1 Ịsamụwẹrị 1:10 - IWE ỌNỊNỊ

¹⁰ Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 1:10 ပူးပေါင်းရင်းမြစ်များ

Oyinyima 30:1

Irechẹrị ô re ka ọnị ọ yị ma ozi yị Ijekọvụ. Di o nyima di ee pè onyeyiza anịị kụ̀ ụ̄hị nị. Dị ọ ka Ijekọvụ ọ̀ yị si ozi yị ọnị ma, vị ọnị ee sú nị.

Oyinyima 50:10

Ẹnịnị ẹ va sị ngụ ịzị eē tú ịsa ịnị ẹtẹ Atadi, ana yà oze ọnị ọyịị̄ zịị̄ hụrẹ ini Okuha Ịjọdanị. Dị ẹ yà ịzọọ dị ẹ zị ẹngụ Ijekọvụ ẹtẹẹtẹrẹ nị. Dị Ijosẹẹhụ jị òrèrè ada anị mẹ ẹkụhị ịhịmba nị.

2 Ịsamụwẹrị 13:36

Ijonadabị mẹ̀ sị sị ịrẹyị anị kà kẹnẹ, di ezi ohinọyị vana vẹ nị. Dị ẹ yaa tụ́ orere vavavaa nị. Di ohinọyị ịnyẹmba ọnịrị ezi ahụ anị ẹnị raa tụ́ orere booboro nị.

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

Ijoovu 10:1

Ijoovu kà ẹhẹ o si du ọnị eyi. Ọnị ẹ yị nẹngụ sị irenu anị kwooku. Ọnị aa ka a ịsị e du ọnị ayị.

Ijoovu 7:11

Agụvị avọọ, mẹ yị vaa sị irenu amii kú oku. Maa kà ịrẹyị agụvị ka ayị amị o si du. Maa kụ́ irenu amị agụvị ka ayị aa kụ mị.

Ijoovu 9:18

Aa sị ụya rị ọnị ka asị ẹngụ hi ahị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ụhịrẹyị 14:10

Ọzọza ọ yẹ enee re nị, ọ vị ọyịza ọ vị odivi ẹ yị nyị ọza anaa gụ ọ ụvọ ẹnya anị.

Ayịsaya 38:15

Ama sị mị vị ana zụ ka? Ẹnẹyịmavara ộ mẹ̀ ịsa ọnọnị nị. Ayị amị o si du chuku-chuku, mẹ yị nyẹngụ sụ ara.

Ayịsaya 54:6

Isirẹrị, vị́ ụ sị mẹẹ anka ọnẹẹ ozweyi, ọnị ọva anị hụrẹ ụvọ tịtẹ, dị ee du ayị ẹtẹẹtẹrẹ avọọ nị. Ama Ẹnẹyịmavara ọ raà hị́ wụ và ka ẹngụ anị vẹ, dị ọ kà

Ijeremaya 13:17

Ọ kà, wàa ka wẹ yị wụ nịnị, ọnị vaa jị òrèrè ịnị aku, agụvị ka waa sị ẹngụụ tụ ẹba nịnị. Ọnị vaa jị òrèrè ọngwọọngụ dị ẹgọ ee si agụvị ka asị aza Ẹnẹyịmavara za ọrịhị ne hi aha ọsa.

Ijeremaya 22:10

Ijeremaya ka, ẹwụ nịnị Anijuda, asị ụ hụ agụvị ohinọyị Ijosaya jị òrèrè nịnị o. Asị ụ zị ẹngụ anị nịnị oo su. Ama waa jị òrèrè nịnị ẹtẹẹtẹrẹ agụvị ozi anị ana aa hị́ Ijowahazi. Aa vaa sị ọ hụrị ẹkụra ọnọnị ana a ma a tụ. Ẹ́ ma vana vavẹ va si eyi re e.

Arụwẹ 3:15

Ohomorihi ọ raà dà ụya ana ngụ ajẹ yị ọnị rị, dị ọ sị àyodu mẹ enyi yị ọnị ka ọnị oo hú ọ nị.

Iruuku 22:44

Ayị Ijeesu o si du ẹtẹẹtẹrẹ, dị aa mẹ̀ aduwa hu avọọ nị. Ẹhị ana aa tọ̀ hụụnị ẹngụ anịị hi ẹtẹ vị ana sị mẹẹ anka anya avọọ.]

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Ọdọvịdị 21:2

Ịrẹma ọnị ịrẹkụ sị ji kwooze dị Anisirẹrị nịnị nọ Ịbẹtẹrị dị ẹ yaatẹ ọvịdị Ohomorihi na ngụ oruva dị ẹ jị òrèrè ngụ-ngụ-ngụ nị.

Iruutu 1:20

Di Inawomi tụ́ wa ohi dị ọ ka, “Asị ụ rẹ kụkụ hị́ mị́ Inawomi nịnị. Waā hị́ mị Ọnyịrẹyị agụvị ka Ohomorihi Ochẹtẹẹngụ ọ raà mẹ ẹhẹ amị nyịrẹyị.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 1:9

Ịjị ịsọvọ ta mẹ̀, dị ệ sị ịsa rị Isiro, dị Ịhaana kwẹẹtẹ dị ọ na mẹ̀ aduwa ọvịdị Ẹnẹyịmavara nị. Eri ana vị ohirẹsụ irehi Ohomorihi vị ana yaayịtẹ ịnị aga ọgụrị enoze irehi Ẹnẹyịmavara.