1 Ịsamụwẹrị 1:26 - IWE ỌNỊNỊ

²⁶ Dị Ịhaana kà, “Nda, wáá kụkụ yẹ mị aanị? Ẹmị ma vị ọnẹẹ ana jẹẹ ịzẹnị aa mẹ̀ aduwa hi Ẹnẹyịmavara ịhị ọnọọ nị.

1 Ịsamụwẹrị 1:26 ပူးပေါင်းရင်းမြစ်များ

Oyinyima 42:15

Dị ọ ka ịsị ọnị aa vaa kà aanị ọnị vaa sị yẹ iruvo ẹnịnị nị. Dị ọ ka ọnị ộ sị ịrẹsụ ohinọyị hị́ eku ka à yị vị ọhụva ẹnịnị ana vị ozweyi vẹ ịzẹnị, ẹ yị nyị ọza ẹnịnị ana aa hụụ ịzẹnị.

2 Ịsamụwẹrị 11:11

Di Uriya tụ́ ohi dị ọ ka, “Apoti Ohomorihi ọnịrị Anisirẹrị ne beri Anijuda hi Isukutu. Ijowabi ọga amị ọnịrị ezi ahụ awụ ana vọ hị́ ịnị ajẹngụ ịnị ụnọmị. Taarụ, ẹmáá nyayịnẹ nọ ini eehi amị dị ma naa rị di mee hú dị ma rẹ na hụtụ pè ose emi? Taarụ, mâ sị ịrẹsụ awụ vị onivenu ka mẹ yị nyayịnẹ vavọọ mẹ.”

2 Ịsamụwẹrị 14:19

Di ohinọyị ka Ijowabi ộ nyị ụvọ tụ́ ịnị avaba ịrẹyị ọnọnị. Dị ọnẹẹ ọnọọ ka, “Ada ayị Taarụ Ohinọyị, avọọ yịị yọ. We yi cheeche vụrụ-vụrụ ịnị avaba ịrẹyị ọnị ụ kà aanị.

2 Ohinọyị 2:2

Ẹ́ maa na oze, dị Erija kà a yị Erisa ka; ọ̀ jẹẹ ịzẹnị; agụvị ka Ẹnẹyịmavara ọ́ raà kà a yị ọnị ka ọnị oo nọ ịzị aā hị́ Ịbẹtẹrị. Ama Erisa ka, ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erija ẹngụ. Ịzẹyịza, dị ẹnị ẹyịva nọ Ịbẹtẹrị nị.

2 Ohinọyị 2:4

Di Erija rẹ kà a yị Erisa ka; ọ̀ jẹẹ ịzẹnị; agụvị ka Ẹnẹyịmavara ộ kà a yị ọnị ka ọnị ọ̀ nọ Ijeriko nị. Ama di Erisa rẹ ka, ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erija ẹngụ nị. Ịzẹyịza, dị ẹnị ẹyịva nọ Ijeriko nị.

2 Ohinọyị 2:6

Dị Erija rẹ kà a yị Erisa ka: ọ̀ jẹẹ ịzọọ; agụvị ka Ẹnẹyịmavara ộ kà a yị ọnị ka ọnị ọ̀ nọ ini Okuha Ịjọdanị. Ama Erisa ô tụ́ ohi ka; ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erijaa ẹngụ. Ịzẹyịza dị ẹnị ẹyịva na nị.

2 Ohinọyị 4:30

Dị ọnyị ozi ọnọọ kà a yị Erisa ka, ọnị ộ sị Ẹnẹyịmavara ana yara ọnịrị Erisa ọnị ọnị aa sị ayị ọnyaa saasa hị́ eku ka, ọnị ẹ yị yaa para a hu. Ịzẹyịza, dị Erisa kwẹẹtẹ dị ọ saasa varẹma nị.

1 Ịtọpa 4:10

Ama Ijabezi ộ mẹ̀ aduwa hi Ohomorihi Anisirẹrị, dị ọ ka, kwogwo, ọ̀ navọ ọ̀ mẹ ka ò zé yị ọnị, dị ọ̀ dà ẹtẹ gana yị ọnị de. Ọ kà Ohomorihi ọ̀ navọ ọ̀ yà ọnị ịrẹma, dị ò sere ọnị, asị ọ zẹ̀ẹ ka odivi ọnyọọnyị ọ kụ́ ẹngụkata tu ọnị. Ịzẹyịza dị Ohomorihi mẹ̀ ịsa o họ̀ use anịị yọ nị.

1 Ịsamụwẹrị 17:55

Idevidi mèe nee tù Anihwirisiti ọnọọ, Ịsọọrụ ô re e. Dị Abịna ana vị ọga isoja use ka ẹnị ẹ ma ozi ọnọọ nị. Dị Abịna ka ọnị ộ sị ịrẹsụ ohinọyị hị́ eku ka ọnị ọ yị hyakụ yẹ.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”