ọnọọ aa jịnẹ tụ ẹhẹ kẹnẹ, dị ẹ nee hi ẹhẹ ka ẹnị ẹ wụ̀ wa nị.

1 Ịsamụwẹrị 11:2

Di Inahasi Anamọrị ọnọọ tụ́ ohi dị ọ ka, “Ịsa ọnya kẹnẹ ụ zụ mẹ̀ nịnị dị asị mi pè wu nịnị kụ̀ ịrẹkụ nị. Jẹẹ ma tụ̀ eyi ụvọrị awụ nịnị, dị ma sị mẹ̀ ụhị nyị Anisirẹrị.”

1 Ịsamụwẹrị 14:47

Ịsọọrụ mè nyima dị aa mẹ ohinọyị tụra Anisirẹrị dị o pè avaba ọnịvị ẹnịnị kụ̀ ịrẹkụ nị. Ọnịvị ẹnẹẹ ẹ vị Animowabi, Anamọnị, Anedomi, ohinọyị Anizoba ọnịrị Anihwirisiti nịnị. Ịzị ọ̀ọ và zị kẹnẹ, dị ọ sị ụya rị ọnịvị ẹnẹẹ ẹtẹẹtẹrẹ.