1 Ịsamụwẹrị 10:25 - IWE ỌNỊNỊ

²⁵ Dị Ịsamụwẹrị tangwa kà a yị aza ẹnẹẹ avaba ịsa ana a vọrọ ka ohinọyị ọ̀ọ mẹ nị. Ịjị ọ sị ọ kà yị wa, sị ọ rẹ chẹrẹ ẹ tụ́ ịnị ịsa, dị ọ sị tụ́ ini eehi Ẹnẹyịmavara nị. Dị Ịsamụwẹrị kà ọzọza ọ̀ọ nọ eehi anị nị.

1 Ịsamụwẹrị 10:25 ပူးပေါင်းရင်းမြစ်များ

2 Ohinọyị 11:17

Ijehoyada, ohirẹsụ irehi Ohomorihi ộ kà a yị ohinọyị Ijowasi ọnịrị aza ana vọ ka ẹ̀ wo oto yị Ẹnẹyịmavara kà aza Ẹnẹyịmavara ẹnị vanaa vị pooro nị. Ộ vavọọ rẹ mẹ ka ohinọyị ọnịrị aza anị ẹ̀ vavọọ wo oto yị ẹngụ.

Iwe Ọhụhị Imosiisi ana aa hị́ Ọyịvatụrọda 31:26

ẹ sị iwe ọda Ohomorihi ọnọnị dị ẹ sị tụ́ akaha apoti oto Ẹnẹyịmavara Ohomorihi ẹnịnị, agụvị ọ vị ịrẹyị ivenu tụra aza anị ịrẹsụ.

1 Itimoti 2:2

Ẹ̀ẹ mẹ̀ aduwaa yị ohinọyị nịnị ọnịrị aza ana nyị ọda! Ọnọọ vaa mẹ ka ya zụ nyị ebira hẹẹ, dị yaa mẹ ẹhẹ ẹngwọọrọ, dị yaa mẹ mẹ̀ ebira oni Ohomorihi sì dị ọ rẹ vọrọ ini oze tụra oze.

Ịtayịtọsị 3:1

Tama aza awụ ayị ka ẹ̀ ká ịrẹsụ hi yị aza anaa mẹ ịjọva, dị ẹ̀ẹ wụ́ ịrẹyị ẹnịnị. Ẹnịnị è re tenyi ẹngụ dị ẹ̀ẹ mẹ̀ ịsa tụra ịsa ene èe zoza.

Ijosuwa 22:6

Ijosuwa ộ mẹ̀ aduwa yị wa, dị ọ ka ẹẹ na nị, dị ẹnịnị và nọ eehi ẹnịnị nị.

1 Ịsamụwẹrị 11:14

Dị Ịsamụwẹrị va hị́ Anisirẹrị dị ọ ka ẹ̀ vẹ ẹnị ẹ̀ nọ Igirigari dị ẹnị ẹ̀ na sị ahụ ohinọyị tenyi hi ẹtẹ.

1 Ịsamụwẹrị 8:9

Di Ohomorihi kà a yị Ịsamụwẹrị dị ọ ka ịsị aza ẹnẹẹ ẹ̀ẹ kà kẹnẹ, Ịsamụwẹrị ọ̀ dọ ooho. Ọ kà ama Ịsamụwẹrị ò hú wa ụvọ ẹtẹẹtẹrẹ, dị ọ̀ kà a yị wa ịsị ohinọyị ana vaa rịị tụra wa vaa mẹ wa.