1 Ịsamụwẹrị 1:19 - IWE ỌNỊNỊ

¹⁹ Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

1 Ịsamụwẹrị 1:19 ပူးပေါင်းရင်းမြစ်များ

Oyinyima 21:1

Ẹnẹyịmavara ô nyị Isera iyi anka ọ mẹ̀ vịdị kà a. Ịsị ọ ka ọnị aa mẹẹ yọ dị ọ mẹ̀ ẹ yọ ịzẹyịza nị.

Oyinyima 30:22

Di Ohomorihi va tamayị Irechẹrị nị. Ohomorihi ộ wụ́ aduwa anị dị ọ mẹ ka ọ̀ zụ ma ozi nị.

Oyinyima 4:1

Ẹkụhị ọnya Adamị ộ nọ ịda ose anị. Ịnị ụmẹ chee di ose anị ee zyẹẹ nị. Ộ ma ozi ọnọọ ọnọrụ. Di Iivi ka: Ẹnẹyịmavara Ohomorihi ọ raà mẹ ọgụvọ yị ọnị ka ọnị ọ̀ ma ozi ọnọrụ ọnya. Dị ọ ka agụvị avọọ ozi ọnọọ ọ rị Ikeeni nị.

Oyinyima 8:1

Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

2 Ohinọyị 4:17

Ama anka Erisa mẹ̀ kà a, ịjị ụmẹ ọnọọ nee tu ịnị ịrayị anaa vanaa vẹ, ọnẹẹ ọnọọ ô zyẹẹ, dị ọ́ ma ozi ọnọrụ nị.

Ahẹ Ụgama 119:147

Di eyi va nị, ma sị kwẹẹtẹ, mee nowu ka wa gụ mị ụvọ. Ịrẹyị awụ mị si eyi tụra nị.

Ahẹ Ụgama 136:23

Waa kụ́ ọ avọ ka ọnị ọ tamayị ayị ọnịvị mẹ̀ sị yị hu ẹtẹ nị. Vi óō sì ịrẹyị ọza pooro zịna-zịna nị.

Ahẹ Ụgama 25:7

Ẹnẹyịmavara, navọ wa sị ayị hụụnị ịvị irenyi-irenyi ọnị maa mẹ̀ m mẹ̀ hụrẹ vi ozweyi Navọ wa vayị amị agụvị ka mâ yẹ ka vi ụụ̄ sì ịrẹyị ọza nị Ịsa ozoza ụ rẹẹ̄ mẹẹ yị ọza nị.

Ahẹ Ụgama 5:3

Ẹnẹnẹ, Ẹnẹyịmavara, ẹwụ ẹmị vaa hị́ nị. Ẹwụ mị vaa kụ́ ịrẹyị ịnị ẹngụ amị ve tù nị. Màa vavọọ vẹ, dị mị jẹẹ, di mee zi wu eyi.

Ahẹ Ụgama 55:17

Ẹnẹnẹ, ọọdụ ọnịrị ịrahụ vị oni mee nowu ka Ohomorihi ọ̀ gụ mị ụvọ Ịzẹyịza, Ohomorihi ộ ba mị owu.

Ịmaakị 1:35

Ẹnẹnẹ eyinẹhẹ anị, ẹ́tẹ mèe yii vee hweyi kẹnẹ dị Ijeesu kwẹẹtẹ, dị ọ jịnẹ nọ aha ọnya aanị ịzị aza ẹ̀ yị yà nị, dị ọ na mẹ̀ aduwa ịzọọ nị.

Iruuku 23:42

Dị ọ kà a yị Ijeesu ka, “Ananyị yị, aarịhịnị tamayị amị, wàa va sị ngụ ịzị ụ yà aa mẹ ịjọva!”

Ijosuwa 18:25

Ịrẹha ẹkụra ẹsa ana ya ịnị ẹtẹ ọnọọ ẹ vị Igibiyọnị, Iraama, Ịbẹẹrọtị,

1 Ịsamụwẹrị 1:1

 nyị ụmẹ ọnya, dị a nyị ọnọrụ ọnya aanị ana aā hị́ Erikana ana ra Iraama. Iraama vị ọnyara ịnị ẹkụra ana yà ịrẹsụ ataba ịnị ẹtẹ Ehwireemi. Ada anị ọbanyị ịrẹmị-ịrẹma ọ rị Izuhwi nị. Ada Erikana ọ rị Ijerohami nị. Ijerohami vị ozi Erihu ana ada anị rị Itohu. Ada Itohu ọ rị Izuhwi nị. Ẹnịnị vị Anehwireemi.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 15:34

Dị Ịsamụwẹrị si hu dị aa nọ Iraama nị. Dị Ịsọọrụ ọnị aa nọ eehi anị ịzị aā hị́ Igibiya Ịsọọrụ nị.

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 19:18

Idevidi o si zwe, dị ọ na ngụ ịda Ịsamụwẹrị Iraama nị. O mè tù ịzọọ, dị ọ kà a yị Ịsamụwẹrị avaba ịsa ọnị Ịsọọrụ mẹ̀ ẹ nị. Dị ọnịrị Ịsamụwẹrị si hu, dị ẹ na yà Inayoti nị.

1 Ịsamụwẹrị 2:11

Ịjị ẹ sị mẹ ta, di Erikana si hu aa nọ eehi anị ana vị Iraama, dị Ịsamụwẹrị yà ahụ Eri dị aa mẹ ụkọrọọ yị Ẹnẹyịmavara nị.

1 Ịsamụwẹrị 25:1

Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

1 Ịsamụwẹrị 8:4

Ẹkụhị ọnya dị ọdọvịdị Anisirẹrị nịnị kụ́ ẹngụ gụ, di e ne tù Ịsamụwẹrị Iraama nị. É mè tù ịzọọ

1 Ịsamụwẹrị 9:26

Eyi mẹ̀ sị nị, dị ẹ sị ha nị. Dị Ịsamụwẹrị hị́ Ịsọọrụ ana sụ ịrẹsụ irehi dị ọ ka ò tenyi ẹngụ dị ọnị ọ̀ sị ọ na tụ́ nị. Ịjị Ịsọọrụ sị ẹngụ tenyi, dị ọnịrị Ịsamụwẹrị kwẹẹtẹ dị ẹ jịnẹ dị ẹ yaa na nị.