1 Ịsamụwẹrị 10:24 - IWE ỌNỊNỊ

²⁴ Dị Ịsamụwẹrị kà a yị aza ẹnẹẹ dị ọ ka wéé re ọza ọnị Ẹnẹyịmavara nyị ka ọ̀ vị ohinọyị awụ nịnị? Wê re ka ẹ yị nyị ọza ana vị ẹngụ anị ịnị avaba awụ nịnị. Dị avaba aza ẹnẹẹ nowu dị ẹ kà, “Taarụ Ohinọyị! U vee ku orubo ọcha orubo ẹya.”

1 Ịsamụwẹrị 10:24 ပူးပေါင်းရင်းမြစ်များ

2 Ịsamụwẹrị 16:16

Di Ihusayi ana vị ọta Idevidi ne tù Abịsarọmị dị ọ ka, “Taarụ, ohinọyị, orubo ọcha, orubo ẹya o!”

2 Ịsamụwẹrị 21:6

Sị aza ẹnị ịhịmba ini ezi Ịsọọrụ yị di ye zù wa gẹ ọchị ọvịdị Ẹnẹyịmavara ịnị ataba Ịsọọrụ, ataba ẹnị Ẹnẹyịmavara sị nyị.” Di ohinọyị ka ọnị vaa kụ́ waa yị wa nị.

1 Ohinọyị 1:21

Taarụ, wàa raà sị ẹhẹ tịtẹ dị wụ zị ká ohiku awụ nịnị na nị, ẹmịrị Isoromọnị ozi ewu vi ene e vee re anka ọza odivi.”

1 Ohinọyị 1:25

Ajịnị ọnya ọnọnị ọ na raà kụ́ ụnọ ọnịrị atẹmẹ ana a pa dị ẹ banyị ana rụrụ aa sịị mẹ̀ ịsọvọ. Ộ hị́ avaba ezi ohinọyị ọnịrị ọga isoja nịnị ne beri Abiyata ohirẹsụ irehi Ohomorihi dị ẹnịnị ne hi ịda anị dị ẹ yaa rị di eyee hú nị. Dị ẹnịnị aa hị́ ‘Taarụ Ohinọyị, orubo ọcha orubo ẹya.’

1 Ohinọyị 1:34

Weè tù ịzọọ nịnị, dị ẹwụ Ịzadọkị ana vị ohirẹsụ irehi Ohomorihi beri Inatanị ana vị ọnịsẹ ọ̀ sị angwẹ nyị Isoromọnị dị ọ̀ rị ohinọyị tụra ịrẹsụ Anisirẹrị. Wàa vavọọ sị ọ mẹ, di u hú ọpanyị nịnị dị ụ ka, ‘Taarụ, Isoromọnị ohinọyị, orubo ọcha, orubo ẹya.’

1 Ohinọyị 1:39

E mè tù ịzọọ, di Ịzadọkị ohirẹsụ irehi Ohomorihi sị ọpanyị angwẹ hụụnị ajẹngụ dị ọ và a hi Isoromọnị ẹngụ nị. Di e hú ọpanyị dị avaba aza ẹnẹẹ ka, “Taarụ ohinọyị! U vee ku orubo ọcha, orubo ẹya.”

2 Ohinọyị 11:12

Dị Ijehoyada va sị Ijowasi tụ ẹhẹ nị. Ộ sị ọkẹkẹrẹkụ ohinọyị ku ọ, dị ọ sị iwe ọda ana a sị mẹ ohinọyịị yọ nị. Â va angwẹ hi Ijowasi ịrẹsụ, dị ẹ nọ̀ọ ka ọnị ọ vị ohinọyị nị. Aza ệ kụ̀rà ụvọ, di e nowu ka: orubo ọcha, orubo ẹya o, ẹwụ ohinọyị!

2 Ịtọpa 23:11

Dị Ijehoyada sị Ijowasi vẹ ẹhẹ nị. Ộ sị ọkẹkẹrẹkụ ohinọyị kú ọ ịrẹsụ, dị ọ sị iwe ana a chẹrẹ ọda ana a sịị̄ mẹ ohinọyị tụ́ ọnyaa yọ nị. Avọọ ẹ mẹmẹ sị ọ rị ohinọyị nị. Ijehoyada ohirẹsụ irehi Ohomorihi, ọnịrị ezi ọnọrụ anị ẹ va angwẹ hi Ijowasi ịrẹsụ, dị avaba aza na owu, dị ẹ ka, ẹwụ ohinọyị vee kú orubo ọcha, dị ụ kú orubo ẹya o!

Imatiwu 21:9

Dị ọkọnị aza ene hi ọvịdị ọnịrị ịrẹma ee nowu ka, “Ihosana! Ozi Idevidi! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị. Yâ sị ụga yị Ohomorihi ẹbẹẹba!”

Iwe Ọhụhị Imosiisi ana aa hị́ Ọyịvatụrọda 17:15

Re ka ọza ọnị wa nyị ka ọ vị ohinọyị awụ nịnị vị ọza ọnị Ẹnẹyịmavara ọnị ụvọta sị nyị. Ẹngụ ọza ọnọọ ọ vị ọza ịnị ẹngụ awụ nịnị, asị ọ vị anikinami.

1 Ịsamụwẹrị 11:15

Ịzẹyịza dị avaba aza ẹnẹẹ nọ Igirigari dị ẹ na yà eyi Ẹnẹyịmavara, dị e tenyi ahụ Ịsọọrụ si hi ẹtẹ ka ọnị ọ vị ohinọyị nị. Dị ẹnịnị yà ịzọọ dị ẹ mẹ̀ ịsọvọ yị Ẹnẹyịmavara kà avaba aza ẹ̀ nyị ẹngwọọrọ nị. Dị Ịsọọrụ ọnịrị Anisirẹrị nịnị nyayịnẹ rị eche ịrẹyị ọnọọ nị.

1 Ịsamụwẹrị 12:1

Ịjị ẹ vavọọ sị ịsa rị, dị Ịsamụwẹrị va kà a yị Anisirẹrị dị ọ kà, “Mâ wụ́ ịrẹyị ọnị ụ kà nịnị. Ma raà nyị ọza ka ọ vị ohinọyị awụ nịnị.

1 Ịsamụwẹrị 12:13

“Re, Ohinọyị ọnị ụ nyị nịnị yị. Ẹwụnị o họ̀ use, dị Ẹnẹyịmavara vaa sị ọ yị wụ nịnị.

1 Ịsamụwẹrị 9:2

Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.