1 Ịsamụwẹrị 1:11 - IWE ỌNỊNỊ

¹¹ Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 1:11 ပူးပေါင်းရင်းမြစ်များ

Oyinyima 28:20

Di Ijekọvụ zẹẹ Ohomorihi ịzẹzẹ dị ọ ka: Àa vị ka Ohomorihi ộ yà pè ọnị, di o sere ọnị ịnị ụsẹ ọnị ọnị aa zị aanị nị; ọ̀ọ sị ịsọyịrị yị ọnị, dị ọ sị ịta yị ọnị kú ẹngụ nị

Oyinyima 29:32

Iriya ô zyẹẹ dị ọ ma ozi ọnọrụ ọnya nị. Dị ọ yị ọ Irubẹnị nị. Ọ kà, “Ẹnẹyịmavara o si re ka ọnị aa rị ụya. Ọ kà ọnị ộ yẹ ka ọva anị kuku vee sì ịrẹyị anị booro aanị.”

Oyinyima 30:22

Di Ohomorihi va tamayị Irechẹrị nị. Ohomorihi ộ wụ́ aduwa anị dị ọ mẹ ka ọ̀ zụ ma ozi nị.

Oyinyima 8:1

Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

2 Ịsamụwẹrị 16:12

Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”

Ahẹ Ụgama 25:18

Navọ wa kana eyi ụya ọnị maa rị di we re ọ mẹmẹ kata mị ẹngụ Navọ wa sị ayị hụụnị avaba ebira odivi ọnị mị mẹ.

Ọyịkụra 4:31

Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.

Ụhịrẹyị 31:2

Eyiye ozi emi! Eyiye ozi ịnị ịnẹ amị. Eyiye ozi ọnị mị hị́ eku tụra ịrẹsụ.

Ịrẹyị Ọzwọzịsa 5:4

Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ.

Ireevi 27:2

Ọ̀ zụ ọda ẹnẹnị yị Anisirẹrị nịnị. Ọ kà, ọza ọ̀ọ zẹẹ Ẹnẹyịmavara ịzẹzẹ ka ọnị vaa sị ọza vaa yị ọ, dị ọ sị ọza ọnọọ vẹ nị, ọpa ẹkẹhị ene e vee si dị à sị hị́ ọza ọnọọ varẹma yị,

Ịrịka 21:2

Dị Anisirẹrị nịnị hị́ eku ka Ẹnẹyịmavara ọ̀ọ sị aza ẹnịnị chire ẹnị ụvọ, ẹnị ee vu avaba ẹkụra ẹtẹ nị.

Ịrịka 6:11

Dị ohirẹsụ irehi Ohomorihi sị arekuku ọnya mẹ̀ ịsọvọ ịvị, dị ọ sị ọsa mẹ̀ ịsọvọ anaā rị ịra. Avaba ịsọvọ ẹnịnị vị anaā gụ wa ẹngụ agụvị ka ẹ sị ụvọ kanyị oku. Ịhị ọnọọ gẹdẹ-gẹdẹ a raa varẹma tenyi sị ẹyị ẹnịnị chire Ohomorihi ụvọ nị.

Ịrịka 6:5

Ẹnịnị ẹ yị yaa kụ́ ịrẹsụ ịnị avaba ụmẹ ọnị ẹ sị ẹnịnị tụ́ irenyi yị Ẹnẹyịmavara. Ẹnịnị ẹ̀ raà sị ẹngụ ẹnịnị tụ́ irenyi.

Ịrịka 6:8

Avọọ ẹ mẹẹ vaa mẹ ịnị avaba ụmẹ ọnị ẹ́ sị vị ọtirenyi yị Ohomorihi nị.

Ọdọvịdị 11:30

Dị Ịjẹhwịta va na gẹrị Anamọnị nịnị, ọ hị́ eku yị Ẹnẹyịmavara kà ọọ zẹẹ ka ọnị ọ nyị ẹbẹẹba Anamọnị.

Ọdọvịdị 13:5

Ọnụtụ ọnọọ ka, ọ vee zyẹẹ dị ọ ma ozi ọnọrụ. Ọ̀ọ sị ozi ọnọọ ma, asị ọ kwọ ịrẹsụ vụrụ-vụrụ agụvị ka ozi ọnọọ vị ozi ana va sị tụ irenyi yị Ohomorihi hụrị ụmẹ ana a sị ma a. Ozi ọnọọ ọ vaa dọ Anisirẹrị nịnị ha hụụnị ụvọ Anihwirisiti nịnị nị.

1 Ịsamụwẹrị 1:10

Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 1:12

Ịhaana mẹ vavọọ tangwa aa mẹ̀ aduwa, di Eri ee re e nị.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

1 Ịsamụwẹrị 1:22

Ịhaana ọnị ọ yị nọ ịnị ịrayị ọnọọ. Dị ọ kà a yị ọva anị ka ozi anị ọ̀ọ sị jị irenu ịrẹva ọnị vaa sị ọ naa yị Ẹnẹyịmavara, dị ọ kụkụ yà ịzọọ pooro.

1 Ịsamụwẹrị 1:27

Ozi ọnị mị mẹ̀ aduwa ka Ohomorihi ọ̀ sị mị ịhị ọnọọ yị. Ẹnẹyịmavara ọ raà sị yị mị.

1 Ịsamụwẹrị 1:28

Mị sị ọ vẹ ka ma sị va yị Ẹnẹyịmavara nị. Ịda anị ọ́ kụkụ vaa yà pooro ịnị avaba ẹhẹ anị nị.” Dị ẹ yà ịzọọ dị ẹ hẹkẹ Ẹnẹyịmavara nị.

1 Ịsamụwẹrị 2:20

Èe tù ịzọọ di Eri mẹ̀ aduwa yị Erikana ọnịrị ose anị, dị ọ ka Ẹnẹyịmavara ọ̀ navọ ose anị ọ̀ ma ezi ọsa dị ọ sị dọ ịrẹsụ ọnị ọ pa hụụnị ụvọ Ẹnẹyịmavara dị ọ rẹ varẹma sị yọ. Àa maanị sị aduwa mẹ̀ yị wa, dị ẹ rẹ yaa nọ eehi nị.