1 Ịjọọnụ 4:4 - IWE ỌNỊNỊ

⁴ Ẹwụ nịnị ezi emi, àa vị ẹwụ nịnị yọ, ẹwụ nịnị vị ezi Ohomorihi, wa sị ọnịsẹ onireche ẹnẹẹ huna nịnị, agụvị ka, Ụhwẹ Ọnịnị ana yà ịnị ayị awụ nịnị, o huna ụhwẹ ana yà ịnị ayị anẹhẹ nị.

1 Ịjọọnụ 4:4 ပူးပေါင်းရင်းမြစ်များ

Ịjọọnụ 12:31

O si tù ụmẹ booro aanị ka à mẹ̀ ọkarẹyị yị anẹhẹ. Booro aanị a vaa dụ ohinọyị ẹhẹ ọnọnịị jịnẹẹ kwooze nị.

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

Ịjọọnụ 16:11

Ọ rẹ vaa sịị zụ̀ ịsị ẹ vị ọkarẹyị Ohomorihi, agụvị ka Ohomorihi ọ sị ịvị jị yị ohinọyị ẹhẹ ọnọnị da.

Ịjọọnụ 17:23

Ẹmịrị wa vị ọnya, dị ẹmịrị ẹwụ rẹ vị ọnya nị, agụvị dị ẹnịnị ẹ̀ zụ vị ọnya chọchọchọ, dị anẹhẹ ẹ̀ zụ yẹ ka ẹwa tụ́ mị vẹ ẹhẹ nị. Dị ẹ̀ rẹ yẹ ka wê sì ịrẹyị ẹnịnị, anka u mè sị̀ ịrẹyị amị.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Aniroomi 8:37

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

1 Anịkọrịntị 2:12

Ụ́hwẹ Ọnịnị oni Ohomorihi sị tụ́ ịnị ayị ayị, ayị vị ẹ́ẹhẹ ọnọnị ọ vị. Ọnị ọọ̄ mẹ̀ ka ya yẹ avaba ịsa oni Ohomorihi sị yị ọọhẹ kẹnẹ nị.

1 Anịkọrịntị 6:13

Aza ẹnyị ẹ zụ aa kà a ka: Áa mẹ̀ ịsọyịrị yị izinẹ, dị a rẹ mẹ izinẹ yị ịsọyịrị nị. Ịzẹyịza ọnọọ vị nị Ama Ohomorihi vaa mẹ ka ịsọyịrị ọnịrị izinẹ ẹ̀ ta. Ohomorihi ọ yị mẹ ọchẹngụ ọza yị ọza ka ọ̀ sịị sẹ̀ ịrẹkaa zị. Ama Ohomorihi vị ana mẹ ẹngụ ọza yị ọza ka ọ sịị hẹkẹ ọnị, dị Ananyị yị ọnị raa tẹsị ẹngụ ọza nị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịkọrịntị 6:16

Sị ẹ zụ kụ́ irehi Ohomorihi ọnịrị ori vabẹ? Ẹya vị irehi Ohomorihi ana yára nị, agụvị ka Ohomorihi ộ kà a ka, ọnị vaa ra ịnịnẹ ẹnịnị, dị ọnị aa ngụ ịnị akakana ẹnịnịị zị. Ọnị vaa vị Ohomorihi ẹnịnị, dị ẹnị rẹ vị aza anị.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

1 Ịjọọnụ 2:1

Ẹwụ nịnị ezi emi, maa chẹrẹ ịsa ẹnẹnịị tụ́ụ hi wu nịnị agụvị asị ụ mẹ̀ ịvị nịnị. Ama àa nyị ọza ana mẹ ịvị, áa nyị ọnịpọda ọnya ana yà ịdị Ohomorihi Ada ayị; ọza ọnọọ ọ vị Ijeesu Ikirisiti ana vị ọnịrẹyịzẹyịza nị.

1 Ịjọọnụ 2:13

Ẹwụ nịnị Ada, maa chẹrẹ iwe ọnọnịị tụ́ụ hi wu nịnị agụvị ka wa sị yẹ ọza ọnọọ ana yà ịzọọ dị a va yẹ ka aa mẹ ẹhẹ. Mị raa chẹrẹ iwee tụ́ụ hi ẹwụ nịnị ezwọọmụha agụvị ka wa sị echu huna nịnị.

1 Ịjọọnụ 3:20

Ayị ayị ọ̀ọ yị jị ịvị yị, Ohomorihi o huna ayị ayị nị, ọ́ọ rẹ yẹ avaba ịsa.

1 Ịjọọnụ 3:24

Ọza ana àa saasa ọda Ohomorihi, ọnịrị Ohomorihi ọ sị vị ọnya, Ohomorihi ọnịrị ọza ọnọọ ọ sị vabẹ. Ịsị ẹ sị zụ̀ yị gedebee ka ẹyịrị ọ vị ọnya yị: agụvị Ụhwẹ Ọnịnị anị ọnị ọ sị yị.

1 Ịjọọnụ 4:13

Ịsị ẹ zụ sị zụ̀ ka ẹyịrị Ohomorihi vị ọnya ọnịrị ka ẹyịrị Ohomorihi ọ sị vabẹ, ọ vị ka ọ raà sị Ụhwẹ Ọnịnị anịị yị.

1 Ịjọọnụ 4:16

Ẹyị nyẹmba ộ yẹ, ya rẹ dọ wụ́ ka Ohomorihi ô sì ịrẹyị ayị, Ohomorihi vị eneē sì ịrẹyị ọza. Ọza eneē sì ịrẹyị ọza, ọnịrị Ohomorihi vị ọnya, Ohomorihi ọnịrị ọza ọnọọ ẹ sị vabẹ.

1 Ịjọọnụ 4:6

Àa vị ẹyị yọ, ẹyị vị ezi Ohomorihi. Ọza ana àa yẹ Ohomorihi ẹtẹẹrẹ vaa sị ụtọọ pe yi. Ama ọza ẹnẹ ẹ̀ yị yẹ Ohomorihi, ẹ́ yị sị ụtọ pe yi. Avọọ ị mẹmẹ zụ yẹ ọza ana nyị Ụhwẹ Ọnịnị ịzẹyịza ọnịrị ọza ana àa nyị ụhwẹ echu nị.

1 Ịjọọnụ 5:19

Ẹyị áa yẹ ka ẹyị vị ezi Ohomorihi, avaba anẹhẹ ana vọ vị ana yà ịnị ụvọ Echu.

1 Ịjọọnụ 5:4

agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị.

Ẹtore 12:11

Ẹwụ nịnị ẹyịnyara amị e reè huna a ini oze anya Ozi Atẹmẹ ọnọọ ọnịrị ịrẹyị Ohomorihi ẹnẹ ẹyaa dọ ivenuu tụ́. Ệ dọ ka ẹnị ẹ̀ hụ rẹ ẹhẹ ẹnịnị ụvọ dị eni è sú.