1 Ịjọọnụ 3:9 - IWE ỌNỊNỊ

⁹ Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.

1 Ịjọọnụ 3:9 ပူးပေါင်းရင်းမြစ်များ

Ijoovu 19:28

Wâ kà a nịnị ka, “Sị ị nyẹngụ mẹ̀ dị ọ̀ rị ụya hu avọọ? Wee sì ịrẹyị ọnị ụ waa kụ ụ za mị ahụ nịnị.

Ahẹ Ụgama 119:3

Ẹngụ aza ẹnẹẹ ẹ mā mẹ̀ ebira akụvị, oze Ohomorihi ẹ và tụra nị.

Ireevi 11:37

Àa nyị ana hụrẹ ne ngụ ịsa ene ee nee chire, ịsa ọnọọ ọ yị kụkụ nị.

Imatiwu 7:18

Ọchị ozoza ọ yị zụ tụ́ ẹtụtụ odivi, avọọ ọchị ọnị ụkụ za ọnị ọ̀ yị mẹ̀ rẹ zụ tụ́ ẹtụtụ ozoza nị.

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Aniroomi 6:2

Asị Ohomorihi zẹẹ! Àa vị ịrẹyị ịvị ọyịmẹ̀ yọ, vị ị sị mẹẹ anka oku ene sú avọọ nị. Yàa vavọọ wusu, yáá kụkụ nyẹngụ aa yịị mẹ ịvị?

Anigaratiya 5:17

Agụvị ka ịsa ọnị ọchẹngụ ọza sì, Ụhwẹ Ọnịnị oyi sì ọọ, ịsa ọnị Ụhwẹ Ọnịnị oni re sì, ọchẹngụ ọza oyi sì ọọ. Ịsa ẹẹva ẹnẹnị vị ana và eyi ịrazị kà ẹngụ; ọnị ọ vị ka ayị vị isu wèe sì nịnị kẹnẹ, ụ zụ mẹ nịnị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

1 Ịjọọnụ 2:29

Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.

1 Ịjọọnụ 3:6

Ọza ọnị ọnịrị Ikirisiti ọ̀ọ sị vabẹ, ọ yị mā kụkụ mẹ ịvị. Ọza ana àaā yịị mẹ ịvị, ọ̀ yị hyakụ yẹ ẹ vụrụ-vụrụ.

1 Ịjọọnụ 4:7

Ẹwụ nịnị anda ayị, à navọ yee sì ịrẹyị ẹngụ nịnị, agụvị ka ịrẹyị ọza ò yi sì vị ana hụụ ịdị Ohomorihi vẹ. Ọza ene èe sì ịrẹyị ọza vị ozi Ohomorihi, ọnị ọ yẹ Ohomorihi nị

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

1 Ịjọọnụ 5:18

Yáa yẹ ka ezi Ohomorihi ọ mā kụkụ aa yịị mẹ ịvị, ama oō sere ẹngụ anị, dị Echu ọ́ yị nyẹngụ kanyị ọ.

1 Ịjọọnụ 5:4

agụvị ka avaba ezi Ohomorihi ẹ zụ nyị ehuna ịsa edivi ịnị ẹhẹ ọnọnị. Ẹdọwụ ọnị nyị ịnị Ijeesu, ị sị nyị ehuna ịsa edivi ịnị ẹhẹ nị.

3 Ịjọọnụ 1:11

Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ.