1 Ịsamụwẹrị 10:5 - IWE ỌNỊNỊ

⁵ Dị Ịsamụwẹrị ka Ịsọọrụ ọnịrị aza ẹ̀ẹ vavọọ si gẹ, dị Ịsọọrụ ọ̀ọ nọ ịnị ataba Ohomorihi ana yà Igibiya. Ọ kà Anihwirisiti nịnị ệ kụ́ udi tụ́ ịzọọ. Ọ kà Ịsọọrụ àa vaa ngụ ẹkụra ọnọọ, ọ vaa gẹrị ọnịsẹ ẹnyị aanị ana hụrẹ aha ịsọvọ aa vẹ. Ọ kà aza vee hú agidibo irenyi-irenyi, okokoro ọnịrị ọkangga tụ́ ọvịdị ẹnịnị, dị ẹ rẹ yàa kà ịsẹ.

1 Ịsamụwẹrị 10:5 ပူးပေါင်းရင်းမြစ်များ

1 Ohinọyị 18:29

Ịjị ọọdụ aa parahu, di e nyima dị ẹ yaa kà ịsẹ nị. Ệ kà ịsẹ ọnọọ pooro ne tù ụmẹ ana a sịị̄ mẹ̀ ịsọvọ ụmẹ ọọdụ, ama Ịbaarị o yi tụ́ ohi vụrụ-vụrụ.

2 Ohinọyị 2:15

Ẹnị ọnịsẹ ẹvarẹwụ Anijeriko ẹnẹẹ ê re e, dị ẹ ka: Ụkata Erija ộ vẹ Erisa ịrẹsụ o! Ẹnịnị ệ na gẹrị ọ, dị ẹ và ku ẹtẹ yọ nị.

2 Ohinọyị 2:3

 nyị ẹnị ọnịsẹ ana ra ịzọọ. Ẹnịnị ê ne tu Erisa, dị ẹ họ̀ ọ ka: Ọ́ọ́ yẹ ka Ẹnẹyịmavara aa sị ọga anịị hụrẹ ẹ ẹngụ ajịnị nị? Erisa ộ kà a yị wa: hịịn, ọnị ộ yẹ. Ama ẹnịnị ẹ̀ sị irenu ẹnịnị kwoku.

2 Ohinọyị 2:5

 rẹ nyị ẹnị ọnịsẹ ana ra ịzọọ. Ẹnịnị ệ ne tu Erisa, dị ẹ họ̀ ọ ka: ọ́ọ́ yẹ ka Ẹnẹyịmavara aa sị ọga anịị hụrẹ ẹngụ ajịnị? Dị Erisa kà a yị wa ka hịịn, ọnị ộ yẹ. Ama ẹnịnị ẹ̀ sị irenu ẹnịnị kwoku.

2 Ohinọyị 2:7

Ẹnị ọnịsẹ ẹvarẹwụ ệ saasa wa na ngụ Ijodani, Erija ọnịrị Erisa ệ jẹẹ ụtọ okuha, dị ọnịsẹ ẹvarẹwụ ẹnẹẹ jẹẹ ẹnẹẹnẹ nị.

2 Ohinọyị 3:15

Ama, ọ̀ na hị́ ọmaahẹ ọnya vẹ. Ịjị e nyima aa mẹ aahẹ, dị ụkata Ẹnẹyịmavara vana vẹ Erisa ịrẹsụ nị.

2 Ohinọyị 4:38

 nyị ụmẹ ọnya, Erisa ọ zị varẹma nọ Igirigari ụmẹ ọnọọ, dị ụngwẹ aa kụ̀ avaba aha nị.  nyị ogu ẹnị ọnịsẹ ọnị Erisa aa zụ̀ ịsa. Ọ maa zụ wa ịsa, dị ọ vana kà a yị ozi ahụ anị ka, ọ̀ na sị ụnọkọ ọbanyị hii ịra, dị ọ̀ mẹ̀ ịsa yị ẹnị nị.

2 Ohinọyị 6:1

Ẹkụhị ọnya, â nyị ogu ọnịsẹ nịnị ene Erisa sị eyi pe. Ê ve tu Erisa, dị ẹ ka: Wee re ka ịzị ị yà aanị ọ sị weyi yị yị.

1 Ịtọpa 11:16

Ụmẹ avọọ gẹdẹ-gẹdẹ, Idevidi yà ịnị ataba ịzị ọ tẹ̀, dị á nyị Anihwirisiti ene ne hi Ịbẹtịrẹhẹmị nị.

1 Ịtọpa 13:8

Dị Idevidi ọnịrị avaba Anisirẹrị nịnị sị ụmẹzụ-ụmẹzụ aa mẹ aahẹ ọvịdị Ohomorihi nị. Ẹnịnị aa jị ahẹ, di eyee hú ịsa irenyi-irenyi anka ịkakanchị, ọkangga, okokoro, ịjabana, ịchacha, igita irenyi-irenyi ọnịrị ẹnya isohu ana vọ, dị ẹyaa nyị ẹzẹ nị.

1 Ịtọpa 16:42

Ihemani ọnịrị Ijedutuni a ka ẹ̀ rẹ sị eyi pe ịkakanchị ọnịrị ịchacha ana aa kụ́ụ nya ẹngụ, beri ẹnya aahẹ ana vọ ene eē hú àa maanị aa jị ahẹ gono Ẹnẹyịmavara nị. Ẹnị ezi Ijedutuni a ka èe sere oze ọbanyị nịnị nị.

1 Ịtọpa 16:5

Ọ nyị Asahwi ka ọ̀ vị ohirẹsụ ẹnịnị, Ịzakaraya ọ̀ vị ọgwọhụva anị beri ẹnị ana vọ: Ịjeyiyẹrị, Isemiramọtị, Ijehiyẹrị, Imatitiya, Eriyabi, Ịbẹnaya, Obẹdị-Edomi, ọnịrị Ijeyẹrị. Ẹnịnị vị ana a ka ee hú igita irenyi-irenyi, dị Asahwi ọọ kụ́ ịchachaa nya ẹngụ.

Ahẹ Ụgama 49:4

Mee sì ka me che ụhịrẹyị dị ma rẹ sị àgidibò kà iruvo anị.

Ahẹ Ụgama 92:3

Di ee hú agidibò irenyi-irenyi jị ahẹ gono wu.

1 Anịkọrịntị 14:1

Re ka wee sì ịrẹyị ọza nịnị! Re re ka waa sị ayị tụ́ ịnị ka Ụhwẹ Ohomorihi ọ̀ sị ụkata wụ nịnị ka wa zụụ mẹ̀ ịsa irenyi-irenyi nịnị. Hu keekere, wee sì ka wa zụụ kà ịsẹ nịnị.

1 Ịsamụwẹrị 10:10

Ịsọọrụ ọnịrị ozida ọnị ọnịrịị zị mẹ̀ na sị ngụ Igibiya, dị a nyị ọnịsẹ ẹnyị aanị ana wara aa vẹ, dị ẹ va gẹrị wa nị. Ịzẹyịza dị Ụhwẹ Ohomorihi dọ avaba ayị Ịsọọrụ, dị ọ sị ụkata yọ nị. Dị Ịsọọrụ ọnị rẹ na vaka ọnịsẹ ẹnẹẹ di e dudu aa kà ịsẹ nị.

1 Ịsamụwẹrị 10:4

Dị Ịsamụwẹrị rẹ ka aza ẹnẹẹ vaa kụ́ Ịsọọrụ, dị ẹ sị ịbụrẹẹdị ẹẹva yọ. Ọ kà ẹ̀ẹ vavọọ sị yị Ịsọọrụ, Ịsọọrụ, dị ọ̀ dọ ọ.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 13:3

Ijonatani ộ kụ́ ịrẹkụ na dụ Isoja Anihwirisiti ene hi Ịgẹba dị Anihwirisiti nịnị sị wụ́ nị. Dị Ịsọọrụ ka è hú ọpanyị che avaba ẹtẹ Anisirẹrị na para hu, dị a kà a avaba Anihiburu ẹ̀ wụ́.

1 Ịsamụwẹrị 19:20

Dị Ịsọọrụ tụ́ ka à na za a vẹ nị. Ọnịtụ ẹnẹẹ ê re ka anyị ọnịsẹ ẹnyị aanị ana aa kà ịsẹ, dị Ịsamụwẹrị ọga ẹnịnị jẹẹ pè wa nị. Ọnịtụ Ịsọọrụ mẹ̀ vavọọ re wa, dị ụhwẹ Ohomorihi ngụ wa ẹngụ, dị ẹnị rẹ kụkụ aa kà ịsẹ nị.

1 Ịsamụwẹrị 9:12

Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ.