1 Ịsamụwẹrị 10:22 - IWE ỌNỊNỊ

²² Di e ve họ̀ use ịnị ụvọ Ẹnẹyịmavara kà ọza ana vọrọ ka à sị rị ohinọyị aanị ọ́ọ́ vẹ ịzọọ. Dị Ẹnẹyịmavara kà ộ vẹ ịzọọ, ama ọ na sị tẹ ịzị a kụ́ ẹnya hi avọọ.

1 Ịsamụwẹrị 10:22 ပူးပေါင်းရင်းမြစ်များ

Oyinyima 25:22

Ezi ẹnẹẹ vị ẹẹva di eyee zigi ẹngụ ịnị ịrẹka Irebeka nị. Di Irebeka ka, “Ọnọnị rẹ rị aanị?” Dị ọ ka ọnị aa naa họ̀ Ẹnẹyịmavara kà ọ̀ kà a yị ọnị nị.

2 Ịsamụwẹrị 2:1

 nyị ẹkụhị ọnya, di Idevidi na họ̀ Ẹnẹyịmavara dị ọ ka áá vọrọ ka ọnị ọ̀ nọ ini ẹtẹ Ijuda? Dị Ẹnẹyịmavara kà ọ̀ na nị. Di Idevidi rẹ ka ịzị ọnị ọ̀ọ nọ ịzọọ? Dị Ẹnẹyịmavara ọ̀ nọ Ihebirọnị nị.

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Ọdọvịdị 1:1

 nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị?

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

Ọdọvịdị 20:28

Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị.

1 Ịsamụwẹrị 10:21

Dị Ịsamụwẹrị rẹ kà ovwoovu-ovwoovu ịrẹsụ Ịbẹnjamịnị ẹ sị ọnyọọnya vẹ ọvịdị anị. Ẹ mẹ̀ vavọọ vẹ, dị ahịka ovwoovu Imatiri ụvọ za ka à nyị ohinọyị hụrẹ nị. A mẹ̀ rẹ sì ụvọ tụ́ ọ pooro ini ovwoovu Imatiri, dị ahịka Ịsọọrụ ana vi ozi Ikisi ụvọ ve zee ka à sị rị ohinọyị nị. Ịjị a ka Ịsọọrụ ọ̀ vẹ, ê sì ọ, ọza o yi re e.

1 Ịsamụwẹrị 14:37

Dị Ịsọọrụ va họ̀ Ohomorihi dị ọ ka, “Méé ne tù Anihwirisiti nịnị? Wáá vaa mẹ ka Anisirẹrị e huna wa?” Ama Ohomorihi o yi tụ́ o ohi ịhị ọnọọ.

1 Ịsamụwẹrị 15:17

Dị Ịsamụwẹrị ka, “Wáā yẹ ka wê yi vịdị ro o ka waa bẹrị ọza, dị Ẹnẹyịmavara sị wụ vị ọdọvịdị Anisirẹrị nị. Dị ọ nyị wụ ka wa vị ohinọyị Anisirẹrị.

1 Ịsamụwẹrị 22:10

Ọ kà Ahimẹrẹkị ộ họ̀ Ẹnẹyịmavara use ịrẹyị agụvị Idevidi dị ọ kà a yi Idevidi nị. Dị ọ rẹ ka ộ hyakụ sị ịsa yi Idevidi ka ọ̀ rị ọ àa na oze. Dị ọ rẹ ka Ahimẹrẹkị ọ raà sị ụhwọ Igorayati Anihwirisiti yị Idevidi nị.

1 Ịsamụwẹrị 23:9

Idevidi ọ sị wụ́ ka Ịsọọrụ ee be ọnị, dị ọ va hị́ Abiyata ka ọ̀ sị ịharamịra ọnọọ vẹ nị.

1 Ịsamụwẹrị 30:7

Di Idevidi va hị́ Abiyata ana vị ohirẹsụ irehi Ohomorihi dị ọ ka ọ̀ sị ịharamịra oni ohirẹsụ irehi Ohomorihiī chire va yị ọnị nị. Ịzẹyịza dị Abiyata sị ọ va yọ nị.

1 Ịsamụwẹrị 30:8

Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.”

1 Ịsamụwẹrị 9:21

Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”