1 Ịsamụwẹrị 10:19 - IWE ỌNỊNỊ

¹⁹ Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 10:19 ပူးပေါင်းရင်းမြစ်များ

Ụhịrẹyị 16:33

Yaa nyẹngụ ee rò aayị ama ịsị ẹ vaa mẹ vị ana ya ịnị ụvọ Ẹnẹyịmavara.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Ịrịka 11:20

ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti?

Ịrịka 17:2

ọ ka yị Anisirẹrị nịnị ka ẹ sị okutẹ ẹwurẹẹva vẹ. Ọdọvịdị ịrẹsụ ọzọza ọ sị okutẹ anị vẹ dị aa chẹrẹ ịrẹha anị tụ́ ọ.

Iwe Ọhụhị Imosiisi ana aa hị́ Ọyịvatụrọda 17:14

Ịrẹma ọnị Anisirẹrị raà dọ ẹtẹ ọnị Ẹnẹyịmavara Ohomorihi ẹnịnị sị yị wa, dị ẹ ra, e vee sì ka ẹnị ẹ rẹ nyị ohinọyị anka anẹkụra nịnị ana kara wa.

Ijosuwa 24:1

Ijosuwa ọ hị́ avaba ịrẹsụ-ịrẹsụ Anisirẹrị gụ dị ẹ gẹ Ịsẹkẹmị nị. Dị ọ hị́ aza ọkọọka Anisirẹrị nịnị, ọ hị́ azọkụ, ọnịrị ọmọkarẹyị ne beri ọdọvịdị nịnị ka ẹ hịrẹ va jẹẹ gụrị ajẹngụ Ẹnẹyịmavara.

Ọdọvịdị 8:23

Dị Igidiyọnị ka, “eyiye de” ọnịrị ezi anị ẹ yị va rị ohinọyị tụra wa ịrẹsụ. Ọ kà, Ẹnẹyịmavara Ohomorihi ọ va vị ohinọyị ẹnịnị nị.

1 Ịsamụwẹrị 10:20

Ịsamụwẹrị mẹ̀ ka avaba ịrẹsụ Anisirẹrị ẹ̀ vavọọ vẹ, dị ahịka ịrẹsụ Ịbẹnjamịnị ụvọ zee ka à yà nyị ohinọyị nị.

1 Ịsamụwẹrị 12:12

Ama u me re ka Inahasi ohinọyị Anamọrị e si ka ọnị ọ kụ́ ịrẹkụ ve tù wu nịnị, dị u yi ka asị Ẹnẹyịmavara vị ohinọyị awụ nịnị. Dị ụ ka we sì ohinọyị ana vaa vị ọdọvịdị awụ nịnị nị.”

1 Ịsamụwẹrị 14:23

Ẹnẹyịmavara ộ dọ Anisirẹrị nịnị tụ́ ịhị ọnọọ, dị ẹ kụ̀ ịrẹkụ ọnọọ na pooro na ngụ ịzị aā hị́ Ịbẹtị Aveni nị.

1 Ịsamụwẹrị 14:38

Dị Ịsọọrụ kà avaba ẹnị ọga isoja ẹ̀ vẹ dị ẹnị e sì iruvo ịvị ana àa mẹ̀ ịhị ọnọọ nị.

1 Ịsamụwẹrị 3:21

Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.

1 Ịsamụwẹrị 4:1

Ẹkụhị ọnya Anisirẹrị nịnị ệ kụ́ ịrẹkụ ee nee tù Anihwirisiti nị nịnị. Anisirẹrị vi ene gu ịrẹkụ ẹnịnị tụ́ ịzị aā hị́ Ẹbẹnẹza, dị Anihwirisiti nị ẹnị re gu ẹẹnịnị tụ́ ịzị aā hị́ Ahwẹkị nị.

1 Ịsamụwẹrị 8:19

Anisirẹrị nịnị ê yi, ẹ yị zẹẹ ka ẹnị ẹ̀ wụ́ ịrẹyị ọnị Ịsamụwẹrị aa kà a yị wa. Ẹ ka ẹ yị nyị ụvọ ẹnịnị rị ịnị ịrẹyị ọnọọ, ẹnị ka eni ee sị̀ ka ẹnị ẹ̀ nyị ohinọyị.

1 Ịsamụwẹrị 8:5

dị ẹ ka, “Ịsamụwẹrị, we si bo, ezi ewu ẹ yị zẹẹ ka ẹnị ẹ̀ sị ebira awụ; avọọ yee sì ka wa nyị ọza dị ọ vị ohinọyị ayị, dị ọza ọnọọ ọnị ọ̀ rẹ kụkụ vị ọdọvịdị ayị anka avaba anẹkụra ana vọ ẹnẹ ẹ̀ yị vị Anisirẹrị mẹ̀ nyị ohinọyị.”