1 Ịsamụwẹrị 10:27 - IWE ỌNỊNỊ

²⁷ Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

1 Ịsamụwẹrị 10:27 ပူးပေါင်းရင်းမြစ်များ

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

2 Ịsamụwẹrị 8:2

Idevidi ọnịrị Animowabi ẹ rẹ kụ̀ ịrẹkụ, di Idevidi re hu wa ẹtẹ nị. Idevidi ộ za isoja ẹnịnị dị ọ ka ẹ̀ hụtụ hi ini eteesu nị. Ẹ́ mẹ̀ vavọọ hụtụ di Idevidi sị obo mọ̄ wa nị. Ọ̀ọ dà ẹhụ ụgọdọ obo ẹẹva, dị ọ wụ̀ avaba ẹnị ọnị obo za, dị ọ navọ ẹnị ana àa tụ́ ọ ọhụta. Di Animowabi nịnị kụkụ vị ọrịhị Idevidi dị ẹ yaa tụ́ ẹkẹhirehi yị Idevidi yị Idevidi nị.

1 Ohinọyị 10:25

Ẹ̀ẹ vavọọ aa vẹ, dị ọzọza kụ́ ịsị a sị ẹkẹhị enyusẹ mẹ ọnịrị ịsị a si igooru mẹ va mẹ Isoromọnị ẹyịza. Ẹ rẹ ẹẹ̄ kụ́ awuru, ẹnya ịrẹkụ, eturare ozoza, umaata ọnịrị ịkẹrịkẹtẹ, dị ẹ vavọọ aa kụ́ ọ vaa yọ ịrayị-ịrayị.

1 Ohinọyị 4:21

Isoromọnị aa mẹ ohinọyị tụ́ ịrẹsụ avaba aha hụrị okuha Anihwirisiti huu na ẹhụ ẹtẹ Anijipiti. Pooro di Isoromọnị va hịrẹ ẹnịnị vị ana aa kụ́ ẹyịza vaa yọ, dị ọ rẹ yà dụụ anị.

1 Ohinọyị 5:1

Ihirami ohinọyị Ịtaya ộ wụ́ ka a sị Isoromọnị nyị ka ọ̀ rị ohinọyị tụ́ udi ada anị. Ẹkụhị ọnya di Ihirami tụ́ ozi ịda anị nọ ịda Isoromọnị nị. Ihirami vi ene sì ịrẹyị Idevidi vịdị vẹ.

2 Ịtọpa 13:7

Avọọ ọ mẹ rẹ kụ́ aza kẹnẹ-kẹnẹ ku ịrẹma na kụ́ ọ ka Irehobowami ozi Isoromọnị ụhwẹ agụvị ka o vi ozweyi, oni eyi anị ộ yị hweyi.

2 Ịtọpa 17:5

Dị Ẹnẹyịmavara mẹ ka Ijehosahwati ọ kara aza ene hi Ijuda nị. Avaba Anijuda nịnị kụ́ ịsa va mẹ̀ ẹ ẹyịza ana mẹ ka ọ nyị ogu ẹtẹẹtẹrẹ dị a sị ụbanyị yọ nị.

Ahẹ Ụgama 38:13

Mị kụkụ yà anka ogutọ ẹnẹ ẹ̀ zụ wụ́ ịrẹyị avọọ nị dị mị rẹ sị mẹẹ anka ogurenu ẹnẹ ẹ̀ zụ kà ịrẹyị nị

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Ịrẹyị Ọzwọzịsa 7:21

Asị ụ sị ụtọ pe avaba ịrẹyị ana aza aa kà, ẹyị vavọọ, ụ va wụ ka ezi ahụ awụ aa kụ wụ ụhụ.

Ayịsaya 36:21

Ihezekaya ohinọyị Anijuda ộ vịdị sị ọ ka yị aza anị ka asị e tụ́ ohi ịrẹyị ọnyọọnyị, agụvị avọọ isoja Anasiriya mẹ̀ maanị kà pooro, ẹnịnị ẹ yị jị atẹ tịtẹ.

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Odeyi 7:35

“Imosiisi ọnọnị Ánisirẹrị nịnị yi nị, ẹ mẹ̀ kà a ka ẹnẹ sị ọọ mẹ ohinọyị ọnịrị ọmọkarẹyị ẹnịnị? Ọnị Óhomorihi va sị mẹ ohinọyị ẹnịnị ọnịrị ọza ana dọ wa tụ́ ini oze anggẹẹrị ana sị ẹngụ zụ̀ ọọ ịnị ọchị ọnọọ nị.

Iwe Ọhụhị Imosiisi ana aa hị́ Ọyịvatụrọda 13:13

ka aza kẹnẹ ẹnyị ịnị awụ nịnị ẹ raà kụ aza nyeeyi na hẹkẹ ori nịnị ẹnị wẹ yị mā hẹkẹ vịdị vẹ.

1 Ịsamụwẹrị 11:12

Dị Anisirẹrị kà a yị Ịsamụwẹrị dị ẹ ka ene ee họ̀ use ịhyọọ ka aanị ka Ịsọọrụ aa vaa vị ohinọyị ayị nị? Ẹ ka à kụ́ aza ẹnẹẹ vẹ ka ẹnị aa wụ̀ wa.

1 Ịsamụwẹrị 11:13

Dị Ịsọọrụ ka asị a nyị ọza ana a wụ̀ ajịnị, agụvị ka ajịnị Ẹnẹyịmavara dọ Anisirẹrị tụ́ nị.

1 Ịsamụwẹrị 16:20

Dị Ijeese kune ịsọyịrị tụra ịkẹrịkẹtẹ, dị ọ sị eche tụ́ ini okoko ọnya ana a sị ịtụmpaha mẹ, dị ọ sị ozi ẹvụ ọnya vaka a dị ọ sị tụ́ Idevidi ozi anị ka ọ̀ sị na yị Ịsọọrụ nị.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”