1 Ịsamụwẹrị 1:15 - IWE ỌNỊNỊ

¹⁵ Di Ịhaana ka, “Nda, me yi hú eche o! Ịrẹyị ịnị ẹngụ amị ana va mị ẹngụ hi m maa kà zụ̀ Ẹnẹyịmavara nị.

1 Ịsamụwẹrị 1:15 ပူးပေါင်းရင်းမြစ်များ

Ijoovu 30:16

Ọ kà ọnị e vee su aanị nọ; ụya anị vị ana banyị hu avọọ.

Ahẹ Ụgama 143:6

Ẹnẹyịmavara, maa tụ́ ụvọọ yị wụ. Eyi awụ aa tụra mị anka eteesu mèe sì enyi ịnị ọhahị avọọ.

Ahẹ Ụgama 42:4

Mâ tamayị ka yàa maanị aa nọ ini irehi Ohomorihi ẹmaa dọ ọvịdị nị Yàa vavọọ aa na dị yaa jẹ, dị yaa jị ahẹ, di ree nowuu kụ́ Ohomorihi avọ Ịjị màa maanị aa tamayị ị mẹ̀ vịdị vavọọ mẹ, dị ayị amị rẹ kụ́ du.

Ahẹ Ụgama 62:8

Ẹwụ nịnị anda ayị, waa sị ayịị tụra Ohomorihi nịnị pooro kẹnẹ Avaba ịrẹyị oni wèe re ana kata wụ ẹngụ dị ụ kà a yọ agụvị ka ọnị ọ vị Ohomorihi ẹnẹ ẹ̀ yị zẹẹ ka à nyị ịsị ẹ kanyị yị nị.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Ụhịrẹyị 14:10

Ọzọza ọ yẹ enee re nị, ọ vị ọyịza ọ vị odivi ẹ yị nyị ọza anaa gụ ọ ụvọ ẹnya anị.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

1 Ịsamụwẹrị 1:16

Aarịhịnị asị u ro o ka ọnẹẹ odivi mị vị nị. Ịrẹyị ịnị ẹngụ amị ene ee du mi ayị ẹtẹẹtẹrẹ m maa dá ịpẹ anịị yị Ohomorihi nị.”

1 Ịsamụwẹrị 7:6

Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.