1 Ịsamụwẹrị 1:8 - IWE ỌNỊNỊ

⁸ Ọ̀ọ vavọọ ee sụ ùnè, di Erikana ọva anị re ne tù ọ dị ọ ka, “Ịhaana, sị ẹ vẹ di wee sụ ùnè dị wẹ̀ yị rị ịsa? Úú mee re? Aanị ka ẹmị ọnọnị o yi huna ezi ẹẹwụ yị wụ?”

1 Ịsamụwẹrị 1:8 ပူးပေါင်းရင်းမြစ်များ

2 Ohinọyị 8:12

Ihazayẹrị ộ họ̀ Erisa ka, sị ẹ vẹ dị ee sụ ùnè? Di Erisa ka, agụvị ka ọnị ộ yẹ ka ịsa ọ vaa sị Anisirẹrị nịnị mẹ, e yi vee zoza ọ ka vị́ ọ vaa rị ịzị Anisirẹrị nịnịị tẹẹ hi ịra, dị ọ wụ ezwọọmụha ẹnịnị ha nị. Ezweyi-ezweyi ẹnịnị vị ọnị ọ vaa sẹ̀ wa rugu-rugu. Ọnịrẹẹ ẹnịnị vị ọnị ọ vaa há ịnẹ, dị ọ wụ̀ wa.

Ijoovu 6:14

A vọrọ ka ọza ọ nyị ayamva yị ọta anị ana yị ịnị akanya, ọ daka sị ha hụrẹ oze Ohomorihi Ochẹtẹẹngụ.

Ahẹ Ụgama 43:4

Màa vavọọ nyị ẹtohweyi ọnịrị ịzẹyịza awụ, mê re oze aa nọ aha ịsọvọ awụ haara Dị ma vavọọ aa nọ ịda ẹwụ Ohomorihi amị ana aā mẹ ka maa jẹ ịrajẹ, dị ịnẹ amị òo hine Dị mị sị agidibò dị maa sịị jị ahẹ kụ́ wụ avọ Ohomorihi, ẹwa vị Ohomorihi amị nọ!

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

Ayịsaya 54:6

Isirẹrị, vị́ ụ sị mẹẹ anka ọnẹẹ ozweyi, ọnị ọva anị hụrẹ ụvọ tịtẹ, dị ee du ayị ẹtẹẹtẹrẹ avọọ nị. Ama Ẹnẹyịmavara ọ raà hị́ wụ và ka ẹngụ anị vẹ, dị ọ kà

Ịjọọnụ 20:13

Dị ẹ họ̀ Imeri ka, “Ọnẹẹ ọnọnị, sị ẹ vẹ dị ụ waa jị òrèrè?” Dị ọ ka, “A raà sị Ananyị yị hụụ ịzẹnị, mẹ yị yẹ ịzị ẹ sị ọọ tụ́.”

Ịjọọnụ 20:15

Dị Ijeesu họ̀ ọ ka, “Ịnya, sị ẹ vẹ di u wee sụ ùnè? Eni u wee sì?” Dị Imeri sị ọọ hị́ ka ọza ene ee sere ụbazị yọ nị. Dị ọ ka, “Aarịhịnị, àa vị ẹwa sị ọọ nị, kà a mị ịzị ụ wàa sị ọọ na tụ́, dị ma na sị ọọ hụụ ịzọọ!”

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

Iruutu 4:15

Ose ozi ẹwụ ọnọnị ô sì ịrẹyị awụ. Ọnị ọ ma ozi ọnọọ yị wụ nị. Ô huna ezi ọnọrụ ịhịmba yị wụ. Ozi ọnọnị va sị ụkata awụ vara ọwọọwa. Ọ va tẹsị awụ wèe sị bo.”

1 Ịsamụwẹrị 1:7

Avọọ oō mee du ọ ayị ịrayị-ịrayị ẹnịnị ẹẹ nọ ịnị irehi Ẹnẹyịmavara nị. Dị ahịka Ịhaana ee sụ ùnè, dị ọ yị rị ịsa nị.