1 Ịjọọnụ 4:2 - IWE ỌNỊNỊ

² Ịsị a nyẹngụ sị yẹ ọza ọ̀ọ nyị Ụhwẹ Ọnịnị Ohomorihi yị: Ọza tụra ọza anaa dọ ka Ijeesu Ikirisiti ộ vẹ ẹhẹ anka ozi ọza, ọ̀ nyị Ụhwẹ Ọnịnị Ohomorihi nị.

1 Ịjọọnụ 4:2 ပူးပေါင်းရင်းမြစ်များ

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

1 Anịkọrịntị 12:3

Mee sì ka wa yẹ nịnị ka ẹ yị nyị ọza ọnị Ụhwẹ Ohomorihi aa sị oze zụ̀ ana zụ kà a yị Ijeesu ka o du oo kù. Ẹ̀ yị rẹ vị ọza ọnị Ụhwẹ Ohomorihi aa si oze zụ̀, ọ yị zụ kà a ka Ijeesu ọ vị Ananyị yị nị.

1 Itimoti 3:16

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

1 Ịjọọnụ 1:2

Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị.

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

1 Ịjọọnụ 4:15

Ọza ana àa há irenu anị kà a ka Ijeesu vị Ozi Ohomorihi, ọnịrị Ohomorihi vị ọnya; Ohomorihi ọnịrị ọza ọnọọ ọ sị vabẹ.

1 Ịjọọnụ 4:3

Ama ọza tụra ọza ẹnị ẹ̀ yị dọ ka Ijeesu Ikirisiti ộ vẹ ẹhẹ anka ozi ọza, ẹ́ yị vị Ụhwẹ Ọnịnị Ohomorihi ọza ọnọọ nyị. Ụhwẹ ọnịvị Ikirisiti ẹ́ngụ ọza ọnọọ nyị nị. Wâ vịdị wụ́ nịnị ka ọ vaa vẹ ịnị ẹhẹ, ịzẹyịza, ọ yà ịnị ẹhẹ booro aanị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

2 Ịjọọnụ 1:7

M maanị aa kà a agụvị ka enevene nịnị ẹ sị gara hi ẹhẹ. Ẹnịnị ẹ yị dọ ka Ijeesu ộ vẹ ẹhẹ anka ọza. Ẹngụ aza ẹnẹẹ vị enevene, ọnịvị Ikirisiti ẹ rẹ vị nị.