1 Ịsamụwẹrị 1:22 - IWE ỌNỊNỊ

²² Ịhaana ọnị ọ yị nọ ịnị ịrayị ọnọọ. Dị ọ kà a yị ọva anị ka ozi anị ọ̀ọ sị jị irenu ịrẹva ọnị vaa sị ọ naa yị Ẹnẹyịmavara, dị ọ kụkụ yà ịzọọ pooro.

1 Ịsamụwẹrị 1:22 ပူးပေါင်းရင်းမြစ်များ

Ahẹ Ụgama 110:4

Ẹnẹyịmavara ọ raà kà ịrẹyị, dị ọ hị́ eku tụ́ ọ nị, oyi kuku vee jesi ayị anị. Ọ kà Ẹwa vị ohirẹsụ irehi Ohomorihi pooro zịna-zịna anka Imerikizẹdẹkị nị.

Ahẹ Ụgama 23:6

Ma yẹ kaakara ka ọyịza-ọyịza anị ọnịrị oyisì anị vaa saasa mi pooro ịnị ẹhẹ amị nị. Irehi Ẹnẹyịmavara ọ vaa vị eehi amị ịnị ẹhẹ amị pooro nị.

Ahẹ Ụgama 27:4

Ịsị mee sì ọnị maa dá ịpẹ ka Ẹnẹyịmavara ọ̀ mẹ mị! Ọ vị ka ma zụ yà ini eehi anị pooro ịnị avaba ẹhẹ amị Màa vavọọ yà ini eehi anị di mee re ụbanyị anị. Mee sì ka maa yà ini irehi anịị mẹ̀ aduwa pooro.

Ọyịkụra 21:6

Ọ̀ọ vavọọ yà, dị ọza ana hị́ ọrịhị ọnọọ sị ọrịhị ọnọọ nọ ịzị Ohomorihiī yà. Òo tù ịzọọ dị ọ sị ọ na jẹẹ pè uhweremi oze, dị ọ sị ịsa jị ọ ụtọ rō. Dị ahịka ọrịhị ọga anị ọnọọ ọ kụkụ vị pàá nị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ireevi 25:23

Ẹnẹyịmavara kà à sị Anisirẹrị nịnị ná ẹtẹ ẹnịnị yị ọza ka ọ̀ vị ọ́ọza ọnọọ pooro, agụvị ka ẹ́ yị vị ẹnị ẹ nyị; Ohomorihi ọ nyị nị. Ọ kà Anisirẹrị nịnị vị ana sị mẹẹ anka anẹkụra ọsa ana á zẹẹ ka ee rò ẹtẹ ọnọọ avọọ.

Iruuku 2:22

Ẹkụhị ọ sị gụ ana a vọrọ ka Imeri ọ̀ sị na nyịna ẹngụ anị anka ọda oni Imosiisi mẹ, dị ẹ sị ozi ọnọọ nọ Ijerusarẹmị ka ẹnị ẹ̀ sị na yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 16:16

Ụpẹ ẹẹta ịnị ịrayị avaba ọnọrụ awụ nịnị vaa kụụ gụ ọ̀yị hẹkẹ Ẹnẹyịmavara Ohomorihi awụ nịnị ịzị ọ kà à yaa hẹkẹ ọnị nị. Ẹ vavọọ waraa gụ ụmẹ Eche Ọyịparahu, ụmẹ Eche ịsa ọyịkụ gụ, ọnịrị ụmẹ Eche ịnị Ajẹngụ. Ẹ yị ọza ana vaa sị ụvọ osusuu vẹ ọvịdị Ẹnẹyịmavara o.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 1:28

Mị sị ọ vẹ ka ma sị va yị Ẹnẹyịmavara nị. Ịda anị ọ́ kụkụ vaa yà pooro ịnị avaba ẹhẹ anị nị.” Dị ẹ yà ịzọọ dị ẹ hẹkẹ Ẹnẹyịmavara nị.

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 2:11

Ịjị ẹ sị mẹ ta, di Erikana si hu aa nọ eehi anị ana vị Iraama, dị Ịsamụwẹrị yà ahụ Eri dị aa mẹ ụkọrọọ yị Ẹnẹyịmavara nị.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 28:2

Di Idevidi ka ooho. Ọ kà ọnị ụvọta vee re ịsị ọnị vaa mẹ. Dị Akisi ka ộ mẹ̀ ẹ ẹtẹẹrẹ, ọ ka Idevidi o kuku vee sere ọnị pooro nị.

1 Ịsamụwẹrị 3:1

Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.